Gap童裝減價

最近 GAP童裝又做減價，買 8件有 65折，不過未到季尾，其實都未係十分抵。當我同阿旺同大頭姨姨講的時候，佢地都反應都係: 要買 8件？﹗。唓﹗有 2個囡，要買 8件衫有幾難呀？﹗一人 4件之嘛﹗如果季尾多啲衫有 DISCOUNT，再有呢個優惠，買多 10幾 20件都無難度呀﹗

其實今次主力係買比小丸子，因為佢幼稚園係著便服，再加圍裙，所以買定少少岩返學著的衫，之後大頭姨姨又話: 吓﹗咁有學劵都唔掂架喎﹗比你咁買法，張學劵都 COVER唔返啦﹗HHEHEHEHE...我都覺...今次我認同﹗

先講講大頭妹的 2件先，都無 DISCOUNT，件 POLO $158，65折之後 $103。不過我好鍾意星星圖案，又見有條裙可以襯埋一SET﹗就買咗啦﹗

條裙又唔貴喎 $99，折後 $65。

都幾靚吖﹗

GAP好多時有啲 COTTON TEE/ 背心/ 褲仔全部都係 $79，講款就當然無咩款啦﹗不過 GAP的質地點都好過 UNIQLO，所以買件背心囉，UNIQLO 少出背心，背心款有時仲貴過啲 TEE。

就係呢啲 COTTON褲 $79 (折後 $52，街邊貨都要啦﹗一定平過 UNIQLO)，返學著就岩岩好，買得一條有少少後悔﹗

仲買咗 3件特價 POLO SHIRT，原價 $178，特價 $118，再 65折，即係 $77，抵啦﹗但我後來見男仔款，原價都係 $99 (當然啲料有分別)，不過...其實小朋友著男裝都OK啦﹗

買之前問咗 SALES，係用原價定特價計 65折，用特價計就真係好抵﹗

所以買晒白同綠色，如果佢有其他顏色，我都會再買﹗

小丸子身上的係 3t，我另外買了 2件 4t。

點知...就中招﹗呢件 JACKET明明有特價 LABEL寫住 $148 (原價 $299)，買完返 OFFICE睇單，咦？﹗計我 $299再 65折，我明明問咗係用特價計架喎﹗就返轉頭問啦﹗

當時係另一個 CASHIER，我問佢點解用正價計，佢即時搣咗我個 LABEL，話係同事貼錯，呢件係新貨，唔會咁快做 DISCOUNT﹗第一，我唔係你地啲 STAFF，我唔知邊件係新邊件係舊。第二，件衫我已經比咗錢，我覺得佢無理由去搣我個 LABEL。佢最後都有加多句，話如果我覺得價錢唔岩，可以 REFUND，咁我都知我可以 REFUND，不過對佢地嘅 SERVICE就好有保留...

仲買咗條裙仔比小丸子，後來問返師姐的媽咪 (BLOG友)，原來佢地學校 PREFER小朋友著褲，因為佢地每日都有得出去花園走下玩下﹗著裙唔係太方便﹗

最後買咗 9件衫都係 $824，唔洗 $100件，真係抵呢﹗如果無發生搣 LABEL事件，本來好開心囉﹗依家 OK啦﹗但唔會去買多一轉囉﹗我下次都係去返 UNIQLO 算啦﹗