扭奶丸子

其實我估有好多媽媽都有一個疑問，BB到底要食幾多奶呢？大頭妹同小丸子頭 2個月都是全媽媽奶B (大頭妹頭 2個月，小丸子頭就 3個月都是埋身餵)，所以其實佢地 BB的時候，我都唔知佢地食幾多架﹗不過其實從泵奶可以估到少少，當年大頭妹，我只泵到 4-6OZ，用樽餵佢，佢亦只是食到 4OZ到。到小丸子的時候，我可以泵到 8OZ，用樽餵佢，佢食完 6OZ都喊 (當時醫生要佢減肥，叫我地比 5OZ佢食，我地偷雞比 6OZ﹗)。

之 後到小丸子 1歲，返健康院話唔洗減肥，返返去 97%成長線，我地又比返足佢食，有得食 8OZ 一餐，但有時佢臨瞓個餐要食 12OZ﹗最近唔洗返健康院，不過又開始有人同我講小丸子好似太 "瘦"，我地都覺得最近佢好似 "瘦" 咗，上次同佢去 NICHOLAS & BEAR買靚衫，佢試著 2Y都爆晒衫，大頭妹著就好似公主咁，佢著就好似 "BEAR" 咁﹗﹗﹗之後同佢上磅磅下啦﹗OMG...30磅﹗又上返百幾成長線﹗﹗﹗即是又要開始同佢減肥﹗﹗﹗

夜晚餐奶同常係 10:00飲，但大頭妹通常都唔會即時飲，每日都要講一輪”耶穌" 先飲，所以到 10:30大頭妹飲自己支奶的時候，小丸子見大頭妹有得飲，而自己無得飲的時候就會扭奶 (佢又唔記得，其實自己 10:00的時間已經飲咗 8OZ)﹗

一飲到就乖乖地瞓啦﹗﹗﹗


HEHEHE...有 VIDEO睇，睇下佢個幾行眼淚﹗﹗