大頭妹下學期 (即是 8月中) 就升 K2 ，開始進入真正的讀書期﹗大頭妹的幼稚園不算谷， K1都是一個星期 2 次功課 (逢星期三﹑六)，只有星期六的一份功課要寫字。上次返學校聽 K2 的家長會，K2 開始就會日日有功課，校長話希望老師可以有多點上課的時間教小朋友，功課就留返屋企做，會開始寫英文大階，中文﹑數字﹗
媽媽深明『工欲善其事，必先利其器』的重要 (以前學化妝同學煮飯時都一樣...HEHEHEH...買東西的好借口)，為慶祝今個學期大頭妹得到進步獎 (又另一個籍口)，媽媽為大頭妹預備了她第一張正正式式的書枱啦﹗
登登...就是 Freemax 的 『kid2youth R2-XS 兒童人體工學系列套裝』﹗包括: R2-XS 兒童人體工學桌和天星兒童人體工學椅，原價: HKD5,710，套裝價: HKD4,854﹗
Freemax 的枱同椅都可以調較高度，可以用到 177cm，即是全屋最高的阿旺都岩用﹗唔當大頭妹可以用到中學，用完個小學都 8年，加埋小丸子一齊用﹗應該都算是貴買平用﹗hehehe...不過依家聽講小學做功課要做幾個鐘，即是無得 "輪流" 用？﹗呵呵呵﹗到時先算啦﹗http://shop.freemax.com.hk/product-detail_R2-XS-Set.html?language=cht
我比較好多市面的學習枱椅套裝，Freemax 這一套算是中價，再貴的都有，去到成 $8xxx/套﹗平平地淘寶就 $2000 以下都有（當然是標榜 "人體工學" 的，否則普通小朋友寫字枱 $500以下都有﹗)。不過我一向都唔淘寶，小朋友的用品就更加﹗大陸的用料，老實講都是信唔過﹗
睇下個傻妹幾開心﹗
枱同埋椅都可以較高度﹗枱的高度由 53cm - 73cm。
枱面仲可以調較 7個角度﹗根據人體工學， 0°-15° 為最輕鬆寫字角度，30°-60° 為最舒適閱讀角度，30°-70° 為繪圖角度，一張枱就 fit 晒 "寫字"﹑"閱讀"﹑"畫畫" 之用﹗
人體工學，我唔是專家，我唔講咁多，有興趣就自己去 Freemax 的 website 睇下:
http://shop.freemax.com.hk/product-detail_R2-XS-Set.html?language=cht
大頭妹大約 2歲的時候，買了第一張 "摺枱椅"﹗不過隨著小丸子的加入，張枱唔夠用啦﹗我又換過一張 IKEA 的，小丸子上的 playgroup都是用呢張，其實用來食飯都ok﹗不過張圓櫈無椅背，見佢地坐得唔是幾好﹗其實...我連畫板都有...依家一張 Freemax 兒童人體工學枱就搞掂晒﹗
5月開始要大頭妹一日寫一頁 copybook，6月就開始寫格仔簿啦﹗
寫下: 日﹑田﹑木﹑水﹑中，方便佢等時學寫自己個名﹗不過學校好似話 K3先學寫名﹗
啲英文字...一無 copybook...就不似字形，不過ok啦﹗我都係要佢一日寫一行，慢慢加上去﹗上次家長日，校長話要留意小朋友寫唔寫到 4線簿，佢話如果小朋友寫唔到，就可能係有 "讀寫障礙"﹗
寫唔夠一陣就玩啦﹗
暑假都唔可以偷懶架﹗﹗﹗
係啦﹗正正經經寫字先乖架嘛﹗
睇書的時候可以較高少少的角度，頸仔就唔會咁攰啦﹗
hehehe...佢識讀我拍的生字，比我讚完，所以好開心﹗
再較高少少都可以，咁睇書就可以坐直晒個人﹗張枱有個盤可以托住本書﹗
小丸子都唔執書，又要影返幅相﹗
收貨當日發生一件事，令我覺得小丸子好乖，我一返到屋企，佢就問我張櫈是邊個？﹗佢知道應該是家姐的 (家姐當時上音樂班)，然後問我佢可唔可以坐，我問返工人姐姐，佢之前真是沒有坐，等我話佢可以坐佢先坐，坐的時候仲笑咪咪﹗
其實 K2 要預備的又點只一張正正式式，坐得舒舒服服的書枱吖﹗
媽咪我已經買了 10多本 "格仔簿" 同 "4線簿"，比大頭妹學寫字 (唉吔...幫我打走隻 "怪獸"，我唔要做怪獸家長呀﹗)。原來我地細個的功課簿仲未被淘汰﹗我在中環的書局買 $3/本，我已經覺得好平﹗原來商務印 $10/ 5本，即是 $2/ 本咋﹗
仲有大量文具，買了 2盒鉛筆，1盒是日本的三角筆，是 B色的，寫出來會比 HB 深色，即是不用太大力都寫到，要成 $39/12支，即是比平時的貴一倍有多。大頭妹話在學校都是用這一款，媽媽真是沒有買錯了﹗另 1盒是施得樓的 2B鉛筆，比小丸子用，平平地 $18/12支 ﹗
大家 like咗我地的 facebook page未呀？未就快啲 like啦﹗多謝支持﹗
沒有留言:
張貼留言