小丸子@Kidsquare 第3-7堂

眨下眼又差唔多上完 8堂 playgroup啦 (出 blog的時候可能已經上完)﹗

下個月就開始返學啦﹗考慮仲上不上 playgroup，一或轉上其他，一或暫停一下先﹗不竟一開學都好多新事物要適應﹗hehehe...其實好睇媽媽我...會唔會想幫小丸子去考其他 K1？﹗小丸子現在的幼稚園是直升的，又有學劵的，如果考當然是 target 有小學的啦﹗咁就要 "補補鐘" 囉﹗

如果不上 playgroup，就可以考慮上其他興趣班，問過芭蕾舞，最少要 2歲半，而且學費超貴，我問過王仁曼，同阿旺講的時候，佢仲問我咩 "王宛曼" full 咗？﹗我真是想打爆佢個頭...王仁曼都唔識，可能要上 K1之後先可以學啦﹗

第 3 堂﹗

剛剛被媽咪剪完頭髮，真是特別 "可愛"﹗

第 4 堂

今日落雨﹗

上堂前老師同小丸子玩夾波波﹗老師話小丸子都可以好專心﹗但唔知點解佢一專心就流口水...好恐怖﹗

跳舞環節，是小丸子最愛，佢都是好動型﹗

今日是父親節，勞作做個獎牌比爸爸﹗

第 5 堂

今堂教 planting﹗

又有勞作做﹗

heheheh...個傻妹去嗅下啲紙花...之後佢話好臭﹗(其實係無味的)

成日驚其他同學搶佢盤花，人地自己都有啦﹗

不過唔知係唔係因為 2歲班，今次個班有 2個小朋友成日打人，好 surprise，小丸子又唔會還手，仲會同同學講 "唔可以打人"，之後返屋企見到工人姐姐又識同工人姐姐講 "my friend 打我呀﹗"。睇嚟...佢淨係蝦家姐﹗

第 6 堂

  上完堂的自由時間，佢又係揀玩夾波波﹗

hehehehe...出晒力﹗

2隻手一齊用力，終於得咗啦﹗

第 7堂

因為之前老師話小丸子跟我唔太聽話，叫試下爸爸帶會唔會好啲，所以今堂阿旺帶，帶完我問阿旺老師有冇講啲咩...佢話..."老師話我太靚仔，叫我下次都係唔好帶小丸子上堂啦"﹗哼﹗唔想帶就唔想帶啦﹗想當年大頭妹上 playgroup，因為我大肚，次次都係佢帶，親子關係就係咁 build up架嘛﹗雖然小丸子依家又唔至於唔跟爸爸﹗