大頭妹小丸子@玩具反斗城「夏日樂繽紛派對」率先試玩夏日熱賣玩具

2014年 7月13日 (星期日)

多謝 Toysrus 的邀請，上星期日我地一家出席了 Toysrus Megabox 分店的「夏日樂繽紛派對」﹗有得優先試玩今個夏天最新的玩具 (大頭妹同小丸子真是幸福啦﹗)，同埋試用全新Toys“R”Us Summer Fun手機應用程式。

我今次好叻﹗活動 2:30開始，我地 2:20就到了 (最近經常遲到的說)﹗一去到就先 download Toys“R”Us Summer Fun手機應用程式﹗5個 bloggers 入面，原來得我一個用 iphone ，個 apps 未 ready，用 android 的就沒有問題﹗

 Android: 可於Google play store搜尋器輸入「Toys R Us Summer Fun」，選取並下載以下Toys“R”Us Summer Fun手機應用程式。iphone: 可於app store輸入「Zapper」。

Toys“R”Us Summer Fun手機應用程式有咩用？﹗

個 apps 可以睇到玩具反斗城最新推出的玩具資訊，只要開咗個 apps，再 scan catalog上面的 zap code，就可以睇到 product feature, photo album, vote, weekly ranking...

今期的第一位當然就是依家最 hit 的 Frozen 啦﹗

仲有最重要的是媽媽們都最留意的 coupon download 啦﹗
買滿 $300，可作 $30使用﹗

另外有遊戲玩，今期的遊戲當然是最熱門的足球 game啦﹗
 

只要是 45秒內入 5球，就可以過關﹗

過關之後就會彈出相框，可以用來影相，影完之後去 service counter 比 Toysrus 的職員睇，就會有一份小禮物 (數量有限，送完即止)。

hehehh...禮物就是大頭妹食緊的爆炸糖啦﹗ (唔知係唔係間間分店都一樣呢？我見都有 m&m)


去到活動的下半部，是小朋友最期待的玩具介紹 + 試玩啦﹗

睇下我地聽得幾留心﹗

我問大頭妹最鍾意邊樣玩具，女孩子果然是揀公主呢﹗亦是今期大熱 Number 1: Frozen Toddler Doll ($349.9)﹗佢話最鍾意 Frozen 的 Elsa Toddler Doll﹗佢同我講係學校有睇過﹗佢又好似識唱入面首歌，咁我估應該真係係學校睇過，因為我都無帶過佢睇﹗

阿妹就鍾意雀仔，上次睇魔術表演，佢就已經試過去摸魔術師用來表現魔術的雀仔，去公園玩又鍾意追雀仔，仲話要捉一隻比我﹗hehehe...真是不用客氣了，你玩呢隻 Digibirds 就好了﹗

呢隻 Digibirds ($89.9)，只要你對佢肚仔吹口哨 (吹氣)，佢就會唱歌架啦﹗


一共有 20款，佢地仲可以獨唱/ 合唱﹗合唱都得﹗真是好厲害﹗

2姐妹 + 2隻 Digibirds 合唱﹗

今次 event 入面最受小朋友歡迎的，非呢架 『6v超級瑪莉歐電動車』莫屬﹗每個小朋友，不論男女都要坐下﹗

叫小朋友排隊，佢話佢咁坐都 ok喎﹗吓...你估你依家拍 "警匪片" 嗎？﹗

hehehe...小丸子真係有少少男仔頭，全場佢玩得架車最耐，又去玩 scooter，之前入去 Toysrus 的時候，佢又想玩玩具熗﹗

在場唔多媽咪識 Sofia The First，可以因為 Frozen 有電影，Sofia 無啦﹗我個囡日日都要睇 Disney Channel 睇 Sofia 架﹗

呢個會話小公主蘇菲亞會講 30句句字架 ($479.9)﹗可以一邊玩公仔，一邊學英文﹗


聲光消防迷你兵團 ($599.9)，按佢唔同地方，會發出唔同聲音。

呢架 Y Glider XL scooter ($749.9)，同我之前都是係 Toysrus 買比大頭妹個架 Micro scooter差不多，不過佢就可以較高度，可以比大少少的小朋友玩，我當時都有諗過買呢架，不過諗住小丸子先 2歲，都唔洗買定架 5+架啦﹗原來都 ok喎﹗佢今期仲有 discount...我之前等咗好耐都無﹗

「粉紅豬一家親」粉紅豬小屋 ($469.9)，小丸子都好鍾意呢間屋，佢屋仔細細，但就已經有整全部家具，而且佢一盒過，可以好方便帶出街玩﹗


小丸子不停同 pig pig沖涼﹗

又洗手...真係玩玩具的時候，都要玩水...

hehehe...每個女孩子見到都嘩嘩聲叫的森林家族三層高洋房禮盒裝 ($699.9)，真是好有氣派﹗




hahaha...10大玩具入面，男仔只有 2款﹗
包括有 Lego﹗


仲有今期大熱的 Transformers﹗heheh...其實我細個都好鍾意睇﹗


最後可以同 Greoffrey合照﹗

wahahhha...小朋友真係易交朋友，第一次見沛沛，玩咗一陣，就拖晒手﹗
(p.s. 大頭妹個 post 是什麼意思呢？﹗去選美嗎？﹗)

hehehe...最後我買咗 Frozen 的 DVD，無理由咁 outdated 架嘛﹗買返去 "毒下" 兩個囡先啦﹗

大家 like咗我地的 facebook page未呀？未就快啲 like啦﹗多謝支持﹗