大頭妹的閱讀進度

最近講多咗大頭妹的學習進度，唔多唔少都是因為要考小學了，要 "知己知彼"，都知出面競爭大，自己之前都唔算太谷大頭妹，要出去爭返一個半個私/直小一學位，真是唔容易，依家得返2-3個月，其實做到的都唔太多，唯有做得幾多得幾多﹗

首先都想睇下大頭妹的閱讀能力﹗ 我係一個好怕去圖書館的人，以前自己唔會去，依家都好少帶囡去，雖然好多媽媽都同我講，其實圖書館有好多選擇，又唔洗錢，又唔佔地方﹗我諗我都再要一點時間去適應。不過為咗 ORT，我終於都要去圖書館，要知進度，其實 ORT 系列真是好幫到手，佢分好多個 STAGE，小朋友大約可以睇到邊個 STAGE，咁家長就心中有數﹗我去過三聯個啲睇，佢地 ORT 系列係 SET裝，一買要一SET咁買，幾百蚊，又包實晒，所以開唔到，我自己都唔知大頭妹應該要睇邊個 STAGE，唯有去一次圖書館﹗如果唔係平時我通常買就算﹗

我上次借咗 STAGE 5 同 6的書返去，大頭妹可以自己睇 STAGE 5，睇完成本，得一個生字唔識要問，就是 ADVENTURE﹗STAGE 6，因為好多 "PAST TENSE"，對佢來講有少少難度，佢睇咗一陣，就叫我讀啦﹗平時我日日都會講個 2-3個故事，再同大頭妹慢慢睇，慢慢讀，再認下字，最近仲開始串字，都是串簡單 3-4 個英文字母的。依家想 TRAIN 佢自己睇﹗

另外都借咗 2本 STAGE 1的比小丸子，不過佢無興趣自己睇﹗個故事太簡單，佢平時同家姐一齊聽故事，鍾意內容豐富少少嘅﹗

另外，之前買了 WHEN I'M FEELING XXX 系列，我覺得幾好喎﹗佢有 SCARED/ LOVED/ ANGRY/ KIND/ SAD/ JEALOUS/ HAPPY/ LONELY。其實本身只是想買本 SCARED，因為上次見完大頭妹老師，老師話佢好驚一個人，有時我夜晚問佢，佢又話好驚一個人﹗我有時會扮 MONSTER 嚇妹妹，佢就會好驚，所以我都想同佢傾下﹗好得意，書入面的兔仔話好怕黑，大頭妹話佢都係咁﹗

另一本 JEALOUS，講兄弟姐妹間的 JEALOUS，我問大頭妹，佢話佢有時都會咁覺得，平時無同佢講開，我都唔知，小丸子 JEALOUS 就好出面的﹗送/ 比咗野家姐，佢無份的話，佢會 9秒9過去搶/ 投訴﹗

呢啲唔關事﹗不過我想話我買啲練習比大頭妹當暑期作業﹗

買咗本新加坡出的，原來新加坡的數學深我地好多喎﹗K2 有 P1 LEVEL 有多，因為我之前都買咗本 P1 的比大頭妹做，內容係差唔多，新加坡本 K2 仲深少少﹗﹗﹗

另外都有本公文英文同數學﹗

見本本都是大頭妹嘅，買返本 PEPPA PIG的寫字練習比妹妹，不過佢都唔會寫，見佢係用 WHITEBOARD MARKER 寫，寫完又可以抹返再寫，又買比小丸子玩下，點知佢玩第一次就整爛咗枝筆...