敗家萬歲﹗(衣服篇)

換季啦﹗換季啦﹗

雖然中國人有句說話 "未食 5月糉，寒衣未入櫳" ，不過去到 4月尾，都應該要換季啦﹗順便執一執個衣櫃，之前搬屋，由於時間關係，只是亂塞一通，是時候執返靚佢啦﹗

今季唔知點解，行了 3 次 ZARA都買唔到野，唔係太岩心水﹗唯有轉戰 TOPSHOP，我平時通常都是行 ZARA先，因為佢平少少，上衣 AROUND $3XX，TOPSHOP要 $4XX，咁係 TOPSHOP買 3件，就係 ZARA 買多一件架啦﹗最後先 COS﹗最近發現...GIORDANO  LADIES...都要 $6XX./ 件 TOP (我睇中咗一件...杏色...好靚...不過唔捨得買)，依家買衫真是好貴呢？﹗

 最後...係 TOPSHOP買咗 3件 TOPS，再係 UNIQLO 買咗 2條 LEGGING PANTS，上星期做 $299/ 2條，買咗 1條黑，1條牛仔，買 7分款...我矮...7分款可以當 9分褲著，唔洗改 (偷笑...原來矮都有好處)﹗再之後又係 SOGO 買咗 3對鞋...又係 FOREVER 21買咗 2條頸鏈﹗HOHOHO...唔好比我老公睇到我個 BLOG﹗

最近好少係公司洗手間影相，因為有一盞燈壞咗之後，換咗一盞黃燈，影出嚟啲色怪怪的，又暗咗﹗不過係屋企有 2個囡...又好難影﹗第一張...成功咗﹗

第 2張...小丸子...己經衝入鏡...仲要著我對鞋...(其實已經著住我另一對鞋...不過佢一見到我著個對銀閃，即時 2眼發光﹗)

不拼在一起都不為意，原來著黑褲，配黑色高跟鞋，真的會有 "拉長" 的效果﹗
條 LEGGING PANTS...是 M SIZE...以前一向著開 S SIZE，但阿旺成日問我，點解我啲褲咁緊 (我雖然反駁係 "貼" 唔係緊)，不過都係時候面對現實，著 M SIZE...真係舒服好多﹗

見到嗎？我的右邊身是黃色，左邊係白色...而且暗過以前...所以好少係公司洗手間影啦﹗

係 FOREVER 21 新買的頸鏈，只是 $7X咋﹗

呢件同上面個件唔同架﹗其實我爭扎咗好耐，唔想一次買 2件白色 TOP，不過...呢件著完真係好瘦，可能因為遮晒手臂，所以最後都忍唔住買埋﹗

呀﹗我公司對面間 ZARA對底幾時開呢？﹗我成日諗...佢開咗之後...對面係 ZARA同 COS，旁邊係 TOPSHOP...我可能會破產﹗依家想行 ZARA都要行去 IFC...都遠遠地...第時可以日日食 LUNCH 行...都幾大鑊﹗