自湊一天

工人姐姐放假回鄉 2個星期多，好在都趕及 2個囡開學前回來﹗上次轉工人的時候，做了 2個月 full time mum，加無工人姐姐 support，不過當時得一個 "無殺傷力" 的 2歲大頭妹，同 "未有殺傷力" 的小丸子，所以都輕鬆過關﹗

今次是仍然 "無殺傷力" 4歲的大頭妹，加 "超強殺傷力" 2歲的小丸子，我只是照顧了 1天，都有少少招架不住的感覺，尤其是下午要帶大頭妹上興趣班，而通常興趣班的時間，都撞正 2個囡的午睡時間﹗今次比我發現，大頭妹真是好乖，3:00開始午睡，到 4:30要佢起身上堂，一點扭計都沒有﹗乖乖的比我換衫，乖乖的跟我出去﹗小丸子...我就直接放到車仔推出去﹗整體上都ok，只是比當年要多少少體力﹗

hhehehe...同大家講下...我當日係點過...

早上起身，預備早餐比 2個囡，都是蛋糕加橙汁﹗之後就開始吸纏﹑抹地﹑洗衫﹑收衫﹑涼衫﹗比玩具 2個囡自己玩﹗個日仲約咗帥博洗冷氣，2個囡八八卦卦走去睇哥哥洗冷氣)。我就預備午餐，只是煮通粉，快靚正﹗

戰場...如果處女座的阿旺在場，一定當場暈倒﹗

哈哈哈...巨蟹座的媽媽...就沒有問題啦﹗15分鐘就收拾好﹗玩啦玩啦﹗

上午茶有朱古力奶飲，小丸子自己個包都未飲完，就望實大頭妹的一包﹗

食完午飯，醒起唔可以全日玩，拎啲功課出嚟比佢地做﹗

寫下 copy book啦﹗

畫下水彩﹗

之後去沖涼﹗沖完涼要佢地瞓晏覺﹗

暗瞓覺失敗，食下午茶﹗一人一隻雞蛋，點知小丸子要食 2隻...食埋我個隻...午餐我又無煮自己個份，連個 tea都唔比我食...

4:30...2個囡都熟睡中...要叫醒佢地上興趣班...真是...

家姐去上堂，我同小丸子去食 tea﹗入去之前明明問咗小丸子要唔要去洗手間，點知一叫完，拎埋份餐，佢就話要去...真是激 c人﹗不過我估好多 ftm，每日都會面對大大小小咁嘅問題...

食完已經差不多時間去接大頭妹啦﹗返到屋企坐一陣，阿旺就返到啦﹗算是順利完成﹗不過就無煮晚飯﹗早上有吸纏﹑抹地﹑洗衫﹑涼衫架﹗咁樣計起上嚟...終於明白點解啲工人姐姐會揀工，唔湊 2個小朋友，其實真是幾辛苦﹗真是要向各位全職媽媽，同工人姐姐致敬﹗

BTW...希望工人姐姐會返嚟啦﹗最近成日都聽人講...好多工人姐姐放完假就失蹤...我都好擔心﹗