DAY 2: SANDS - 牛車水 - 酒店 - Marina Bay Cruise Centre - 歌詩達郵輪『維多利亞號』
到新加坡第2日，預計今日大約 5:00 pm上船，都有一個早上同中午可以四圍行下﹑食下﹑玩下，佢地之前一晚已經食咗蟹，咁我唯有放棄，不過都打算食新加坡地道食物 e.g. 黃亞細肉骨茶﹑逸群海南雞飯 (我幾年前去新加坡去 trip嘅時候食過，真係好好味架)﹑阿坤多士 (阿妹推介)﹗一早係酒店食完早餐，就出發去 Sands，一方面去見識新加坡嘅新景點，另一方便又可以去佢地個 food court食 "黃亞細"肉骨茶，順便食埋其他新加坡地道食物﹗food court應該咩都有啲嘛﹗
"黃亞細"肉骨茶果然無令我失望，好食過前一晚食嘅 "小陳" 多多聲。另外係 "新記" 點了海南雞飯套餐，竟然都好好味﹗佢海南雞飯無得單點，一定要叫 set，所以都幾貴，要 SGD14.5架﹗燒雞飯就可以單點，只是 SGD6.5，所以海南雞變相順一陪有多架﹗其實我仲想食 LAKSA，不過已經太飽啦﹗
食完 lunch之後就出發去牛車水林志源買豬肉乾，點知就出事啦﹗阿旺因為怕老人家唔識路，所以我地分開 2架車，我同奶奶同小丸子一架的士，阿旺同老爺同大頭妹一架的士，我同阿旺講叫佢同的士司機講去牛車水林志源就ok，點知我一上車就知自己出事，我架的士個司機係馬拉人，唔識中文，即是唔識林志源啦﹗最後佢係一個商場放低我地，阿旺同老爺就順利係林志源門口落車，而我個電話/ 地圖又係阿旺個袋度，重點係當時好大雨﹗好彩最後我問路有個好心人帶我地去，heheheh...不過之後比阿旺鬧我唔袋好個電話。
買完林志源我地就返酒店攞返行李，再出發去 Marina Bay Cruise Centre 上船啦﹗
一早起身預備食完早餐就要 check out啦﹗叫佢地自己刷牙﹗
酒店嘅早餐比我想像中豐富，原本係 hotels.com訂係唔包架，之後係 DBS訂先包咋﹗
東南亞國家嘅水果一定好味啦﹗
麵包
熱食
果汁
麵類
Yogurt
有得食...幾神氣﹗
我嘅早餐﹗
怒食丸子﹗
如果比食嘅方便，小丸子就乖過大頭妹好多啦﹗
唯有食可以令佢坐定定，仲肯自己食﹗
大頭妹...就自己玩下餐具，抹下碗碟咁囉﹗
美食當前...2個囡都唔肯食粥，我自己食囉﹗
媽咪，啲紫菜好好味呀﹗
check out之後就四圍行下啦﹗
樓下嘅細 shopping mall
有間大型日式超市
Clarke Quay週圍行下﹗
之後我地坐 MRT，本來想去 BAYFRONT站，點知我地坐錯咗回頭車，去咗 RUFFLES HOTEL個邊，HEHEHE...都影下相啦﹗本來都想入去行個圈，但岩岩有人結婚，所以就無入去啦﹗
終於都去到 Sands啦﹗其實計返...坐的士仲化算﹗
專登去食 "黃亞細"﹗
真係好味過小陳好多﹗
求其係 food court食一間海南雞 "新記"，竟然好好味﹗
無我上次去逸群好食，不過都好好味﹗大頭妹一個人食咗半碗飯﹗
就係呢個油飯，可能令我個囡 (大囡) 開金口話要食多啲...真係神奇﹗
個湯都ok，應該都係味精湯，唔係傳統個啲雞內臟湯﹗
金沙入面個 food court仲有好多其他野食架﹗
個 LAKSA好似都好唔錯，不過之前係黃亞細叫得太多，已經食唔落其他野啦﹗
HEHEHEH...點唔到阿旺去做啲傻野，就叫大頭妹去做...HEHEHEH...呢個叫財福之泉，上面會有水流落嚟架﹗不過我地行到去都差唔多完啦﹗
唉吔...無水啦﹗
坐的士去牛車水，呢個小朋友又扭計，比媽媽影底，不過其實佢係想我抱啫﹗
出發去碼頭啦﹗為免分開 2駕的士，阿旺係酒店 book咗 7人車，盛為 SGD55﹗其實都OK，唔係貴好多，一齊去就安心啲囉﹗
呢個小朋友一上車就瞓咗﹗
如果大家想認識多啲 COSTA CRUISE，可以去佢地嘅網址睇下﹗佢地農曆新年會有香港出發嘅行線架﹗
沒有留言:
張貼留言