海港城 『羊咩咩黏土相夾班』

2014年 12月21日 (星期日)

今日帶大頭妹同小丸子出席海港城 『羊咩咩黏土相夾班』，其實大頭妹未玩過黏土，今次第一次玩好開心﹗小丸子就...開心咗頭10幾20分鐘....之後就坐唔定週圍走，要我看羊仔走來走去﹗

今次我地參加的羊咩咩黏土相夾班，另外仲有一日，即是 12月28日 (星期日)，下午 2-3 pm，3:30-4:30 pm，5-6 pm 3場架﹗如果大家睇完有興趣，可以報名參加﹗參加方法: 請將姓名﹑聯絡電話﹑所選日期﹑時間電郵至 harbourcitykids@gmail.com報名，標題註明工作坊名稱，並即場捐出 $60 予 『香港血癌基金』參加。仲有 12月27日 (星期六) 的 『羊咩咩 cupcake 裝飾班 』(捐款金額 $150，時間一樣)

今期海港城的聖誕佈置是來自英國的 『Shaun the Sheep』(超級無敵羊咩咩)﹗

佢地自己揀顏色影架﹗

哈哈﹗大頭妹跳起咗﹗

海港城的燈飾年年都咁靚﹗

黏土班開始啦﹗由 EQ高的阿旺拍小丸子...你懂的...

我拍大頭妹...其實...即是唔洗理佢...佢自己搞得掂自己架啦﹗我就四圍影﹗

哈哈...小丸子都做得有板有眼喎﹗

大頭妹好專心自己整﹗

小丸子就整一陣玩一陣囉﹗

睇下我爸爸幾靚仔？﹗我叫啲囡一齊讚爸爸靚仔...大家睇下佢個樣...幾沾沾自喜？﹗

OH...小丸子已經走咗去玩...即是我看羊時間﹗

海港城的 PR姐姐送禮物比小丸子...唔係 INTERVIEW 的時間...佢竟然好大聲講 "多謝老師"﹗﹗﹗點解你 INTERVIEW時唔講...嗚嗚嗚...

嘩嘩嘩﹗完成啦﹗都整咗有 45分鐘...

HAHAHAH...小丸子就...扮完成...係爸爸整嘅﹗

爸爸真是好靚仔...(點解不停讚佢？因為我仲未收到聖誕禮物...)

大頭妹都完成咗可以四圍影相啦﹗

之後我地仲去咗海港城 『聖誕火車站』，由依家至 1月4日，係海港城大廈露天廣埸有紅﹑白﹑金色為主調的聖誕火車站，充滿聖誕氣氛呢﹗大家只要捐 $20予 『香港血癌基金』 就可以上海港城聖誕火車，同 3米高的雪人﹑熊仔﹑禮物盒合照架啦﹗

星光隧道

海港城: www.harbourcity.com.hk