跟進一下大頭妹上 Jolly Phonics的進度，由上年 11月開始上，都上咗 7個月啦﹗ 終於都升班啦﹗依家已經上到去 Level 1 - Stage 4-6，開始學 "混合音"，好似 ai﹑oa之類。我同大頭妹溫習的時候，都覺得佢掌握得幾好，而且佢話上堂上得開心，初初有打算以佢呢個年紀，上完 stage 1-3 學晒 26個字母就算 ，但見佢上得開心，咁就由得佢繼續上啦 (不過我數過...stage 1-3得 25個字母，有冇媽咪知點解呢？我見無教 Q﹗)﹗
而且我鍾意 Jolly Kingdom 上堂時間夠彈性，一個星期一堂又得，兩堂又得，一個月可以請 2次假，要同月補返堂，都算係唔錯的安排，即是學習進度唔會因為請假而落後﹗大頭妹依家上 2個興趣班，另一個係葉氏的音樂班，除咗考入學試的一次有提及過之外，好似無係 blog講過，佢一星期上一堂，無得補堂，一季 12堂，缺席 2次就無得升班，所以返到我都好有壓力，試過因為再請假就會缺席多過 2次，連大頭妹學校旅行都無得去﹗不過我覺得音樂要自小陪養，所以都要堅持落去，下次再詳述﹗
上到去 stage 4-6，開始有功課，其實比大頭妹上 phonics，我當係課外活動 (雖然係學術性)，有冇功課都唔重要，不過以我呢個懶人，有功課好過無功課，由學校個邊拋個波過嚟，好過等我自己主動﹗
再見啦﹗Stage 1 - 3﹗
不過放心啦﹗我會得閒拎你出嚟同大頭妹溫習架﹗
沒有留言:
張貼留言