一家四口遊台北 DAY 4: BABY BOSS﹑咖啡弄﹑台北桃園機場

2014年 4月14日 (星期一)

行程: BABY BOSS﹑咖啡弄﹑台北桃園機場

4日3夜的台北之旅來到最後一日啦﹗真是有少少後悔，為什麼不玩 5天，起初怕 2個大人帶 2個小朋友會好難應付，後來又覺得還可以，哈哈哈...下次可以挑戰 5-6天了﹗來到最後一日1，亦是最期待的一日﹗今日我地要去 BABY BOSS啦﹗

其實香港都有類似的，不過台灣這一間規模大一點，之前都有講過，我想看看大頭妹的普通話程度，呵呵呵...結論是...非常一般 (我意思是大頭妹的普通話程度，不是說 BABY BOSS)﹗BABY BOSS好好玩呀﹗不過大部份都要 3-4歲以上才可以參加，2歲的小丸子只可以在 BB ZONE玩，就有點悶啦﹗下次啦﹗下次大個囡媽咪再帶你去玩啦﹗

大家記得帶 PASSPORT呀﹗遊客有 8折的﹗

其實京華城有好多類似的，比小朋友玩的地方，BABY BOSS對面就是騎士堡啦﹗

這裡就是 BABY ZONE...難怪小丸子會悶...

入面有餐廳，真是可以待上一整天﹗

大頭妹第一樣職業是做 "空姐" ﹗其實我想大頭妹做 "機師" 啦﹗不過排錯隊﹗

媽咪掛住同芝士餅媽傾計忘記了大頭妹，原來佢驚驚呢﹗

我同佢講媽媽一陣都會一齊同佢上飛機，佢就OK啦﹗

嘩哈哈哈﹗轉個頭已經好開心，跟工作人員上機啦﹗

我都上機啦﹗不過原來入面唔可以影相？﹗點解呢？﹗其他職業都可以，只有機上唔可以？﹗

放工啦﹗﹗﹗

要自己 "拖夾" 架﹗

似乎好開心喎﹗

第一次出糧﹗

之後我想玩消防員，可惜已經額滿 (剛剛有一間學校的學生一齊去玩)﹗

我覺得消防員最 "抵玩"，又有得坐車，又有得玩水﹗

真是要坐上消防車去火警現場架﹗

做唔成消防員，我地去做 MODEL﹗

大頭妹同芝士餅出場啦﹗掌聲鼓勵﹗

女孩子幾時都貪靚，有得扮靚靚，幾開心﹗

小丸子...等得太耐...終於發火啦﹗

哈哈...又出糧啦﹗

最後去做 "護士"﹗

育嬰員﹗

wahaha...2個小朋友唔專心，掛住影相﹗

又再一次見識大頭妹的完美主義，整唔到就點都唔走﹗我見其他小朋友包到包唔到都走了，得返佢一個自己包 BB﹗

WAHAHHA...仲包到 R晒頭，R完頭唔該你唔好摸 BB喎﹗最後都係要職員姐姐幫手﹗

放工啦﹗

出咗糧...幾得戚﹗

仲分咗錢比我﹗

點知佢做得個 3份工，得 $50 BABY BOSS DOLLARS，我仲要補錢先買到野比佢﹗

買咗一幅切圖，都算是自己 "搵錢" 買的第一樣野啦﹗

我地走啦﹗

之後坐的士去咖啡弄，估唔到 2:00幾，係台灣的咖啡弄都一樣要排隊﹗我仲以為係台灣會唔洗排隊﹗我地都等咗 AROUND 20分鐘以上﹗

阿旺的...海鹽什麼什麼...已經唔記得咗個名﹗

小朋友的清水 2杯﹗

個士多啤梨窩夫，賣相真係好靚，仲好好味﹗

我的什麼什麼...什麼都唔記得...HEHEHEH...

3:00 已經無咖哩牛腩賣，唯有食三文治啦﹗

阿旺表演 "吞" 三文治﹗

大頭妹就食窩夫﹗

我係飛機上睇中呢一SET，有冇人知抵唔抵？﹗唔好同我講係歐洲買平好多...我去唔到歐洲嘛﹗我淨係想知買唔買得過？﹗因為大頭姨姨 6月飛，如果買得過，就叫佢幫我買﹗

呢個飛機餐太神奇，大頭妹竟然食晒，返到香港仲成日提起﹗

我覺得都係平時個啲蕃茄汁意粉之嘛﹗

大人就食嚕肉飯，呢次台灣之旅之後，阿旺愛上嚕肉飯﹗

呢個小朋友就好乖，飲完奶奶就瞓﹗

落機前就起身﹗

睇咗一陣 DISNEY CHANNEL﹗

2個囡坐飛機都好乖﹗可以多啲帶佢地去旅行﹗不過就要爸爸賺多啲錢啦﹗

我地的台北之旅 BLOG 已經圓滿結束，多謝大家收看﹗


大家 like咗我地個 facebook page未呀？﹗未就快啲 like啦﹗