大頭小丸閒逛 PMQ

2014年 12月 20日 (星期六)

今期 PMQ 有 『GP超霸 亮起PMQ』，帶大頭妹同小丸子去睇聖誕燈飾，聽聖誕歌，全日不停有 LIVE 的音樂表演﹗仲有免費攤位遊戲，同 FOOD MARKET﹗玩咗 2個鐘都未行晒全部鋪頭，原來 PMQ 都幾多野行，下次同老公 2個拍拖行下先得﹗今次的聖誕節活動至到 12月28日 (星期日) 咋﹗﹗免費入場架﹗

 HEHEHEH...今次記得影合照啦﹗

小丸子好鍾意呢 2隻熊公仔﹗

鍾意到肯送自己的星星氣球比佢地﹗

好靚的 "聖誕鹿單車" (個名我改的)，不過未開，唔知係唔係有得坐嘅呢？﹗

有免費 "扭波"，大頭妹大個啦﹗依家夠膽自已同小丑哥哥講自己想要咩啦﹗

呢個小丑哥哥好 nice﹗ 

仲好細心...佢話幫大頭妹襯返佢套衫的顏色架﹗

小丸子等小丑哥哥的時候不停電人，最後仲惜咗哥哥一啖﹗hahhahhahah...

同 2把遮影張合照先啦﹗轉個頭小丸子個把已經爛咗﹗

 有聖誕歌表演﹗

仲有樂器表演﹗我同阿旺講...一睇表演就明點解要學小提琴...因為演出機會多啲囉 (唉...又怪獸上身﹗)﹗

之後大頭妹話要食綿花糖，呢度的綿花糖好得意，是有 2/ 3 種色揀，我地揀 2色就 $20。老闆仲整成花形...我都是第一次見咋﹗

今次無食 POPCORN啦﹗平時大頭妹同小丸子都鍾意食 POPCORN，但有花花形綿花糖就唔要 POPCORN啦﹗

不過我影唔切相，2個小朋友爭 "拎住" 支綿花糖﹗

睇下大頭妹個可憐樣，同小丸子的為食樣？﹗

 最後都是要我出手幫佢搶返支綿花糖...爸爸問我點解唔買 2 支...對住 2個囡，佢好大方﹗其實佢地邊度係食...如果食就買啫...買完又係我食...

同場其實仲有好多唔同小食﹗

有海鮮拼盤食呀﹗

食完野就去玩攤位遊戲 (免費架﹗仲有獎品，就是小丸子送比熊 bear bear的氣球﹗)﹗

哈哈哈﹗小丸子唔夠高﹗

 小丸子係地下執到聖誕裝飾想比返叔叔，不過叔叔聽唔到佢叫佢﹗

之後...小丸子將個聖誕裝飾...放返係地下就算...errr...咁容易就放棄架﹗

繼續玩攤位遊戲﹗拋樽樽...大頭妹小丸子都有玩...連爸爸都有玩...不過全部都唔入...

呢個無玩啦﹗大頭妹話會 "爆炸"...我呃過佢一次...所以真是唔好呃小朋友...HHAHAHAH...

之後四圍行下影下相﹗

大頭妹對呢幾件作品好有興趣...不過其實我都唔知係咩...

行到上 2樓開始 "亮燈"﹗

其中有一間 shop 放了幾支筆比人畫聖誕裝飾﹗

佢地只是 "填色" 啫﹗啲聖誕樹唔係我地畫架，我地畫功無咁好﹗

走的時候都未開晒燈，問咗工作人員，要大約 6:30 - 7:00 先會開晒，個個時候嚟就最靚啦﹗

聖誕節唔知去邊度玩都可以去行下，支持本地創意工業﹗﹗﹗

 PMQ: http://www.pmq.org.hk/?lang=en
中環鴨巴甸街 35號