迪士尼雪亮聖誕 - 樂園篇

去完旅行返嚟幾日，都未係 BLOG同大家打個招呼﹗因為返香港之後，兩個囡都病咗，發高燒燒到成 40度，到依家都未好返，真是救命呀﹗﹗之後小丸子又收到大頭妹學校封 "備收生" 信，本來大頭妹學校話優先收兄弟姐妹，之前 2間收咗小丸子，我地都無比留位，依家小丸子可能會無書讀...嗚嗚嗚﹗不過今次真係一個好好嘅經驗，我做人就係成日太 "老定" (太睇小龍B效應)，唔會做最好準備，阿旺就更加唔洗講啦﹗今次當買個教訓，不過個教訓如果係小丸子無得讀 PN，都真係幾大鑊，到考 K1嘅時候都唔知點算﹗

講完近況，講返上次去迪士尼雪亮聖誕，再次多謝迪士尼公關嘅邀請，其實我地本身果個星期都打算入迪士尼，因為大頭妹戒手指儲齊 16個貼紙，獎勵是去迪士尼一次，時間岩岩好呢﹗

香港迪士尼樂園於11月7日起至12月31日期間舉辦「點點樂事‧齊打氣」的慈善活動，凡每100位人次於「點點樂事‧齊打氣」專頁: http://www.happymoments.hk 打氣 ，就有一位來自受惠機構的小朋友可免費遊覽香港迪士尼樂園，體驗快樂無限的奇妙旅程，為他們締造更多快樂時刻！受惠機構包括：鄰舍輔導會﹑兒童心臟基金會﹑兒童癌病基金﹑扶康會﹑香港血癌基金。大家都多多支持吖﹗



食飽飽就入場啦﹗

今日其實都係大頭妹參加 RTHK 天下父母心 - 與孩同行嘅 "戒食手指畢業禮"，佢終於蓄齊 16個貼紙，可以去迪士尼一次啦﹗

入場前影張全家幅先﹗

我地去咗咁多次迪士尼，竟然第一次坐火車﹗

Mancent係哥哥，佢嘅性格都好 "哥哥"，好鍾意照顧人，所以我都好放心交個囡比佢 (wahahah...前面個 3句係真嘅，最後個句係講笑咋﹗)

大頭妹係明符其實嘅 "Daddy's Little Princess" ，去小小世界 Mandy姨姨問 Mancent同唔同 Alice坐，Mancent 即時話好，點知 Alice話要同爸爸坐﹗

因為唔係好想排隊，我地最後決定行下美國大街﹗

已經換上聖誕佈置，好有聖誕氣氛呢﹗

今日真係好好天﹗個天幾藍？﹗

工作人員帶住薑餅人同遊客影相﹗

四圍都係聖誕裝飾﹗真係好好氣氛﹗

灰熊山谷

灰熊手偶劇場，由多個西部牛旅客用手偶訴說熊寶寶嘅冬日心願﹗睇下大頭妹睇得幾入神﹗

聽完故事，小朋友仲可以同手偶握手﹗

謎離莊園

亨利爵士皮影劇場

其實我自己都係第一次睇皮影戲﹗

唔知大頭妹其實明唔明 "皮影戲" 是什麼呢？

之後我地又行去探險世界打下鼓，睇下 "動物"﹗

爸爸話小丸子咁著好似 "Running Man"﹗

入夜之後開晒燈仲靚呀﹗

唔係落雨，是落雪效果嚟架﹗

最後去 shopping﹗

有好多款聖誕裝飾賣，價錢都唔係好貴﹗

未知新屋趕唔趕得切聖誕節前入伙，如果唔係我一定買呢set呀﹗