2018年12月4日 星期二

Haagen Dazs雪糕火鍋@20181202



2018年 12月 2日 (星期日)

今日約咗大頭小丸的同學仔一齊去睇戲 The Nutcraker and the Four Realms,之後再去食雪糕火鍋,講起呢個同學仔,其實好好笑,唔知有冇係BLOG講過,呢個係佢 2年級的同班同學,有一次佢返嚟同我講,佢同學約佢去佢屋企SLEEPOVER,我心諗人地同學媽咪比咩?之後同大頭妹講,人地媽咪比就OK啦﹗結果佢地講講下,越講越認真,其實2個媽咪都可能係心諗人地比咩?結果...我地係大家其實未見過大家的情況下,我就比咗大頭小丸去同學屋企訓一晚,人地媽咪又未見過我,就幫我照顧我2個女一晚﹗真是超爆笑﹗

如是者佢地成功過一次,兩個就成日自己約出嚟玩,我地2個阿媽就只是配合佢地,佢地會自己揀去邊,去邊間餐廳...今次我地就是睇 THE NUTCRAKER 同食雪糕火鍋﹗

THE NUTCRAKER 比想像中好睇,都幾岩家長帶小朋友去睇,小朋友睇會覺得好刺激,家長睇...尤其是媽媽會有所領悟,不過唔劇透啦﹗大家自己入場睇﹗

睇完戲,去SUPER SANDWICHES 食個輕晚餐,原來 6:00 前都仲有 TEA SET﹗留返個肚一陣食雪糕火鍋。

標準SET 有 32球雪糕﹗


仲有少少生果同和果子。


大家都食得津津有味﹗




2018年11月30日 星期五

越華會@20181124



2018年11月24日(星期六)

考完試大人小朋友都要鬆一鬆,剛巧又是Sogo Thankful Week的最後一個weekend,一早訂了越華會,打算食完再行街街,點知訂咗8:00pm,最後要8:30pm 先有位,仲要最嬲係我地之後的booking都入晒去,竟然miss咗我地張枱,而我地全家一早到齊!我行去問的時候,仲叫話我是book 8:15pm!之後又話比間房我地,最後又比咗其他人,總之「人善被人欺」!是阿旺成日話人善人欺天不欺!

油鹽水蜆


沙拉骨


芝士蝦球伊麵


美國蠔煲


蒸勝瓜


蝦多士


椒鹽炸豆腐


蛋散

基於想開開心心食餐飯,又唔係咩五星酒店,最後都無投訴門口個阿姐!不過短期內都唔會再嚟啦!

2018年11月29日 星期四

靚媽日記

其實我個靚媽週記都無寫好耐,轉咗2次工,都搵唔返個地方影相🤣🤣,所以我索性改返做靚媽日記,都是一個叫法啫!

之前買開衫的日本網站做快閃大減價,我緊係唔執輸去買返幾件啦!

條裙睇中好耐,減價時得返加細碼,收到時真是嚇一跳,堅細!好彩勉勉強強著得落!件top是雙面,前後可能調轉著,依家好多日本設計都係咁,連裙都可以反轉著!


哈哈!呢件岩去飲,lace位好靚!連阿旺都話靚,減價後唔洗$1000,抵啦!


成日買返工衫,出街無衫著!對!女士就是明明成衣櫃都是衫,都覺得無衫著!🤣🤣🤣


之前用開盒眼影用晒,買來買去都唔岩心水,終於比我搵到,原來我用開盒眼影,啡色是帶少少粉紅同紫,唔係齋啡色,用落柔和啲!


即時試上眼!就是我想要的色!好開心!


希望我今次會keep到啦!有緣再見!🤣🤣🤣

2018年11月28日 星期三

中山2日1夜家族旅行@20171210【快活谷﹑中山非物質遺產博物館】


2017年12月10日 (星期六)

今次的旅行好難得,係我期待以久的家族旅行,依家人大咗,各自有家庭,好難再一家人去旅行,而且今次有我最愛的姑媽同行,實在好圓滿﹗

第一次參加呢啲美食團,真心覺得好抵,成人 $538,小朋友 $418,再加每人 $120服務費,即是成人都是 $658,小朋友都是 $538。包晒來回車費﹑酒店﹑4餐。係香港食個 BUFFET 都差不多呢啲價﹗

行程第一餐是『椰香雞脆肉鯇宴』,嘩,個湯底超好味,肉丸﹑鯇魚都好正,小丸子食咗好多粒肉丸...所以佢是如假包換的『肉丸子』﹗

鯇魚片,連平時唔多食魚的我,都有食﹗

仲有鯇魚腩

鮮肉丸

雞,唔知係唔係新鮮雞呢?﹗



食飽飽就出發去中山非物質遺產博物館,去孫中山先生的故居。
都算幾多野睇,而且地方好大﹗










之後去咗快活谷,可以自費玩遊戲,同食中山地道小食,其實頭先餐午餐都仲未落隔,不過一有得食,又好想食。





之後去到賣燕窩的地方,都係例行聽下啲產品的神奇功效,買野我就無興趣,又幫襯咗食啲唔知咩甜品。


我記得呢舊椰汁糕幾好味﹗


話咁快又食晚餐﹗美食團果然是食食食﹗呢餐就普普通通,不過就勝在大堆頭﹗














之後係餐廳門口放煙花﹗

小丸子玩得好開心﹗

估唔到平時膽小的大頭妹都夠膽玩﹗

終於都返酒店啦﹗今次入住中山希爾頓酒店,房間好大。




領隊幫忙ORDER的燒雞,非常美味﹗到底我地今日全日食咗幾多野﹗

Day 2 待續!
Related Posts Plugin for WordPress, Blogger...