傻夫婦東京5天超級親子之旅 DAY 1下【燒肉放題風風亭】

 

又繼續 DAY 1行程﹗食完 lunch返到酒店先 2:00，行程一早plan咗係酒店休息，但是我發現...原來要休息的...只是我和阿旺，大頭妹和小丸子根本就無休息的打算，結果返到酒店我第一個瞓，之後阿旺用了 1個多小時暗 2個囡瞓，然後自己一齊瞓，到我 5:00起身的時候，佢地先岩岩瞓，等到 6:00叫佢地起身，叫到 7:00先起身﹗

其實我蠢咗﹗我應該自己起身之後就去行街，酒店有 wifi，我地有 wifi蛋，我基本上就算自己出去都可以同阿旺聯繫上﹗之後 3日我都完全無時間行街，如果第一日就行咗，會好好多，唔洗去到第5日上飛機前幾小時先買﹗雖然最後都買到野，買嘅野都岩心水，無話唔夠時間shop就亂買野，不過中間唔多唔少發咗阿旺少少脾氣 (其實唔關佢事)﹗

 講返第一晚的晚餐﹗我地食燒肉放題，不過就無去六歌仙，太貴了 (最平的都要 6800YEN位，不過 6歲以下小朋友是免費的﹗)﹗今次食平民燒肉放題 - 燒肉風風亭﹗同六歌仙點比？﹗又真是無得比喎﹗其實價錢差一倍，我話一樣咁好味，你信唔信？﹗同埋六歌仙食 "和牛"，風風亭食 "國產牛"，係日本的國產牛唔係即係和牛咩？﹗原來唔係架？﹗國產牛只是日本本地養，但牛可能是配種嘅﹗和牛就真是日本本土的牛 (即是 "原居民")﹗所以如果要食和牛，就真是要去返六歌仙啦﹗不過我覺得風風亨的性價比都算高﹗唯一係原來佢地一人份是好大份 (其實都是優點)，我地牛肉類每樣要 2份的情況下 (加上少少言語不通)，上枱時真是多到嚇親人﹗最後就只是吃了一round，都無必要再點第二round，變咗好多食物都未試到﹗

舊blog重溫-六歌仙: http://athena-joe.blogspot.hk/2007/01/day-1.html

風風亭有 2個價位的放題選擇，我地選了 【上國產牛】3480YEN﹗

比【國產牛】貴 550YEN﹗

 6歲以下小朋友就 500YEN，我4月PLAN行程時，6歲以下小朋友都仲是免費的﹗

最後我地覺得食平個款都OK，因為我地覺得好味的幾款牛，都是平的可以揀﹗

呢個小朋友話幫手燒，之後一見到少少火就驚﹗

呢個小朋友就無有怕﹗最後自己燒腸仔﹗

海鮮就唔會好似六歌仙咁有長腳蟹﹗不過都蝦同帶子都好好味﹗

日本的香腸都幾好味﹗

牛舌好好味﹗

2人份的五花腩...我見到已經覺得肥﹗
我地以為一人份是 2片架咋﹗
上次食六歌仙，真是每樣得少少，估唔到呢間咁大方﹗

呢個係牛扒...可以不點﹗

呢款 "角切" 什麼什麼，我和阿旺都覺得最好味﹗平的 2980放題都可以揀﹗

其餘其實唔太識分，不過貴唔同貴，其實都有得揀同一個位，只是靚啲同無咁靚的分別﹗呢 2款都好味﹗

2人份是真的 2人份﹗大家點的時候要留意了﹗又 2塊肉眼，不過呢 2塊好味好多﹗

大人加 400YEN，小朋友加 100YEN，仲有飲品放題 (無酒精飲品)﹗

叫個白飯比 2個囡食﹗

呢個男人想點？﹗佢話個西柚汁好好飲﹗可以中和返肉的肥膩感﹗

原來之前坐爸爸隔離個位好熱，熱到無晒心機﹗我叫佢坐過離我個邊，我幫佢 "搧扇"，即刻開心返晒﹗食晒碗飯﹗

吃太多肉了...點了個沙律﹗

甜品有雪糕和杏仁豆腐，杏仁豆腐好好味﹗可惜我已經食得太飽了﹗

明明已經食到好飽﹗阿旺返到酒店仲話食生果﹗

真是超甜又多汁﹗﹗﹗

呢餐最後埋單是 9676YEN，如果去六歌仙，小朋友免費，就是14688YEN，都仲差5012YEN，即是差不多 HKD320﹗仲未計我地點咗飲品放題﹗再去食邊間？﹗應該都是食平個間呱？﹗哈哈哈..HKD320夠我買 2件減價 TEE了﹗而且呢間的質素其實都OK﹗只怪我地言語不通，以為 2人就叫 2人份，原來咁大份，食到尾有少少要 "夾硬" 食，幾好味都假啦﹗呀？﹗又不過其實日本都好多燒肉店，如果以呢個價錢，其實會唔會單點更加好呢？﹗下次要試一試﹗

大家 like 咗我地的 Facebook page未呀？未就快啲 like啦﹗