2020年5月13日 星期三

產品試用: 珮氏MosquitOut PRO防蚊蟲乳液



由新年假期開始,到依家已經停課超過3個月,雖然學校停課不停學,連日來都有好多功課,生活好「充實」,但始終日日都困係屋企,本來天氣開始回暖,好適合戶外活動,野餐、行山,跑步,依家大部份時間只可以乖乖留係屋企。

呢個時期出去戶外活動,口罩固然唔少得,但夏天都是蚊蟲滋生的季節,最近仲有登革熱,防蚊措施都一樣唔少得!依家爸爸星期六都會帶大頭小丸去跑下步,尤其小丸子停課3個多月已經重了好幾磅,真是要跑下活動下。

今日試用珮氏新推出MosquitOut PRO防蚊蟲乳液,乳液質地,小朋友都可以自己用。清爽防汗水 唔怕流汗之後被抹走,14小時不用補搽。 長效驅趕多種蚊蟲,包括:蚊、跳蚤、蜱、蠅及蠓等。 





Ready啦!


乳液質地,除身體外,仲可以仔細全面覆蓋面、頸、耳等位置,做到全天侯防蚊蟲保護


珮氏MosquitOut PRO防蚊蟲乳液採用專利 STAYTECTM緩慢釋放技術,美國製造,成份安全有效獲世衛、美國環境保護局、美國疾控中心認可。不含樟腦及水楊酸成份,G6PD患者可安心使用!不含DEET,仲採用低敏配方,無香料,無色素溫和親膚,2個月以上嬰幼兒及成人,及敏感肌膚人士適用。



銷售點: 萬寧及屈臣氏

HK$10電子優惠劵: https://bit.ly/2KyLrBk

2020年1月17日 星期五

大頭小丸家長日@20190104


最近好少寫blog,其實連Facebook page都無更新,生活忙得一塌糊塗,阿旺聖誕節前出入了醫院2次,做了個小手術,幸好不是大病,但心情一定受影響。工人姐姐剛好就是阿旺入院當日回菲律賓放假,一直放到小學假期結束,所以整個假期,我就要以一敵三,一邊照顧阿旺,一邊處理大頭小丸,仲一拖二帶了大頭小丸去了澳門四日三夜(其實仲有婆婆、大頭姨姨、姨丈,表弟),不過我地經常分頭行事。

呀!其實想寫家長日,越寫越遠,睇返blog我每年都有寫!轉眼間大頭妹就4年級,第四次家長日,今日先見小丸子的班主任,今年班主任好盡責,開學第一個星期六的家長日已經提我要幫小丸子配眼鏡,話留意到小丸子看不到黑板,之後4個月,收過3次電話,仲叫我要跟緊一點,我都是第一次被老師叫跟緊一點,以往大頭妹班主任都是叫我要放手,不要太緊張⋯⋯可能我對2個女真是用錯方法了。我對大頭妹是相對嚴格,對小丸子就比較放任,事實是我對小丸子無能為力。

今年小丸子班主任的緊張,加上小丸子派回來的成績,我以為她要考包尾了,結果和上年差不多都是中尾,未去到包尾,小丸子好清楚自己定位,每次派完成績,佢都會同我講邊個邊個仲低分...所以是真的。其實今次小丸仔真是考得麻麻地,中,數都是6字頭,英文和常識好一點,中作和中默都不合格。

之後見大頭妹班主任,今年四年級,平均分真是跌了很多,而且今年改了計分方法,比較貼近呈分的計法,會影響到平均分,我以為考得好差,當老師問我滿不滿意時,我仲斬釘截鐵答:不滿意!如果老師一臉無奈同我講:其實佢考得好好喎⋯⋯你睇下佢名次先,今年四年級,平均分是唔可以同三年級比⋯⋯但英文真是不滿意,一向既強項,今次竟然是四科之中最低分!


同小丸子班主任傾完之後,決定幫小丸子報功課輔導班,放學做完功課,我專注幫佢溫習,暫時當然見不到成效,但8:30可以做完功課已經好開心。平時放學拖拖拉拉,9:00先開始做功課,起碼多了時間玩,感覺佢開心咗!


2019年11月28日 星期四

傻夫婦暑假九州親子遊Day2「宮崎牛專門店 宮崎Miyachiku」@20190716



2019年7月16日(星期二)

今次行程訂了3間餐廳,呢間係其中一間,只接受預約,外國遊客仲一定要經酒店約,無得walk in,上年去大阪店(舊文:https://athena-joe.blogspot.com/2018/11/day-4.html?m=1,就可以上網book,我係klook 定kkday仲見過有coupon買,好抵食,不過只限大阪店。

上年食完今年要再食,就知一定係好野!上年去大阪book咗lunch,但是星期六沒有lunch set,今年book個時就問清楚,lunch set真是抵食好多呀!


















真是超美味!依家見到都想食!

















宮崎牛専門店 博多みやちく
日本〒810-0801 Fukuoka, Hakata-ku, Nakasu, 5-chōme−2−1 NAKASU J-PARK BLDG.
https://goo.gl/maps/rsexGG81wXHcLdab7

2019年11月25日 星期一

傻夫婦暑假九州親子遊Day2「大濠公園」@20190716


2019年7月16日(星期二)

今次旅行,阿旺話希望可以HEA啲,因應「團友」的要求🤣,我今次「盡量」安排一日兩個「景點」,比佢地訓到自然醒😌。除咗住有早餐的酒店,其餘時間我都是化好妝,落街買完早餐,先叫佢地起身,算唔話得啦呱😆!

今日一早買完早餐,我就一個人去買聽日去由布院的巴士車飛,話說我好低能,我Day3至Day6會去由布院和別府,我竟然買咗3日的JR Pass,仲要去到車站畫位先發現😰!JR Pass我係HK Express買,是no refund的,唯有單獨買巴士飛。

今日的行程只有大濠公園,一早book了餐廳12:00食lunch,未夠鐘先係博多站的阪急百貨玩一陣,有一間Pokemon shop,兩個超級興奮!


呢部機好抵玩,100yen一局,玩完入多100yen會出張好靚既Pokemon卡!



之後,每當經過博多站,都會上嚟玩下!不過好奇怪,兩個女都無叫買野!

好彩我自己本人麻麻地Pokemon ,如果是角落生動,我就出事啦!🤣 

好Colourful好靚!

我最鍾意既手巾仔。

電話套都有好多款。

仲有我最愛的餐盒!

之後見仲有時間上埋頂樓坐小火車!



其實好bb,不過兩個女都仲好bb,玩完一團仲話想再玩。



其實出發去食lunch,不過大頭話想試family mart 的炸雞,之前比過family mart炸雞的廣告佢睇,佢話想試下,果然好好味!



今日唯一行程—大濠公園!

食完午餐(午餐另外出blog),出發去大濠公園!

日本公園的設施真是好厲害!見天氣咁熱,以為啲設施會好熱,點知摸落去係涼浸浸😮!我真是覺得好神奇!









玩完一陣公園就是坐鴨仔,去咁幾次日本,次次都坐唔到,今日專登抽時間去坐鴨仔船!




公園有間餐間,環境都唔錯!




大濠公園
1 Ōhorikōen, Chūō-ku, Fukuoka, 810-0051日本
https://goo.gl/maps/UHxZwLHAGwaHUyXo9

Related Posts Plugin for WordPress, Blogger...