小丸子戒片記 (噓噓樂Sealer 試用文)

有了上次大頭妹的經驗，加上工人姐姐的配合，今次早了幫小丸子戒片﹗

其實早於上個夏天就已經開始幫小丸子戒片，即是大約15個月就開始戒。起初當然10次有 8次都不成功，不竟只是 15個月的小 BB。之後冬天，我叫工人姐姐可以暫停一陣，我幫小丸子改用褲仔尿片，方便工人姐姐帶小丸子去洗手間，慢慢慢慢...到今個春天，小丸子大約 20個月，已經開始可以自己表達要去洗手間，失敗的次數變成 2比8啦﹗日頭大部份時間係屋企都係著 "底褲仔"，只有出街的時候要用尿片﹗到 22個月，基本上都只是晚上瞓覺的時候，或者去好遠地方先用片片，如果只是接家姐放學，有時工人姐姐都好大膽，只是幫小丸子著褲仔﹗

依家 2歲啦﹗早上時間都無用尿片啦﹗雖然間中都有 "失手"，瞓晏覺的時候是最易失手的時間。其他時間，就算有用片，佢都唔肯痾落片片，最高紀錄就試過由銅鑼灣叫要去洗手間，一路叫...叫到返屋企先去，坐地鐡時不停叫..."我要 WEE WEE﹗”，雖然都知道地鐡可以借洗手間，大頭妹借過幾次，不過見佢有用尿片，我又懶得同佢去洗手間。上次去台灣 4日3夜，總共都只是濕過 2次片，1次是夜晚，1次是瞓晏覺。

最近開始諗仲用唔用褲仔尿片，一條要成 $2.8 (特價的時候)，一星期大約 1-2次會濕片，其他時間通常瞓醒一覺就丟，我家工人姐姐好慳唔慳，佢試過同我講，同一條片佢幫著了 2日 2夜﹗佢可能想同我講小丸子好乖，2日 2夜都無瀨過 WEE WEE，不過就嚇到我瀨 WEE WEE囉﹗我都有同佢解釋返，片片係貴，但一條片用 2日，一陣有尿道炎，睇一次醫生都係返度啦﹗自始我自己早上同小丸子去廁所的時候，一定丟埋條片﹗


正當工人姐姐同我講屋企包褲仔片片用剩幾片要買之際，就收到 『噓噓樂Sealer』的試用邀請﹗ 

『噓噓樂Sealer』來自台灣，台灣製造，有品質保證 (2大牌子之一，其中一條 LINE都係台灣製造架﹗)﹗最重要是 "價錢平"﹗呢個亦是佢地的最大賣點﹗因為BB 用尿片，真是 "小數怕長計"，換得少又怕 BB有紅 PAT PAT，換得密其實都好 "襟計"﹗不只一次有朋友同我講，工人姐姐成日 2個鐘就換一次片，其實都好肉赤，不過又怕叫佢唔好換咁密的時候，佢地一陣又 678個鐘都唔換一次﹗不過香港暫時未有 S SIZE片。

試用咗 2個星期左右，吸濕都算理想﹗無漏尿的情況，朝早最重個條片都無漏﹗都無話因為價錢平，而忽略 "質素"﹗
 

hehehe...就算好似小丸子咁好動的 yoga高手，都未試過漏﹗
 

 小丸子有對豬腿仔，我都會好留意骴位，睇下會唔會 "cool" 到紅晒，噓噓樂Sealer 都無呢個問題﹗
 

話得平，其實平幾多先？﹗以小丸子著大碼為例，以前著大牌學習褲，要 $2.8/條 (仲要係等孖裝特價個時)，而噓噓樂Sealer大碼片，只是 $1.72﹗當然佢唔係學習褲，就一定平少少，不過足足平咗 38%﹗(如果香港都賣埋學習褲就好啦﹗)


中碼 / 6-11kg / 56片: $86.2 (平均$1.54/片) 
大碼 / 9-14kg / 50片: $86 (平均$1.72/片) 
加大碼 / 12-16kg / 44片: $90.6 (平均$2.05/片) 
加加大碼 / 15kg以上 / 28片: $75 (平均$2.68/片)

 另外，佢地有家居送貨服務架﹗想當年我陀住小丸子，仲成日要幫大頭妹買尿片，仲要等孖裝特價，次次拎返屋企的時候就會好激氣...無辦法...男人永遠唔會知小朋友的尿片幾時用完，工人姐姐又永遠唔會幫你等特價買，唯有自己辛勞啲﹗

依家 click 入佢地網址，仲有免費試用裝攞架﹗
http://www.sealer.com.hk