傻夫婦一家四口生活日誌

2017年12月23日星期六

小丸子上烹飪班『煤氣烹飪中心 - Candace媽媽親子烹飪班』

2017年 10月 14 日 (星期六)

上年又是差不多這個時間帶大頭妹到煤氣烹飪中心上 Candace 媽媽的烹飪班，上一次是整壽司，仲有好有挑戰性的『炸蛋』﹗上次上完堂之後，一直話會帶小丸子去，不過實在太忙，有拖無欠下拖了足足一年，終於成事，呵呵呵，唔可以做個呃小朋友的大人嘛﹗

小丸子好興奮呀﹗其實佢好鐘意煮野食，次次行過 ABC Cooking Studio都話想學，不過阿媽我對整『便當』有興趣啲，所以最後都是去煤氣烹飪中心上 Candace 媽媽的烹飪班﹗今次整的是熊貓做形小熊飯團﹑漢寶扒﹑炒雜菜﹗

上次上過一次，有經驗啦，知道 Candace媽媽的烹飪堂，是真的小朋友自己煮 (大部份)，家長只提供『有限度的』協助﹗小丸子性格一向鍾意搞搞震，真是岩晒佢啦﹗

上堂前影返張靚相先﹗

有得自己炒菜，小丸子好開心﹗

佢炒完之後不停話自己炒得好香﹗

嘩﹗強壯而有力的手臂，最岩整漢寶扒﹗

完全自己整架﹗

可以拎去煎啦﹗

之後整飯團﹗

最後做型部份就當然係我幫手啦﹗其實都真是幾花功夫﹗

Candace 媽媽的完成品﹗

小丸子一出到門口已經忍唔住即食﹗仲話好好味﹗

平時唔食飯架﹗自己整果然唔同，成舊拎住食﹗

2017年12月22日星期五

小丸子@歌詠小組

小丸子今年有幸比學校選了入歌詠小組，逢星期五的自由時間用來練習，有時假期都要返學校練習，今日咁岩放假，我帶小丸子返學校練習，雖然就無得睇佢練習，不過等的時間，就可以睇下佢同同學相處！

今日發生咗一件事，我一定要記下來！話說我地早到咗，係等的時間小朋友就周圍玩下啦，校務處姐姐一聲夠鐘，大部份小朋友都跑去集合咗，小丸子竟然向反方向行，正當我想開口鬧佢的時候，比我見到一件我好感動的事！

原來佢去放返好佢玩的玩具，仲幫手收拾!

噢，我真是好感動！

後來有個校工姨姨就走過嚟話小朋友點解唔收拾，我笑笑口答佢，沒收拾的小朋友都跟老師走了，留下來的小朋友都好乖，有好好收拾，其中一個小朋友望住我露出微笑！做咗媽媽咁多年，我覺得自己都進步咗，識得點樣保護自己小朋友，又唔會同人起衝突﹗

2017年12月21日星期四

傻夫婦東京親子之旅 DAY 6 【新宿LINE POP UP STORE/ 羽田機場TAKAFUKU】

2017年 7月 20日 (星期四)

去完 KIDSZANIA，我自己落咗涉谷買手信，本身想係涉谷匯合阿旺，然後一齊食美登利，點知佢地玩耐咗，我買完手信，係美登利攞埋飛等到位，佢地都仲差好耐都未到，阿旺又一拖二，所以我諗兩諗都是係返新宿等，我買外賣美登利返去比阿旺食就算﹗

最終都出發去機場啦﹗最後最後去行酒店對出的 LINE POP UP STORE，由第一日話去，點知我地日日都早出晚歸，日日都去唔到﹗

如果係 LINE FANS，一定又跌銀包啦﹗

本來想食杯冰，點知大頭妹小丸子都話唔食？﹗點解呀﹗我無理由一個人坐低食架﹗

今次行程的最後一餐﹗一早已經 PLAN 咗食羽田機場入面的『TAKAFUKU』，其實都是『今半』的姐妹店，所以我今個行程之前一直都無食過 SUKIYAKI，留到最後一餐先食，真是有少少後恢，因為想食多餐都無啦﹗要上機啦﹗

我地去到都差不多 9:00，以為阿旺一個去 CHECK IN，我地可以坐低食住先，原來要全家一齊 CHECK IN，我點咗餐就帶住大頭小丸落返去 CHECK IN﹗

原本想食有火的『SUKIYAKI』，不過因為 LAST ORDER 係 10:00，其實就未夠鐘，不過店長問我地介唔介意食『定食』，佢話分量係無分別，只是佢地煮，定我地自己煮的分別喎，咁就算啦，都唔想阻人收工﹗

真是超好味﹗我同阿旺都話，其實我都最愛的煮法都係 SUKIYAKI﹗我地點的是『特選 SUKIYAKI 定食』3348YEN，同場都見好多日本食叫 STEAK SET﹗

雖然之前成日聽人地話去到日本餐廳一人要點一個餐，我同阿旺就一人點一個，但無特別再叫比大頭小丸，諗住同我 SHARE 都得，但店員都比咗一人一個白飯佢地，仲要免費的，不過我地話要一個就夠，我同大頭都係好細食﹗

哈哈哈﹗結果我地低估咗小丸子﹗

臨 LAST ORDER 叫多個兒童餐﹗

呵呵呵﹗點知...兒童餐唔係用『特選肉』，食家丸一食就食得出啦﹗結果我同佢交換食囉﹗

又食生蛋﹗

啲肉...又真是有睇得出的分別既﹗

其實唔知大家有冇發現，小丸子一食野...對眼就會唔 FOCUS﹗

兒童餐個甜品都好豐富﹗

TAKAFUKU
http://sukiyaki-takafuku.com/menu/index.html

2017年12月19日星期二

澳門2017暑假親子之旅【口福 FOOD COURT】@20170823

2017年 8月 23日 (星期二)

其實點解今次澳門之旅拖咗咁耐都唔出 blog，除咗依家寫 blog 懶咗，仲有少少係因為我地今次去澳門就是撞正『天鴿』，我地剛好早一日走，如果唔係都唔知要留係澳門多幾多日，所以總係覺得唔係時候寫遊記，有時真是覺得我地生活係香港好幸福，打風好多時就是等於多一日假期。

繼續我地的澳門之旅，由於前一日主要都是做拍攝的工作，唔係太多時間玩，一早起身，小丸子話想再游一次水，我呢個二十四孝媽咪當然會陪佢，爸爸同家姐就留係房叫 room service 早餐﹗其實前一日的拍攝工作主要都是大頭妹負責，佢話佢想休息下，嘆下間咁靚的酒店房﹗

今次酒店安排我地係房間食 ROOM SERVICE 早餐，佢地話暑假好多人，基本上佢地係全滿，9成以上的客房都租出，所以早餐食 BUFFET 都會幾多人。

阿旺點了全餐 $298，點的時候剛剛訓醒無睇清楚，以為酒店價是貴啲，原來個 SET 真是份量十足，我覺得已經夠 2個大人食/ 我地一家食﹗基本同 buffet 沒有分別，除了以下一碟，仲有粟米片﹑yogurt﹑麵包籃﹑生果﹑一整瓶咖啡﹗

我的早餐

大頭妹的芝士火腿多士

小丸子的蘑菇奄列。

大頭妹無去游水，同爸爸食住早餐先﹗

望住個咁靚的景食早餐，真是心情都好啲﹗

再次多謝【澳門喜來登酒店】，仲送咗生日蛋糕比阿旺﹗

游完水返嚟啦﹗第一時間食朱古力﹗

聖誕節仲出返生日 post﹗

酒店的大堂有扭波波派﹗

食完早餐都差不多時間 check out啦﹗我地去咗【Planet J】玩﹗(舊文重溫: 澳門2017暑假親子之旅【Planet J 冒險王國】@20170823)

因為坐 8:00船，大約 7:00 就要離開酒店，玩完 PLANET J 都成 5:00幾，所以都唔出去食，係酒店的 FOOD COURT 隨意食少少就走，但估唔到都有驚喜喎﹗

去澳門其實真是好 FAMILY FRIENDLY，貴價餐廳當然多選擇，好多酒店入面都會有 FOOD COURT，可以話是豐儉由人，而且很多 FOOD COURT 都相當不錯，地方乾淨﹑價錢唔太貴，食物水準可接受。