傻夫婦一家四口生活日誌: 傻夫婦東京5天超級親子之旅 DAY 1上【VANILLA AIR廉航初體驗/ 成田TERMINAL 3/ HOTEL SUNROUTE PLAZA SHINJUKU】

2015年7月24日星期五

傻夫婦東京5天超級親子之旅 DAY 1上【VANILLA AIR廉航初體驗/ 成田TERMINAL 3/ HOTEL SUNROUTE PLAZA SHINJUKU】

老實講今次是第 1次坐廉航﹗等我都寫返篇VANILLA AIR廉航初體驗﹗

整體感覺不錯，出發同回程的航班都超準時，機上的服務都十分不錯﹗大頭妹去程時流鼻血，成 2-3個空姐幫手，攞紙巾﹑幫手止血 (其實流咗少少啫)﹑再比杯水大頭妹 (平時廉航係連水都無架)﹗可能 Vanilla Air始終係日本公司，就算係廉航，service level都有返咁上下﹗

只是 check-in 的時間比較耐，一來無 online check in，二來得 2個 counters ，所以等候的時間比較長，來回程都要等 around 45分鐘以上 (因為廉航，就算好似我地坐凌晨機，一樣要係 terminal 2 check in，但之後又要坐無人駕駛去返 terminal 1上機)﹗

另外一點就是廉航始終是坐細機，所以遇到氣流的時候，真是比較起伏，去程的時候可能天氣麻麻地，架機都真是幾 "chok" (又可能關機司技術事，回程時好ok，可能係 Sam哥揸)，而且引擎的聲音好大，大頭妹同小丸子都有少少驚﹗兩個一人瞓我一邊大腿﹗問我點解會 up and down﹗佢地兩個之前去幾次旅行都是坐國泰，又真是穩定好多﹗哈哈﹗不過一分錢一分貨嘛，我地今次一人只是 $2500 (連稅)，仲要我買足 4人行李，其實我都用唔晒，小朋友可以唔買行李，就再平幾百﹗而我當時 check過國泰是 $57xx (大人，未連稅)，價錢都是差一個 double 有多﹗最後就是機上無 "娛樂"，機位好 "窄"，呢啲都是坐廉航預咗架啦﹗

第一次去 terminal 2，差啲落錯機場巴士﹗

明明離港指住左同右，唔知點解我地行咗上去﹗

其實坐廉航都幾緊張，出發前幾日先見有人 post 話坐 Vanilla Air，delay完再 cancel埋班機﹗好彩今次好順利﹗

大頭妹好乖，出發之前同我講想帶本書去睇，佢話怕悶﹗其實依家 5歲小朋友都識幾多野﹗

小丸子見我讚完家姐又要有樣學樣，不過佢要我講故事，我叫佢自己睇，所以嬲爆爆﹗

入境等上機啦﹗有電視睇不過無聲，hehhe...搞到小丸子行來行去想開大聲啲﹗

之後唔知點解由 gate 1轉去 gate 21，個邊有 Starbucks，阿旺話買少少野食，我地買完就closed啦﹗當時都 12:00 幾，都收幾夜架喎﹗

有得食，小丸子一定唔執書啦﹗

影相景點位﹗

大頭妹繼續小孔雀﹗

上機啦﹗啲位都真是幾窄﹗

回程時，自備私人娛樂﹗

去程係凌晨機，唔見空姐有推餐車出來。回程時，6:00係機場食完 dinner，9:00上機，小丸子話要食野，所以都叫咗少少野食，全部都是額外收費，不過我覺得價錢都合理，無太大的開天殺價﹗

薯片 200yen，可樂都是 200yen，依家yen低水，其實都是 $13﹗

叫咗個飯比小丸子，見到有豆腐，點知係高野豆腐，最後佢只是食咗少少蛋同飯﹗回程到阿旺同 2個囡坐，佢嘗試餵大頭妹食，我坐係前面不停聽到大頭妹話 "好難食呀﹗我唔食呀﹗"，哈哈﹗我相信都真係難食﹗

早知叫杯麵，旁邊的一家四口食咗 2 rounds，好似好好味咁﹗

個南瓜﹑蕃薯片都幾好味﹗

嗱﹗我今次信大頭妹...應該真係唔好味﹗上次坐 CX，食肉醬意，佢一個人食晒話好好味架﹗

坐凌晨機有得睇日出﹗

一起身就要飲奶﹗但爸爸同家姐一齊流鼻血，無人理佢﹗

落機之後要坐 shuttle bus去返 terminal 3。

成田的 terminal 3係今年 4月新開，我 book機票時都未開，係廉航專用的﹗地方好細，得一間 Lawson，一間 book store，一間賣衫，同一間賣手信的。無餐廳，只有一個 food court，大約有 5-6間食店，有壽司﹑拉麵﹑cafe﹑烏東，碗飯之類，都算多選擇嘅﹗

落機即刻食返個早餐，我唔可以空肚坐長途車﹗