結婚 7週年晚餐@無印Cafe & Meal

2014年 12月10日(星期三)

今日本來叫阿旺 BOOK 咗團購晚餐慶祝結婚 7週年，老實講...作為一個老婆...結婚週年唔洗老公搞場大龍鳳，自己比埋錢買 GROUPON，只是叫個老公去 BOOK枱啫...我覺得一啲都唔過份吖...佢都可以 BOOK錯，然後仲要話我比佢個 SCREEN CAP 無電話，佢上 OPEN RICE 搵先搵錯咗﹗我真是有少少想打爆佢個頭﹗﹗﹗

唉﹗唔 BOOK 都 BOOK 錯咗，佢好彩...我岩岩之前收到 MUJI 的 PR 送我 2張 MUJI CAFE & MEAL 的 三品料理 COUPON就快到期，我又想行下銅鑼灣，一於改去 MUJI CAFE & MEAL 慶祝啦﹗只要大家愛對方，去邊度食都一樣啫，最重要是陪大家食的人嘛 (忽然好似好明事理咁喎...唔鬧人個時...HOHOHOHO)﹗

 其實 MUJI CAFE & MEAL 的 MENU 好簡單，佢有 3款可以揀，包括三品/ 四品料理，另外仲有一個咖哩雞﹗3/4品料理，其實就好似我地平時食的 3餸飯，佢有冷/熱的日本料理可以揀，各有大約 8款，我同阿旺點了 6款不同的料理，可以試多啲﹗

我同阿旺都覺得好有驚喜 (今日真是特別多驚喜﹗)，好幾款都好好味﹗如果要挑剔的...就是三品料理 + 飯 + 飲品/ 湯是 $88，如果有齊湯同飲品就好啦﹗

我點了茄子豚肉﹑雞蛋﹑炸納豆薯餅

雞蛋入面有少少蔬菜同菇，好味道又健康﹗炸薯餅又夠脆又夠熱﹗茄子豚肉的豚肉好好味﹗

阿旺點了麻辣雞﹑蝦沙律﹑酸甜肉排﹗

我的麵豉湯

阿旺的咖啡

點餐區，要先留位，再去點餐﹗

佢...一定要影相 "留念" 啦﹗

晚餐時間都幾多人架﹗

大家 like咗我地個 page未呀？﹗未就快啲 like 啦﹗