2013年12月31日 星期二

Home Sweet Home Project (完工篇)

時光倒流去未入伙之前,師傅最後係冬至完工,我地趕得切係聖誕節前搬屋﹗
當時嘅我...都未知我嘅聖誕節會完完全全被執屋淹蓋﹗
明明已經叫師傅整咗好多櫃,不過 3房搬 2房,面積細咗 130呎,真係唔夠地方用﹗
對上一次搬,係 1房搬 3房,加上有 1個 "1個頂 3個" 嘅工人,
我上次完全無幫過手,放工返屋企阿旺同舊工人姐姐已經執好晒間屋﹗
今次足足執咗 4日,最後要丟好多玩具同雜物,先至 "勉強” 要做塞晒啲野入間屋,
我估我都要去 ikea買返 1-2個吊櫃﹗

哈哈,今次比過未有雜物嘅 version大家睇住先﹗


客廳裝咗一把吊扇燈,扇葉係透明嘅,加上唔用嘅時候會 "收埋",所以都唔係太覺眼,之前我地師傅叫我地唔好裝吊扇燈,但佢見完呢盞都話靚﹗

明明覺得個廚房已經整咗好多櫃,點知廚房是重災區,我有好多碗碟都要 "壯烈犧牲"﹗

浴室裝咗浴室寶,呢幾日沖涼真是好感受到佢嘅好處﹗


以後已經有好多櫃,點知都放唔晒 2個囡嘅衫﹗

都以為自己個衣櫃好大,點知阿旺勁多衫,仲多衫過我﹗

2013年12月30日 星期一

小丸子@Jolly Kingdom - KinderGenius

其實想當年幫小丸子報 playgroup嘅時候,就已經想報 Jolly Kingdom,不過我又懶得打電話去問上堂時間同學費幾多,就不了了之咗﹗直至上次去聽佢地個講座,岩岩小丸子之前個 playgroup又完咗一個session,我又決定試下﹗

聽講座嘅時間,Dr. Jeff 問我地想小朋友上 playgroup學到咩﹗我答佢想小丸子學 "認字",因為我發覺小丸子識講好多野,但認字能力明顯比大頭妹當年差﹗後來 Dr. Jeff 都有講返,佢話呢個係一個 "做細" 嘅正常現象﹗因為佢嘅學習好主要係透過 "模仿” 大嘅,行為/ 動作係最易模仿,其次就係說話,至於 "認字",佢唔會知家姐睇嘅係咩字,而我地個例子係差 2年,家姐又未識教佢 (差 5-6年又唔同講法),父母花係第 2個子女身上嘅時間又往往少過第一個,所以妹妹 "認字" 差,原來係情有可原架﹗﹗﹗

其實諗返轉頭都係,我真係好少同小丸子認字,因為要就埋大頭妹,我地通常一齊睇故事書,加上小丸子坐唔定,真是好難一個一個字教佢,我見佢已經識唱 abc song (岩次序架,係 mnlop 個段唱唔到),不過又唔識得晒 a-z喎﹗數字就好似完全唔識咁...佢見 123都讀 abc...所以真是要認認真真教下佢認字啦﹗

岩岩上咗 1個月,發覺真係間間 playgroup 嘅教法都好唔同,就好似處理 "小朋友" 坐唔定問題 (小丸子呢個問題好嚴重...),Jolly Kingdom 嘅外籍老師主張當小朋友坐唔定嘅時候就比佢出去 play zone 走一走, 再返埋位,不過當然都唔係無限次咁走去玩啦﹗中間 "認字" 時間呢,又係出去老師度攞字卡,都叫可以行個圈。

第一次上堂,課室比較大,有比小朋友玩嘅空間﹗

上堂唔比影相,我落堂等其他小朋友走咗之後影咗幾張﹗

數字呀﹗小丸子...你要快啲學識呀﹗其實都有諗返...係唔係真係冇時間到咁呢?123都未教小丸子...

Jolly Kingdom: http://jollykingdom.com/chi

2013年12月28日 星期六

Teapot



多謝飛媽嘅邀請,上上星期五我同 Mancent 媽咪一齊去咗 Teapot 學日本 Porcelain Art﹗其實我中學時期好鍾意做手工藝,不過有咗男朋友之後,就 "轉行" 去學烹飪,到依家有小朋友就學湊小朋友,學邊度嘅興趣班好,邊間 playgroup正﹗heheheh...不過有時我覺得我地媽咪都要有自己嘅私人時間,今晚同 Mancent 媽咪同飛媽一邊做 porcelain art一邊吹水,雖然都係講仔女經,偶爾輕鬆一下,都幾開心嘅﹗(hehehe...我仲同 Mancent 媽咪交換咗一個小秘密,就係我地有冇偏心,自己同老公惜大/ 細多啲﹗)

hehehe...先比我嘅製成品大家睇下先﹗等我扮下勁先﹗
仲未燒架﹗燒完依家啡金色嘅部份會變成金色﹗
 

heheheh...再睇下我當日嘅製作過程﹗

我揀咗整 soap dispenser,放係新屋用﹗

其實茶杯 set我都好鍾意架﹗不過我 2個寶貝囡 (仲有工人姐姐)可能好快幫我打爛﹗

香港唔係好多地方有得學整 porcelain art,Teapot嘅日本Porcelain Class全套技術乃師承日本並得到License認可﹗

要做咁靚嘅 porcelain art,就係靠呢啲靚靚嘅 "轉印紙" 啦﹗

全部都是由日本空運到港架﹗

hahahah...開始啦﹗剪好轉印紙再浸水就可以用啦﹗

um...其實都唔係太難掌握,不過我估 soap dispenser係比較易嘅 (因為直身)﹗

先做底層﹗

hehehe..我揀咗花花,其實我都好愛波點﹗

我地上課當日有一位同學仔係準新娘,佢整晒一set有自己同準新郎嘅 initial 嘅陶瓷,真係好有心機﹗


hahahah...唔知燒完出嚟會點呢?

呢個 cake stand好靚呀﹗

Mandy挑戰咖啡杯,因為咖啡杯上闊下窄,多好多工序架﹗

另外,Porcelain Art 體驗課程其中一樣是 "圓型有蓋盒子",可以用嚟做賀年全盒,因所有陶瓷作品需要高溫燒焗,有興趣做返個獨一無二既賀年瓷器全盒就要參加一月頭既時間啦!


1 Jan 2013 (Wed) 1:00-3:00pm (荃灣) *** 只餘少量 ***
2 Jan 2013 (Thu) 7:30-9:30pm (荃灣)
3 Jan 2013 (Fri) 7:30-9:30pm (荃灣)
4 Jan 2013 (Sat) 6:00-8:00pm (荃灣)
5 Jan 2013 (Sun) 12:30-2:30pm (荃灣)
5 Jan 2013 (Sun) 3:00-5:00pm (荃灣)

Porcelain Art { 體驗課程} 學費: $588 Teapot
會員學費 {體驗課程}: $468 (即時免費成為Teapot 會員可獲8折優惠)
課程大約 2 小時創作時間,費用已包括白瓷器, 專用転寫紙及燒焗費用
體驗課程A款 - 一隻茶杯連一隻碟 Set
體驗課程B款 - 圓型有蓋盒子一個 / 賀年全盒一層連蓋
體驗課程C款 - 咖啡杯連膠杯蓋一個(會員學費: $488 )
體驗課程D款 - 貝殼型碟子一隻
體驗課程E款 - 心型碗一個


報名連結: http://www.teapothk.com/adult.html
如有問題請致電 28873887 / Email: info@teapothk.com
— at Teapot Art & Craft Workshop

 hahhah...寫寫下 blog中途係 teapot嘅 facebook page見到我嘅完成品啦﹗真係好靚呀﹗
 

2013年12月27日 星期五

Liz Lisa福袋 2014 (內容公開)


去到年尾又係上網訂福袋嘅時候啦﹗hehehe...我年年都會買福袋,除咗因為抵買,仲鍾意開箱唔知自己會收到咩嘅心情,有少少好似收禮物咁﹗不過我通常都只會買啲自己著開嘅品牌,咁 size/ style方面都唔會同預期差太遠﹗另外,最鍾意買小朋友嘅,因為通常一定唔會唔岩身,又平又靚﹗

今次多謝幫我嘅日本代購 (facebook: Panvian Lam Osaka) ,送咗 set Liz Lisa嘅福袋比我﹗
hohohohoooo...如果你買咗未收到/ 打算買,又想保持神秘感,咁...你睇到呢度好啦﹗


1 set 3件,有粗冷外套,白色針織,花花裙 ﹗


剛剛好可以一套咁著﹗


件外套好暖,我 24/ 12個日都係就咁著返工﹗


淨係呢件粗冷外套 price tag標價都要 7xxx yen架﹗

件白色針織有領口有 lace (hehehe...影到自己個雙下巴添﹗)


條裙都好靚,price tag又係標價 7xxx yen,3 件加埋要 around 20000 yen,依家只是 $520 (未包郵)﹗



另外比啲小朋友福袋大家睇下﹗以下全部 $438@ (未包郵)

我好鍾意呢套﹗

https://fbcdn-sphotos-c-a.akamaihd.net/hphotos-ak-frc3/1506472_669047563146899_690471711_n.jpg 

 呢套碎花仲靚,可惜得細b size﹗

 

 男仔都有份架﹗

 

如果大家都有興趣,就上 facebook search: Panvian Lam Osaka啦﹗

2013年12月24日 星期二

三代同堂去旅行@DAY 2 - 歌詩達郵輪『維多利亞號』- 上船 + 房間 +第一餐晚餐

2013年11月30日 (星期六)

DAY 2: SANDS - 牛車水 - 酒店 - Marina Bay Cruise Centre - 歌詩達郵輪『維多利亞號』

去到 Marina Bay Cruise Centre,我又出事啦﹗我唔記得唔可以帶食物上船 (其實係無睇),我啲林志源無放入行李,唔可以帶上船,好在 Marina Bay Cruise Centre 有行李寄存,不過要 SGD9/ 日,我要放 5日,即係 SGD45﹗因為 2:00已經開始可以上船,我地 5:30去到,唔洗點排隊,好順利過關啦﹗首先要過 x-ray,之後就是 cruise counter,再之後就是海關,之後就可以上海啦﹗成個過程都唔洗 30分鐘,都算好快啦﹗

一上到船大頭妹就好興奮,本身 PR姐姐留咗 2間露台海景比我地,不過因為安全原因,原來有小朋友係唔可以住露台房,所以就改住海景 4人房,有 2張上下格床,而老爺奶奶住嘅係露台海景房 (好靚架)﹗

我相信好多朋友都會想知個價錢,根據 Costa Cruise嘅官網,我地今次嘅行程: 新加坡 - 布吉島 - 浮羅交怡 - 新加坡,5日4夜嘅郵輪假期由每位 USD659起,海景房就 USD759,露台海景房就 USD879,露台海景套房就 USD1129 (即是大娥 $5140 - 8800/ 位),呢個價錢已經包晒 1日 3餐 (另外仲有下午茶/ 宵夜,我地今次真是增肥之旅,小丸子一返香港當晚,大頭姨姨已經話小丸子成個大隻咗﹗),但就未包機票同酒店 (如果你都想好似我咁早一日到新加坡四圍玩下的話)。不過其實市面旅行社都有包機票﹑酒店﹑郵輪套票嘅 PACKAGE,都是大約 $6000-7000 (未計服務費),當然要睇下你揀咩房間啦﹗最重要是郵輪的部份小朋友去到 18歲以下都是免費 (每 2個大人可帶 1個小朋友),不過如果係旅行社買 PACKAGE就要問清楚小朋友計法啦﹗
 去到 Marina Bay Cruise Centre就有個 Baggage drop off counter,可以放底大型行李,工作人員就會幫你直接送上船架啦﹗


呢個郵輪碼頭應該係新嘅,都無咩商鋪,只係得 1間 money exchange﹑1間 7-11﹑同一間賣電話嘅鋪頭﹗


heheh...有個郵輪模型,個個都去同佢合照呢﹗

之後就過關啦﹗我地 6:00過關,已經無咩人,好快就可以上船啦﹗

同 Costa Victoria嚟個合照先啦﹗大頭妹好好笑,佢有個同學叫 Victoria,佢問我佢係唔係住呢度,又問我咁有冇 Costa Issac (佢個同學仔),同 Costa Alice(佢自己)...我都唔知點答佢,不過就明白點解 Thomas & Friends咁受歡迎,因為乎合小朋友思維﹗

上船啦﹗好開心﹗

上船CHECK IN嘅時候,每個人都會影幅相,因為郵輪公司會派一張有旅客名嘅 COSTA CARD比每一個旅客,佢地會幫旅客保管 PASSPORT,張 COSTA CARD係呢幾日就會代替 PASSPORT同CREDIT CARD (好重要架﹗),之後落船去布吉﹑浮羅交怡,都係用 COSTA CARD就可以,係船上消費都係用佢一take過,好方便架﹗

上船之後第一件事就係做 "逃生演練",行一行條逃生路線﹗

2個小朋友不知幾開心,以為去游水,又係咁吹救生衣個bb﹗

佢見職員企出去教客人著救生衣,佢又行出去...比佢笑c我﹗

首先去參觀爺爺嫲嫲間海景露台房先啦﹗(呢幅係第2朝補影嘅)

有落地大玻璃同露台,真係開揚好多﹗不過有小朋友的話,又真係會危險﹗

有 "雙連房"﹗

一望無際嘅大海﹗

影返張合影先﹗


到我地間 4人房啦﹗有 2張上下格床。

浴室就 2間房都一樣,我估要住到 Suite先會有分別。

起初我有少少擔心船上熱水唔夠 (咁大架郵輪要供水喎),點知啲熱水好正,岩晒我要沖好熱好熱水涼嘅人﹗

Settle down之後就去食我地係船上第一餐嘅晚餐啦﹗船上總共有 4間餐廳,5/F嘅 2間餐廳 - 協奏曲餐廳﹑幻想曲餐廳都是 A LA CARTE。佢地會放餐廳張卡係房門,咁你就會知自己去邊間餐廳﹑食幾多點﹑同坐邊張枱啦﹗另外11/F 就 BUFFET,客人可以自由選擇,去 5/F 一或 11/F食晚餐。12/F 就是 CLUB RESTAURANT 24小時供應美食,不過部份是額外收費嘅﹗唯一要留意係無免費水提供,不過單叫一支 2L 嘅水都係 US$2.95 (大約 $26.5),另外仲有好多唔同水/飲品/ 酒嘅 PACKAGE可以選擇﹗我地都買咗一個 BOYS & GIRLS無酒精飲品嘅 PACKAGE,US$26/ 10杯,即是 $23@,可以揀汽水/ 無酒精 COCKTAIL﹗


每晚都有各式麵包,我地每次一坐低就比一條小丸子,佢就會乖乖地咁坐係度食啦﹗

我地同侍應講我地會 SHARE,佢就係前菜﹑湯﹑意粉類﹑主菜﹑甜品,都大約各點一份﹗船上嘅 MENU每日都會有素食嘅選出,所以食素嘅朋友都唔洗擔心﹗

先睇睇前菜先啦﹗

薑汁豬扒

海鮮沙律,大廚係意大利人,海鮮一定無問題啦﹗

蔬菜蛋餅,呢份係我嘅,好好味呀﹗

佢地有兒童餐﹗大頭妹日日都食到 LAM LAM脷呢﹗

小丸子就更加唔洗講...日日有爺爺嫲嫲 "專人服侍",食到連爺爺嫲嫲都話覺得佢食太多...

睇下小丸子個樣幾 LUM...

又得戚﹗

大頭妹就識自己食啦﹗到小丸子再大啲,都可以自己食 (再戒埋片),我地去旅行就應該輕鬆好多啦﹗

每日都會有 2款湯,通常都係一中一西,西湯就係忌廉湯多,小朋友都可以點湯,所以小丸子每日都有忌廉湯飲呢﹗

薯仔忌廉湯

紅棗鴨湯

呢個就係小朋友餐啦﹗蕃茄意大利麵,都係每日都有供應嘅素菜餐﹗
 

 另外就仲有炸魚薯條/ 炸雞薯條/ 可以點餐牌上嘅意粉/ 主菜都可以﹗小朋友上到郵輪玩幾日,都唔怕無野岩食啦﹗

睇下呢兩個小朋友食得幾開心﹗


茄汁怪人﹗

食完頭盤﹑湯就到麵類啦﹗每日都有 2個麵選擇﹗

今日有蕃茄長通粉﹑海鮮意粉揀﹗

個海鮮意粉好好味,好足料呢﹗

之後到主菜啦﹗其實食完頭盤﹑飲完湯﹑再食埋意粉都好飽架啦﹗

我今日肚痾 (其實係香港出發個日開始痾),所以我叫咗牛扒比自己,我要補充返多啲能量﹗



大頭妹幫爺爺嫲嫲同小丸子影相﹗

最後到甜品,真係已經飽到上心口,不過食甜品又有另一個胃嘛﹗

我個日肚痾唔敢叫雪糕,呢杯係大頭妹架﹗真係好好好好味呀﹗

芝士蛋糕

朱古力蛋糕

芒果 mousse cake

除咗甜品仲可以點生果,幫助消化﹗

hhehe...起初以為係唔係第 1餐先咁豐富,點知原來日日午/ 晚餐都係咁豐富,呢餐第一餐已經係 "輕盈" 一啲﹗之後船長之夜仲有龍蝦食﹗我地話日日咁食法,郵輪之旅變成增肥之旅﹗小丸子返香港肥咗一個圈﹗

如果大家想認識多啲 COSTA CRUISE,可以去佢地嘅網址睇下﹗佢地農曆新年會有香港出發嘅行線架﹗


三代同堂去旅行@DAY 2 - SANDS﹑牛車水﹑ 歌詩達郵輪『維多利亞號』
三代同堂去旅行@DAY 2 - 歌詩達郵輪『維多利亞號』- 上船 + 房間 +第一餐晚餐
三代同堂去旅行@DAY 3 - 歌詩達郵輪『維多利亞號』設施篇 
三代同堂去旅行@DAY 3 - 船長歡迎晚宴
三代同堂去旅行@DAY 4 - 布吉島
Related Posts Plugin for WordPress, Blogger...