大頭妹鋼琴班 2

又繼續講下大頭妹學琴的進度，其實只是上咗 4堂，依家 1星期上 1堂 30分鐘，再練 2日琴，每次 30分鐘﹗不過我自己已經開始覺得練 2日唔夠，一定唔算是彈得熟。

上次講到上完第一堂，大頭妹就話唔想再學，佢覺得自己唔識，之後開解咗佢幾日，又同佢練下琴，終於上第 2堂時又開開心心啦﹗仲話要彈 MARY HAD A LITTLE LAMB比王老師聽﹗老實講，上完第一堂時，我真是好內疚，明明上堂之前，大頭妹仲好開心，仲話好心急，好想快啲上，點知落堂返屋企，就話唔學﹗我都不停有反思，中間我有冇做錯啲咩？﹗係唔係真係我個句 "點解你唔識？﹗" 嚇親佢﹗之後練琴，我都盡量用 POSITIVE 的方式鼓勵佢﹗

上第 2堂的時候，大頭妹叫我同老師講唔好教咁快﹗不過當時係 LOBBY，為免令老師尷尬，我都無出聲，大頭妹一邊行入房，一邊拉我隻手，示意叫我講，之後一入房，佢就忍唔住同老師講﹗忽然覺得大頭妹大個囡咗，好多事都會試下自己解決，唔一定要靠我﹗

HEHEH...我上次個 post 之後，好多朋友仔話呢本唔得，不過我覺得比小朋友有滿足感都好緊要，大頭妹好鍾意彈呢本，因為全部都係佢識的歌﹗

其實都有另一本教埋 "左手" 的﹗

其實我真是唔記得，原來第 2堂就已經較用雙手彈？﹗我記得我當年，真是每個音教，1堂1個，好鬼悶 (我當時小六喎﹗)﹗

每堂完咗都有功課嘅﹗我覺得都OK，起碼依家大頭妹真係識睇 C - G啦﹗

第 2堂上堂前練習﹗MARY HAD A LITTLE LAMB﹗

依家每次上堂前/ 練琴前後，都會同大頭妹的 AEON LOUNGE 坐下，飲杯茶，食少少零食，等佢有一個愉快的心情上堂﹗

HOHOHO...我提自己，一定唔可以咁快咁心急買琴，真是比大頭妹學多幾個月，真是有心機學落去先買，唔係又浪費金錢，又浪費地方﹗

大家 LIKE咗我地的 FACEBOOK PAGE 未呀？未就快啲 LIKE 啦﹗