峰壽司@20140724

上星期四，同大頭姨姨行銅鑼灣，本來想買少少化妝品，不過買唔成﹗又想買泳衣，不過又懶得試身﹗又睇咗波鞋，打算買對波鞋比阿旺做生日禮物，不過未睇中，而且都要帶埋阿旺去試鞋﹗

 
第一站去Sogo試唇膏，上面的是我想買的 YSL #49，下面是我已買的 Laneige，試完發現原來一樣顏色，慳返唔洗買！不過半個鐘之後就明白點解 2支價錢相差 $100！我支 Laneige 已經化開晒，難怪平時要成日補！YSL 的只是甩咗少少，但顏色就仲 keep到﹗其實我只是想比大頭姨姨睇下係唔係無分別，我早到等了半小時，就見到個效果﹗

之後去食峰壽司，估不到平日都要等位呢！以前住灣仔的時候，好多時都會同阿旺去食峰壽司，最愛佢地的蟹棒壽司，真是好好味道﹗﹗﹗

先上炸薯蓉芝士，好好味道呢！又夠熱！又是我每次都必食的﹗

軍艦壽司

麵豉湯，我覺得元氣的好飲啲！

我最鍾意食峰壽司的蟹柳！帶子和赤貝都不錯﹗

軟殻蟹手卷都是元氣的好啲！

2個人食到飽飽，埋單都是 $270，都 ok啦﹗