快樂星期日@石澳沙灘

2015年 6月28日 (星期日)

今日大頭妹同學仔約去沙灘玩，依家 K2啦﹗大個啦﹗有自己朋友﹗佢地識自己係學校約去邊度邊度玩，返屋企再叫各自的媽咪同其他媽咪約﹗嘩﹗依家啲細路真是好叻﹗幼稚園就識自己約朋友玩﹗

大頭妹一向好少同我講學校的事，不過去玩呢？﹗就唔講極都會講下﹗本來我係 WHATSAPP GROUP 到已經見到其他媽媽約去沙灘架啦﹗但是我一向都唔同陽光玩遊戲，要知媽媽我用好多錢做 LASER TREATMENT 去印去斑架 (好彩有時有 SPONSOR)﹗晒一晒咪功虧一簣？﹗仲可能衰過唔做架嘛﹗﹗﹗唉﹗點知...大頭妹唔知星期幾返屋企已經問我星期日係唔係去沙灘，日日不停問不停問﹗見佢咁想去，唯有頂硬上啦﹗仲要之前 2日吹冷氣吹到病病地，病住去 "港小" 的講座，星期日雖然好攰，都要頂硬上去沙灘﹗唉﹗做人阿媽真係什艱難﹗﹗﹗未做人阿媽之前，我明明只不過是一個 "宅女"﹗不過見到佢地咁開心，又真是即刻抵返晒﹗﹗﹗

 其實係我地屋企去石澳都唔係太遠，坐的士就 $100，如果有足夠時間就可以去筲箕灣坐小巴/ 巴士入去，咁就平好多啦﹗不過我地個日早上上完芭蕾舞，之後返屋企食完 LUNCH已經 2:00幾，但阿旺堅持要佢地午睡，瞓到 4:00先起身，太陽伯伯都就收工，唔坐的士都唔得啦﹗

佢地 2個成日擺啲唔知咩 POST﹗

原來小朋友去沙灘真是好開心﹗不過下次最好星期六去，星期日去完，星期一返工，真是得返個驅殼﹗

爸爸同佢地 "堆沙"﹗呵呵呵...我影完幾張相，就返咗去坐﹗

大膽丸自己行出去玩水﹗

大頭妹通常都唔會行好出﹗

呢個就是危險人物，睇少眼都真是行咗出去﹗

 

之後都是叫佢地返去 BBQ 附近玩沙，係海邊玩始終要睇得好實，我又唔想曬，得爸爸一個睇 2個﹗

  其實我唔明玩沙有咩好玩？﹗我覺得佢地今日似地盤工人多啲，不停運沙﹗好彩唔係運吉﹗

石澳其實幾好架﹗沙灘旁邊就有得燒野食﹗依家仲唔洗用叉，就咁放上網燒，咁一邊燒，一邊睇小朋友都無咁辛苦﹗不過我無燒架﹗我影同學仔咋﹗我怕熱...夏天 BBQ...我會死架﹗

 

沖身之後經過出面停車場有一檔串燒，我話買腸仔比大頭妹食，換完衫就去買腸仔比佢食，應該是 $12/串，我買了一串腸仔加一串菠蘿，加 2支益力多是 $29，我覺得價錢都OK。唔知佢地係唔係運完沙肚餓，竟然爭食﹗﹗﹗我聽到有人笑小丸子話 "嘩﹗你睇下佢"，唉...下次...真係要買多少少，之後大頭妹問我點解唔買 2串，我話因為你無話買 2串囉﹗呵呵呵﹗點知你地咁肚餓﹗下次買多 2串囉﹗之後又比阿旺話我﹗啍﹗唔係我話買，一串都無得你地食呀﹗依家每人都食咗 3粒芝士腸，仲有一支益力多吖﹗    

我估佢地真是用咗好多體力﹗坐巴士出到筲箕灣，問大頭妹返屋企沖涼先，定食野先，佢竟然揀食野先﹗最近見到太興，就去太興食，估唔到食物質素都幾ok，價錢都ok嘅﹗

叫比 2個囡，點知佢地唔 like 魚肚，但又勁多魚肚，結果...食得少少﹗打咗包﹗

 點了燒肉油雞飯套餐 $68，有油菜跟﹗

 另外點了燉湯﹗

 仲有小菜魚香茄子煲﹗

 

  2個囡應該玩得好盡興，但返到屋企 9點幾，沖完涼 10點幾都竟然唔洗瞓，同平時一樣 11點幾先瞓...第2朝...又唔肯起身，今個暑假都真是要試下 "調節" 佢地嘅瞓覺時間。

大家 like 咗我地 Facebook page 未呀？未就快啲 like 啦﹗