結婚 7週年晚餐@JACK'S TERRAZZA RISTORANTE

2014年12月12日 (星期五)

今日同老公去慶祝結婚 7週年﹗之前見到 JACK'S TERRAZZA PISTORANTE 做團購就已經買定等結婚週年去食，慳慳地 $238/ 2人，另加 $24 加一服務費﹗即是都唔洗 $150/位。買之前已經問阿旺去灣仔/ 鯉景灣，大家揀好鯉景灣 (行到返屋企)，一個月後提佢 BOOK 枱，佢竟然 BOOK 咗灣仔...佢再一次令我覺得我地個 BLOG 名改得唔好 (有時出 EVENT的時候，見 PR叫我地時好似好唔好意思咁)，但是改得好岩...傻夫婦...佢傻時我信佢...我都是傻，佢個 BLOG名就更岩...阿旺...﹗

原本個 GROUPON 無得 BOOK 星期五，我地 BOOK 12月10日 (星期三) 食，有時可能傻人真是有傻福，依家有得星期五食... 

個餐出場啦﹗份量都幾足喎﹗

首先是沙律﹗

仲有茄蕃麵包。

之後有餐湯，是意大利雜菜湯﹗

我的黑椒汁牛扒，味道唔錯，份量都 ok，不過我話要 5成...就差不多是全熟...唔係全熟都 8成...其實塊扒咁薄...都唔洗問客幾多成啦...不過成個餐都唔洗 $150/位，仲想點呀？﹗

阿旺的羊膝﹗份量好大，賣相都好靚，不過味道應該一般，我好怕羊味，今次我坐對面都完全嗅唔到，阿旺都話無咩羊味...HAHAHAH...都是食牛都穩陣﹗

最後仲有細細年甜品﹗咖啡凍餅﹗

仲有餐飲﹗

JACK'S TERRAZZA RISTORANTE:

http://www.openrice.com/zh/hongkong/restaurant/%E8%A5%BF%E7%81%A3%E6%B2%B3-jacks-terrazza-ristorante/16718

之後阿旺提議行海旁返屋企...我心諗...咁浪漫...我著唔夠衫喎...結果我地做個件好浪漫的事，一條頸巾 2份用，阿旺除咗佢件外套比我﹗今次比我試到 bossini 件薄羽絨外套都好保暖，行到一半我已經由覺得凍到變成出汗啦﹗

之後係太古城中心 shopping 買結婚週年禮物比大家﹗heheheh...7年啦﹗唔洗驚喜架啦﹗而且通常阿旺買的禮物都係驚多於喜...hehehhe...

hehehe...我一早揀好架啦﹗我帶阿旺去比錢...大頭姨姨之前去 Pandora 拎咗本 catalog返嚟，比我見到 set 戒指同耳環好鍾意﹗

hahha...其實...我已經有類似的...

 不過一set咁...又好吸引嘅﹗而且價錢又ok喎...比起佢地的手鏈﹗戒指都是 around $499-1299，我呢隻就 $599。

其實戒指是要 2-3 隻 mix and match 咁戴，不過無理由要老公一次過買咁多野嘛，留返聖誕節同情人節先啦﹗聖誕節都是下下個星期之嘛﹗

老公就揀咗太陽眼鏡，我之前揀好架啦﹗帶埋佢去睇下佢岩唔岩心水啫﹗佢話ok就買啦﹗

嘩...佢地仲咩又咁 sweet...

其實小丸子應該係...睇中咗爸爸副太陽眼鏡咋﹗

哈哈...其實我自己之前去試...見戴得幾好睇...呵呵...買完可以 2份戴﹗

大家 like咗我地個 page未呀？﹗未就快啲 like 啦﹗