玩具“反”斗城「戶外玩具熱選」戶外玩具及用品試用活動

多謝 TOYSRUS 的試用遨請﹗大頭妹同小丸子又有新玩具玩啦﹗媽媽我又慳返唔少，今次的玩貝/ 用品非常實用，岩晒今個夏天去游水玩下啦﹗

每次收到包裹... 2個傻妹都 "非常興奮"﹗睇下今次我地收到啲咩？﹗

第一樣...小丸子一見到就叫 "阿D" (佢自己咁叫自己)，原來...係公主...哈哈哈...不過轉個頭就比大頭妹搶咗啦﹗登登﹗就係 "迪士尼公主城堡波波池"﹗

第 2樣係 "習泳背心"

HEHEHEH...睇得 HI-5多，扮 ROBOT﹗

剛剛星期六去北潭涌渡假營游水時試用咗，真是非常正呀﹗有咗佢連小丸子都可以自己游下水玩下﹗

2合1電筒/ 手提燈

小朋友最鍾意玩電筒，我地上星期去宿營都有帶埋去﹗

用 2粒 2A電，都幾夠光，又都玩得幾耐﹗

哈哈...已經即時入紙皮箱玩﹗

大頭妹怪談？﹗

唉...心急媽咪加心急囡囡，等唔切阿旺放工，就泵個波波池啦﹗

2個唔識幫手...仲不停叫我快啲﹗

吹咗都未夠一半，小丸子已經 "捐" 咗入去﹗

大頭妹: 媽咪，爸爸泵得好快架，你都快啲啦﹗(真實對白)

媽咪: 咁你叫阿妹出返去先啦﹗唔係天光都泵唔到啦﹗

終於成形啦﹗﹗﹗

大頭妹話呢個係佢的 CLUB HOUSE﹗

睇佢幾開心...不過...

之後小丸子係都要帶埋佢隻 BEAR BEAR入去一齊坐...仲要唔大個隻都唔帶 (都係 TOYSRUS 的)，睇下大頭妹個樣幾唔滿意...同我投訴阿妹﹗

阿妹唔肯讓步，仲要起飛腳﹗

HEHEHEH...原本以為自己有間 CLUB HOUSE...點知...比阿妹霸咗...

睇下小丸子個樣...佢瞓住個 BEAR BEAR...大頭妹根本都搬唔郁佢地...HEHEHEHEH...

HOHOHO...我通常都唔會 "參與" 佢地的 "鬥爭"，生 2個的目的，就係想佢地學同人相處嘛﹗而且通常 "公說公有理﹑婆說婆有理"，只要佢地 "動口不動手"，我都唔會理﹗

到夜晚...大頭妹自己搬個波波池入房瞓，已經瞓咗好多晚，不過仲未成功瞓天光，第一晚瞓到 12:00幾，阿旺都未睇完電視入房，佢就自己爬上床話好驚﹗第 2晚，好似瞓到 1:00幾，第 3晚瞓到 3:00幾﹗佢話會繼續試，會有一日佢瞓醒就返學咁話喎﹗

第 3晚...我睡夢中感覺到佢爬上床...應該都有 3:00，有進步﹗


HEHEH...包 20個波波，其實唔夠，可以另外再買波波，加返啲波波之後，再好玩好多，不過阿旺就即時好頭痛，處女座嘅佢，好怕間屋亂同嘈...但有小朋友的屋企，又點會唔亂同嘈呢？﹗

每週「超值熱選」

玩具“反”斗城除了準備了多款好玩的戶外玩具外，更精心挑選多款玩具以超值優惠價發售，由5月6日起至6月30日期間，玩具“反”斗城將於每週推出多款熱門精選產品供顧客以優惠價選購，部分產品更以低至半價發售，大小朋友萬勿錯過！優惠產品數量有限，售完即止。