2018年5月28日 星期一

好味海南雞【南駅】@20180422

今日同大頭小丸去柴灣踩單車,本來想係柴灣食埋晚飯先返屋企,點知問完柴灣的朋友都話柴灣無咩好食,叫我去試下筲箕灣的【南駅】,推介海南雞同 PIZZA,2樣大頭小丸都食,咁就一於試下啦﹗

朋友果然無介紹錯﹗海南雞同 PIZZA都好正,其實只是2個地鐡站的距離,價錢仲比太古抵好多﹗

海南雞都有 2款,我地點了貴少少的一款,點了半隻,阿旺話佢一個人可以食晒一隻,問我點解點半隻...食太多都唔健康架...又少做運動﹗




你地睇下佢...仲點咗鴨肝多士...佢一個人食晒...我真係無眼睇﹗

呢個 PIZZA 就勁...勁香芝士味﹗但濃得制,大頭妹唔食﹗

等個女嫁唔出系列﹗

小丸子心諗仲好,佢一個人食晒﹗佢最後好似食咗半個有多﹗

原本點比小丸子食,點知佢有 PIZZA 唔食薯條﹗


南駅
地址: 筲箕灣筲箕灣東大街59-99號東威大廈13號地舖
電話: 25915808

2018年5月25日 星期五

工人姐姐生日飯【Chin Chin Thai Cuisine】




工人姐姐的生日,只是同大頭妹差3日,一年一次出去食返餐好,慰勞一下工人姐姐平時的幫忙﹗其實平時都有食,不過平時好多時,姐姐寧願自己係屋企,都唔會同我地出去 (呵呵呵...明既...比我都寧願係屋企HEA)。今次揀咗姐姐鍾意的泰國菜,新開無耐,我自己都想試下﹗

唉...我樓下個商場...啲餐廳的價位越來越高,呢間【Chin Chin Thai Cuisine】價錢都唔算平,食物基本上都唔錯,不過服務就麻麻地﹗成張枱大把位,上菜的時候,將食物放係客人旁邊的枱角?﹗基本上我唔係太明白個用意?﹗

炸蝦餅,泰國菜中小丸子的最愛﹗


大頭妹最愛的包...養佢真係好容易...又平﹗


哈哈...到我的最愛冬蔭公,呢間的冬蔭公偏辣,亦都好足料﹗蝦﹑青口﹑帶子都有﹗


牛筋牛脷咖哩...都幾好味...雖然如果比我揀,我唔會揀牛脷。


泰式薄餅,配咖哩吃﹗


馬拉盞通菜,呢個好好味﹗少少辣,有啲蝦乾,好惹味﹗


牛柳粒紅飯,呢個我都推介,牛柳粒夠腍,紅飯亦炒得好好味﹗大頭妹一個人差不多食到半碟飯...不過無食牛﹗







海南雞,呢個普通...可能岩岩食過東大街間南駅,南駅好味好多,呢度啲雞無咩味﹗



Chin Chin Thai Cuisine
太古康山道1-2號康怡廣場北座3樓T1號舖

2018年5月17日 星期四

產品試用: EG 蚊仔驅蚊系列



春天天氣開始回暖,好適合戶外活動,野餐、行山,踏單車,但都是蚊蟲滋生的季節,帶小朋友去戶外玩,就一定要做好防蚊﹗

小丸子好惹蚊,所以我一向都好小心,有時返學,工人姐姐忘記貼蚊貼,就咬到成腳蚊爛,仲要好耐先好返,唔靚靚啦!



EG® 防蚊液 100毫升,全新植物精油配方,有效防蚊、蠓,不含避蚊胺,2-4小時防蚊效力。揀蚊怕水,防蠓非常重要,唔係全部蚊怕水都有防蚊功效!


蚊仔® 天然驅蚊貼24片裝,提供12小時長效防蚊保護,採用天然植物精華,美國環保局 (US EPA)  CE EN71認可之天然有效驅蚊成份,最重要不含化學成份避蚊胺(DEET),對人體無害,可以放心比小朋友用。

想有最好保護,最好上身同褲仔各貼一張!小丸子仲貼埋肚腩,話肚腩範圍最大。


易撕易貼,小朋友都識自己貼。


天然止痕滾珠 15毫升,天然植物精油煉製,不含樟腦,有效舒緩痕癢。走珠設計,方便易用!






想知更多產品資料,可以到以下網址:
依家仲有 promo code: [SUMER30] ,上網購物,享有30%折扣優惠!

Related Posts Plugin for WordPress, Blogger...