京阪神2023 Day6 京都和服攝影 八板神社 清水寺

2023年7月21日（星期六）

今次去旅行，只book了 USJ 和京都的攝影師，上次去訂了夢館，今次在 ig 找攝影師，不過也不是「盲找」，是大頭妹小丸子的英文補習老師介紹的，她有一些朋友之前影過，推介了幾個比我，我再找自己喜歡的風格的攝影師（ig: xiaojin_japan)。

其實在日本京都影和服相一點也不貴（比起香港的影樓），以我今次的攝影師為例，收費是  30000yen（已包家庭相的附加費5000yen，和旺季的 5000yen），租和服的錢是另外的，攝影師會幫忙 book，大約就是 4000-7000yen，set 頭再加  1500yen。以現在的匯率計算，全部加埋大約 $3000港幣，影的相都全數比返晒（我哋影了80多張，好似最少都有60張），包 9張修圖。

其實仲有一段小插曲，小丸子揀和服的時候我有提佢揀呢款會比較熱，建議佢同我同大頭妹一樣揀浴衣，但我覺得既然我話比佢揀，我就唔應該左右佢，所以比佢做最後決定，之後佢出到去就不停話好熱，埋怨我唔迫佢揀浴衣？！有時做咗咁多年阿媽，係依啲情況都真係唔知點做係最好？！我暫時都係唔影響生死大事都比佢地自己揀，但會同佢地講清楚成年人眼中的好處壞處⋯⋯希望我無做錯。

我哋話想後生啲，選了顏色鮮艷的，然後在街上看見年青人都是著黑白灰型格的🤣。












小丸子揀的這種應該是「今期流行」，我見街上好多日本女仔都係著呢款，但真係熱爆！




年輕真好⋯⋯我等攝影師時用手機拍的！面色紅潤、皮膚光澤！

影完相去食lunch，小丸子話佢比件和服剌都食唔到嘢🤣。






之後小丸子還和服，我地換返波鞋，就出發去清水寺。










我老公影頭下的我，無執相，我個樣係唔係好有福氣呢？🤣




小丸子話佢終於可以舒舒服服咁食！














5:30還完和服之後，我地就坐的士返酒店啦！

去酒店對面一間洋式居酒居，點知發現寶藏！真係超級無敵好食！佢要每人收 300yen人頭費，同埋每人都要叫一杯飲品，問我地接唔接受先安排坐位，一開始安排室外位，我地話想要坐室內有冷氣，最後都安排到。


超級無敵好味的明太子芝士奄列！


白汁龍蝦意大利麵，係香港真係未食過咁好味的！


鮑魚意大利飯，都係超級美味！


Pizza 


牛扒


最後仲有西瓜，連送的生果都好好味！每次去日本都好想自己有多個胃！


佢哋係度搞咩呢？！






阿旺晚上出去食拉麵宵夜！又係好好味，仲要唔貴！


Day 6 完結，差不多是行程的尾聲啦！