Electrolux 全新第5代 Ergorapido二合一無線吸塵機

2014年6月21日 (星期六)

上上星期六應邀出席了 Electrolux 全新第5代 Ergorapido 二合一無線吸塵機的產品發佈會﹗等我先介紹一下 Electrolux 是瑞典品牌，而 Ergorapido 二合一無線吸塵機由 2004年推出，之後每 2年出一次新款，到今年 2014年已經推出了 10年，出到第 5代啦﹗今年仲得到 2014 Red Dot Design Award - Best of The Best 德國紅點設計[最佳設計]大獎，來頭不小﹗

 今次一共推出了 4款，最左和最右的紅和藍色是 18v Li-ion鋰電可充電池，快速 4小時充電，可持續用 35分鐘 (長效模式)/ 13分鐘 (加強模式)﹗中間的兩款是 14.4v NiMH 鎳氫可充電，充一次電可用 27分鐘/ 13分鐘 (加強模式)。
 

其實我有少少"大鄉里"，我都是第一次接觸 "二合一無線設計" 的吸纏機﹗我一直以為吸纏機都是我家中的 "大牛龜"﹗這款 Ergorapido二合一無線吸塵機體積輕巧，無線的設計，唔受屋企的角位限制。只要按下 2 in 1按鈕，仲可以分拆出手提吸纏機，配合埋 "加長隙縫吸咀"，就可以輕易吸到微細的地方﹗

今次第 5代仲有全新 "自立功能"，就算吸吸下纏，小朋友要搵媽咪/ 有人打電話返屋企，媽咪都可以即時 "分身" 啦﹗


180度靈活扒頭，絕對靈活易用呀﹗

哈哈，好明顯今次 Ergorapido 二合一無線吸塵機的對像是 "親子" 做家務﹗4個小朋友一齊吸纏真是好搞笑，佢地完全非常投入地玩，唔覺得做家務是一件辛苦的事﹗

體積細小:只有 1100 X 260 X 160 mm，好適合香港細小的屋企﹗

而且非常輕巧，連瘦弱的大頭妹都可以控制自如﹗



分拆出的手提吸纏機可以吸下傢俬，有車的人吸下車都可以，唔洗買多一部手提吸纏機﹗

另外佢仲有一個好厲害的地方，就是 "BRC簡易滾軸清潔設計" 啦﹗好多時吸纏之後，都會發現有好多毛髮纏住個滾軸，而這個 BRC簡易滾軸清潔設計，就可以剪斷毛髮，再自行吸入纏盒，乾手淨腳﹗

只要踩右手邊的腳制 3-5下，就會自動剪斷毛髮，再自行吸走，真是一樣偉大的發明﹗ heheheh...點解我咁講？﹗因為我仲記得以前住灣仔的時候，會成日為阿旺唔清理吸纏機的頭髮，次次都要我清，而大發雷霆﹗

見唔見到？﹗上面個幅啲頭髮唔見晒啦﹗

可水洗 HEPA 過濾網，過濾效果更加好﹗

差電的顯示燈有 4格，1格代表 25%電，用淨 1格就可以差電啦﹗我試用咗 1個星期有多，發現好似我屋企大約 500呎地方，差一次電大約可以用 2次 (包括埋大頭妹同小丸子搞搞震的時間)﹗差電的時間會閃，如果有過熱的情況就會變紅色 e.g. 纏盒太多纏/ 差電時間太長﹗

今次出席的 blogger，每人都可以帶返一部返屋企試用架﹗大頭妹揀咗藍色﹗

試用了這部吸纏機一個星期，最最最開心是大頭妹同小丸子都一齊幫我手做家務﹗雖然有工人姐姐，但平時每晚我都會自己掃地同抹地，有時都會叫大頭妹同小丸子一齊做，因為我相信身教的重要性，唔想小朋友習慣依賴工人姐姐 (食飯已經要人餵，但下午我不在家就沒有辦法啦﹗)。

大頭妹點解咁興奮呢？﹗可能小朋友覺得幫咗媽咪手，就會好開心呱﹗

不愧是親子設計，大頭妹只是在 showroom時用過一次，佢就已經識拆個手提吸纏機出來﹗

其實小丸子由細到大都好怕吸纏機，次次一開吸纏機佢就跳上梳化，今次我開慢速，無平時的吸纏機咁大聲，佢都夠膽用﹗

可能佢覺得自己克服咗吸纏機，佢仲笑得好開心﹗

最後唔知大家有冇留意到，佢有 LED扒頭，清潔時就可以照得清清楚楚啦﹗

連埋個差電，放係家中的角位，竟然岩岩好﹗

hehehe...爸爸拍咗片...咁岩比佢拍到大頭妹蝦小丸子，其實大頭妹成日用把口蝦小丸子，所以有時小丸子要用 "武力" 囉﹗

大家 like咗我地的 facebook page未呀？﹗請多多支持﹗