零時間運動

哈哈...我呢啲將大部份私人時間比晒 2個寶貝女的雙職媽媽，最常唔做運動的藉口，就是『無時間』，其實都唔係藉口，大頭妹星期二學琴﹑星期五學畫畫，小丸子星期四學溜冰，我自己星期三做 facial，我星期一至五，基本上得返星期一係得閒﹗hehehe...最近上網見到【零時間運動】的報導，真是岩晒我﹗八八掛掛走去問公關方面攞相關資料﹗

【零時間運動】的概念是零時間、零金錢及零器材﹗零時間，仲要零金錢真是 very good﹗阿旺成日叫我 join 埋啲咩健身 course (佢最近去打拳)。我之前團購試過啦﹗好彩係團購買 $88/月，我最後去咗 2次咋﹗即是成 $44/次﹗我覺得成本效益好低﹗﹗﹗

睇返公關比我的資料，我覺得其實同我之前做產前產後運動有點相似，都是唔係好大運動量，例如係屋企睇電視的時踏下腳，平時行路行快少少，握實權頭再放鬆，企係度/ 坐係度坐車的時候做下收腹的動作之類﹗heheheh...咁簡單，真是岩晒我﹗如果叫我去跑 30分鐘，我一定無恆心，之後又會用無時間來做藉口﹗﹗

即是好似咁，上網煲劇時踏下腳﹗咁睇一個鐘，如果真是踏足一個鐘，其實已經好好架啦﹗我呢啲唔做開運動的，真是踏 5分鐘都已經攰攰地﹗咁就又可以轉下其他動作，例如拉筋﹗

唔好以為我玩 1520，呢個動作完來對我地呢啲成日打字用mouse 的人來講好好架﹗可以舒緩返啲手指﹗

企係度拮下腳尖都可以架﹗

我自己一人office，我係 office 都可以做到好多唔同動作，而又唔會影響其他人﹗hehehe...R呢個打圈圈的動作，可以修手臂﹗

其實零時間運動是「愛   +  人：賽馬會和諧社會計劃」的其中一個項目﹗

「愛   +  人：賽馬會和諧社會計劃」

為協助建構一個和諧社會，香港賽馬會慈善信託基金捐款二億五千萬港元，邀請香港大學李嘉誠醫學院公共衞生學院攜手合作推行賽馬會「愛 + 人」計劃。透過全港前瞻性住戶調查、一系列家庭支援項目和公眾教育活動，尋找家庭問題的根源，設計、推行及評估預防方案，並宣傳家庭健康、快樂、和諧 ─ 「家有康和樂」的訊息。

家家好健康為推廣「家家好健康」

大力提倡「健康鐵三角」：

1. 「3 好」（好玩、好易、好快見效）
2. 「0-1 運動」「0-1 運動」是促進全民隨時隨地都可以運動的方法，最適合一家人一起進行。它可以燃燒更多能量、加強肌肉和心肺功能，及提神減壓。
3. 零時間運動：零時間、零金錢及零器材
4. 負時間運動：可助你節省時間的運動 最少時間（一分鐘）運動：只需花費少許時間的運動，如一分鐘或更短
5. 「3 多．3 少」飲食習慣多蔬、多果、多纖維 少糖、少鹽、少脂肪
6. 「3 正」生活態度（正向心理學）正向情緒﹑正向家庭溝通﹑正向家庭關係﹗

賽馬會「愛 + 人」計劃：

網址：http://www.family.org.hk

YouTube︰http://www.youtube.com/user/familyhk3h

Facebook︰http://www.facebook.com/familyhk3h