生日飯@金雀

2014年7月4日 （星期五）

今年生日選擇了到銅鑼灣金雀，是我最喜歡的餐廳，全因為懷念兒時的味道！細個逢過時過節，都是去港式西餐廳据扒，令我覺得慶祝是應該去据扒，而且飯後一定要食香蕉船！

阿旺問了我好幾次，真的要去金雀嗎？人大個了又覺得去邊度吃都不是問題，和誰吃才是問題，一家人開開心心，去吃麥當勞也開心！(講真！如果真是去麥當勞，2個囡應該最開心！）

今次我發現，兩個囡不知道是不是少出街，一出街食飯就好失控，不用說去高級餐廳，連去金雀...我都覺得...她們太嘈﹗﹗﹗

餐包，可以轉多士。大頭妹好喜歡這兒的餐包，可以自己吃一個﹗

 一坐底已經用湯匙飲水，大概已經可以想像有幾嘈﹗

我的羅宋湯，今日剛好老闆在場，佢話佢地的羅宋湯是全香港最好的，我完全同意﹗(當然是港式羅宋湯啦﹗)

2個要自己搽牛油，小丸子已經到了家姐做什麼，她都要做什麼的年紀，所以學得好似好快﹗現在自己小便之後，會自己抹 pat pat 呢﹗hohoho...講講下食飯，講到去抹 pat pat都有嘅？﹗

阿旺的白湯﹗講到老闆話自己的羅宋湯是全香港最好之後，佢又話下次飲羅宋湯﹗

工人姐姐的咖哩飯。

我比佢自己揀，佢問我有冇咖哩飯，我同佢講...呢度食扒架喎﹗不過佢鍾意就得啦﹗

我的黑椒牛柳，今次個個 (阿旺 & 大頭姨姨) 都跟我叫黑椒牛柳啦﹗平時佢地成日鍾意叫唔同的，之後又話好似我個黑椒牛柳好味啲﹗

阿旺叫的 5成熟，佢話好正呀﹗

金雀無香蕉船，只有這個...金雀少爺...佢仲有好多個名...不過出來都是一樣...

今日梁朝偉坐咗係我隔離...同我一齊慶祝生日...

大家 like咗我地的 facebook page未呀？未就快啲 like啦﹗多謝支持﹗