澳門親子一天遊@新濠天地童夢天地

2015年5月31日 (星期日)

五月尾帶大頭妹同小丸子去澳門一天遊，今次行程的主打是去澳門新濠天地內的童夢天地 KIDS' CITY﹗新濠天地內的童夢天地之前是在 2/F 的，今次喺 3/F ，地方大咗，有成過萬呎， 所以快快帶大頭妹同小丸子去玩﹗哈哈﹗其實 3年前就已經話，下次有機會要同大頭妹去玩，當時小丸子都未出世，估唔到要 3年後先再去﹗(舊文: 一家4口遊澳門 2012 - 吃喝篇)

一早坐 9:30船，9:00去到碼頭食個早餐就出發啦﹗去到澳門 10:30，一出碼頭就會見到新濠天地的免費穿梭巴士啦﹗大約 10 -15分鐘一班車，好快就到酒店啦﹗

 講返童夢天地，有樣嘢要提提大家，就是小朋友入場一定著長袖衫同長褲，大人就無特別規定﹗但大人同小朋友都一定要著襪呀﹗不過無都唔緊要，現場有得即買嘅﹗

入面分成好多區﹗一入去係適合比年紀細啲嘅小朋友玩的 AREA，有小朋友最愛的滑梯波波池，益智的大 LEGO ，仲有蒙特梭利玩具玩﹗

 好動活潑的小丸子，一去到就跑去波波池﹗

大頭妹就去砌 LEGO﹗

HAHAHA...睇小丸子個樣就知佢真是玩得好開心﹗

行前少少就有一個跳彈床 AREA﹗

不得不提童夢天地的職員真是好 HELPFUL，可能真是酒店內的關係，連帶童夢天地內的服務都有酒店級水準﹗大頭妹同小丸子準備入去玩的時候，本來得一個差不多年紀的小朋友，之後忽然有幾個大少少的小朋友入去玩，職員即時有提佢地入面有年紀細的小朋友，叫佢地要小心啲，佢自己仲即刻走入去維持秩序﹗

其實家長都可以係出面的電視睇返入面的情況﹗

小朋友玩完出嚟，職員都會幫小朋友慢慢落地﹗

再行前少少就精彩啦﹗是大型遊戲設施的 AREA﹗

嘩哈哈﹗呢條長滑梯要 5歲以上先玩得，5歲的大頭妹唔敢玩，3歲的小丸子自己一支箭衝上去，不過家長們可以好放心，原來上面每一條有年齡限制的滑梯，都有職員當值，保障小朋友的安全﹗當然家長都要自己睇實自己的小朋友，就好似我咁，我都陪小丸子爬到上去架﹗我同佢講佢唔夠歲數玩，佢唔信我，係要職員講先信嘛﹗之後又要爬返落去囉﹗﹗﹗

哈哈...大家見唔見到小丸子呀？﹗

佢喺呢度呀﹗﹗﹗

其實淨係呢個入口位就已經有 2個職員當值﹗有一次當大頭妹同小丸子 2個，一個向左走，一個向右走的時候，個男職員好好，即時幫我追小丸子﹗HAHAHA...大確佢睇樣都知我要追嘅係邊個﹗之後個男職員仲問我洗唔洗幫我帶返小丸子落嚟，不過我話比佢自己試下啦﹗當我讚佢地好HELPFUL時，佢地講返，原來佢地有規定每幾多呎就要有職員當值，所以去到邊都有職員幫手﹗

點解我要一追二？﹗因為阿旺打梗 TRANSFORMERS，仲要 2隻手一齊打，所以我都唔想 "打擾" 佢，難得佢都可以玩下 RELAX 下﹗

大頭妹唔敢玩長滑梯，都仲有好多選擇，呢條短短地都幾好玩﹗我見佢地瀡得好快﹗﹗

鏡頭一轉小丸子又再自己爬咗上去玩 "射波波"﹗佢鍾意玩的都好男仔﹗佢自細都鍾意玩鎗﹗

 

之後我地又去賽車﹗﹗﹗

大頭妹麻麻地男仔的玩意，不過就好樂意陪爸爸玩下，而媽媽我呢，見到佢地開心，我就開心啦﹗﹗﹗

嘩哈哈哈哈﹗大 PAT PAT 騎士﹗

哈哈，有請頭文字小丸子出場﹗睇小丸子揸車，真是笑到我卡卡聲﹗其實我仲要幫佢踩住油門，仲要拍 VIDEO﹗

賽完車又玩籃球﹗

大頭妹的姿勢都唔錯﹗佢依家叻囡咗好多，好多 sport game，都玩得好咗﹗

見玩到差唔多時間，都玩咗差不多 2個鐘，我問大頭妹同小丸子要唔要玩變身，扮下公主，2個梗係贊成啦﹗

小丸子要扮白雪公主，條裙好長，佢一著上身就好開心﹗

大頭妹話要扮警察，佢話佢最鐘意扮公主﹑白兔，同 super hero﹗

開心嘅時間過得特別快﹗眨下眼就玩咗 2個鐘啦﹗都帶大家睇下童夢天地入面的其他設施﹗

佢地有個 art area，可以比小朋友畫下畫，好似仲有 face painting 玩架﹗但就有分時段嘅﹗家長要自己留意啦﹗

有小朋友洗手的地方﹗

仲有免費冷暖水，香港的 playground 好似唔多覺有呢類 service﹗

近門口位置即有一個小食亭，方便家長/ 小朋友 "補給"﹗

另外佢地仲有 party room，可以比小朋友開生日會，我地去嗰日都有小朋友開生日會﹗

玩完 2個鐘差不多 1:00，就去 2/F 的 HARD ROCK CAFE 食 LUNCH 啦﹗

HARD ROCK CAFE 有 KIDS' MENU，而且價錢都好化算﹗

大頭妹的炸雞柳配薯條﹗

小丸子的芝士螺旋長通粉

阿旺的...不知道他點了什麼﹗只記得是 RASPBERRY + LEMON + MINT，味道好清新，酸酸甜甜的﹗

我的 ICED LEMON TEA。

小食拼盤非常豐富﹗

點了牛扒和阿旺 SHARE，有成 12 OZ，真是好大份﹗都好夠牛味，岩晒我地 2個牛魔王﹗

小丸子自己一個食咗大半份，應該非常美味﹗

哈哈﹗最後當然唔少得我最愛的香蕉船﹗女人食甜品時，的確是有第 2個胃﹗

HARD ROCK CAFE: http://www.hardrock.com/cafes/macau/

童夢天地 KIDS' CITY: 新濠天地 3/F (10:00AM - 10:00PM)

後記: 每次去澳門都會有朋友問？﹗要帶小朋友去澳門要什麼證件？﹗其實小朋友只要身份證同護照就OK架啦﹗唔洗回鄉證﹗如果好趕好趕忽然想去，去申請返張回港證都OK嘅﹗因為我地懶申請回鄉證，所以 SHORT TRIP 都是去澳門﹗