傻夫婦一家四口生活日誌: 大頭妹日誌 36-48個月

顯示具有 大頭妹日誌 36-48個月 標籤的文章。顯示所有文章

2016年4月17日星期日

小丸子生日【香港摩天輪】@20160417

2016年 4月 17日 (星期日)

小丸子正日生日係 4月19日，大頭婆婆同大頭姨姨話星期日同小丸子慶祝生日，帶佢去坐【香港摩天輪】，我都未坐過呀﹗其實本來仲想坐完摩天輪，順便上山頂玩，摩天輪旁邊就有巴士上山頂，可惜爸爸就快要交功課，今日仲去做義工，探訪小朋友，無陪我地去玩，所以就放棄上山頂啦﹗

大頭妹同小丸子都好開心，佢地話 Pepper Pig 都坐過？﹗不過 Pepper Pig 應該唔係【香港摩天輪】，應該是 London Eye 吧﹗哈哈﹗不過佢地就是因為呢個原因，所以好開心﹗

大頭妹同婆婆﹗

我地話好奇怪，大頭妹細個明明好怕高，第一次去海洋公園坐覽車，仲呱呱叫，依家又唔驚喎﹗反而婆婆話其實佢好驚﹗

小丸子都唔驚喎﹗

今日的天氣麻麻地，點解最近坐摩天輪都唔好天，上次去澳門又係咁﹗

香港的景色真是好靚，如果晚上坐，應該會更加靚﹗

玩一次成人 $100，小童 (3歲以上) $70，一次轉 3個圈，大約是 15分鐘，其實都幾貴...應該都是 target 遊客﹗

坐完再食軟雪糕﹗

睇小丸子呢個笑容，就知佢好滿意今日的安排﹗

香港摩天輪
香港中環民光街33號 (鄰近中環天星碼頭, 九號及十號碼頭對出)
開放時間: 早上十時至晚上十一時正 (星期一至日及公眾假期)
http://www.hkow.hk/zh/

2016年1月19日星期二

小丸子成長誌@3歲9個月

其實最近成日都想寫下 2個囡的成長記錄，轉校幾個月都好似無 updated 過，不過其實以前都少講學校，畢竟其實都是一個幾 sensitive 的 topic﹗咁小朋友又咁大個，再記下身高體重，又無咩好講﹗依家明白點解咁多親子 blogger，小朋友上小學之後就唔寫 blog了。

先講講小丸子，佢依家 101 cm，18kg (學校的紀錄)。

依家返下午班，見佢好似都幾適應到，仲比之前早訓咗﹗依家都是 8:00起身 (佢一定要飲奶啦﹗8:00唔比奶佢，佢自己都一定醒)，之後起身刷牙洗面去廁所，佢最近學識自己清潔 (大仲未得，小就ok)，之後就食早餐，早餐多數是餅乾/ 蛋糕仔/ 粟米片 (又想呃奶飲)，之後玩一陣，10:30又食 lunch啦﹗其實我起初好唔習慣返下午班，10:30-11:00又食 lunch (係我唔慣唔係佢地唔慣)，之後 11:30換衫，11: 45出門口返學，12:00上校車，5:00先放學﹗放學返屋企食 tea﹑沖涼，每日 6:30我就差不多返到屋企，之後就開始做功課﹗

功課方面，暫時依家是日日 1-2樣，weekend會有 2-3樣，加埋宗教填色功課，都是合理水平，佢一般 10分鐘就做完﹗

課外活動方面，佢暫時都是上畫畫﹑芭蕾舞，MathConcepts 因為工人姐姐走咗，平時星期三早上上，停咗 2個月，新工人姐姐到咗會上返。依家想比佢上英文，但未諗到上咩，之前家姐讀國際班，我只是額外比佢上 phonics，依家以小丸子的程度，覺得比佢上 phonics 都冇用，佢連 a-z 都未必識晒，認字係佢弱項。佢好奇怪，佢識串識讀 eye，ear，mouth，但係本書度呢？﹗佢會亂讀﹗

嚟梗 1月 30日就是家長日啦﹗到時又可以了解下佢上堂的情況﹗

學校功課，要去超市睇下不同的豆，同豆類製品。

都是學校功課，玩泥膠練小手肌﹗

聖誕節 party 幫手整沙律﹗

大家LIKE咗我地個 FACEBOOK PAGE 未呀？未就快啲 LIKE 啦﹗

2014年5月27日星期二

小丸子第一次宿營 (下)

2014年 5月 4日 (星期日)

繼續我地的宿營 blog﹗

今次去宿營，真是天公不做美，第一日 bbq 到一半就開始落雨 (如果 bbq前落，其實佢地有個有蓋的停車場 area可以 bbq)，第 2朝起身，仍然落雨﹗好失望呢？﹗不過對小朋友嚟講，其實佢地都無咩所謂，只要同爸爸媽媽一齊，又有朋友仔一齊，就一樣好開心﹗不過好多戶外活動都無得玩啦﹗上次來的時候又是落雨，2 次都玩唔到佢地的公園﹗

早餐 $16/位，比鯉魚門來得有成意得多，鯉魚門的只有見不到肉碎的肉碎粥，跟一碟米粉，呢度有腐竹粟米粥﹑炒麵﹑燒賣，仲有菜肉包﹗

腐竹粟米粥好好味呀﹗我食了 2碗﹗

落少少雨唔影響小朋友心情啦﹗不過之後...好大雨...都無影響佢地心情...whahaha...真係要學下小朋友﹗

hehehe...我地好堅持，好大雨都仲同 2個囡去玩水上單車，玩咗 2個圈，當玩過就算，都係拿拿聲上水，返房換衫﹗一陣冷親 2個囡就慘啦﹗

小銀一家

玩唔到戶外活動，好彩都仲有好多岩小朋友玩的戶內活動﹗好似羽毛球﹑乒乓球﹑彈床﹑小手工﹗

其他大人去打羽毛球，我就同大頭妹同小丸子去做小手工，連小丸子都岩玩﹗

$20買一個樽就可以玩啦﹗

大頭妹呢個就 $10，仲可以玩好耐，真係抵玩﹗

公園濕咗...無得玩啦﹗

我地之後 book咗打乒乓球﹗

婆婆打得叻過我，仲笑我，話未見過人企係度打波，郁都唔郁﹗

打咗一陣又同小朋友玩下﹗行平衡木﹗唔知點解大頭妹好記得，之後返屋企畫畫，佢都畫咗平衡木﹗

小丸子好大膽，次次行到最尾就跳落嚟﹗

之後扮火車...

開心的時間過得特別快﹗好快就到食 lunch時間啦﹗

我訂了 $400/ 10位的套餐，平常的是 $30/位的，所以會豐富少少，有雞﹑有魚﹗好似仲有 1-2個再豪華啲，亦有素菜可以選擇﹗

京都骨，好好味，尤其岩小朋友的口味﹗

金菇小棠菜

支竹炆魚塊

貴妃雞

蒸水蛋

5個小朋友來個大合照﹗我地大人唔記得咗一齊影返幅相﹗

總括來講，北潭涌會好玩過鯉魚門，不過對我地嚟講就會有少少遠﹗希望下次再去的時候，唔會又落雨啦﹗

大家 like咗我地的 facebook page未呀？未就快啲 like啦﹗

2014年4月24日星期四

一家四口台北之旅- DAY 1 (下): 淡水

2014年 4月11日 (星期五)

行程: 香港- 台北機場- 台北車站- 北投- 北投春天- 淡水- 酒店

繼續我地的台北之旅﹗

在酒店 SETTLE DOWN之後，就出發去淡水啦﹗坐返酒店的 SHUTTLE BUS出北投，岩岩走車，要等大約 40分鐘，阿旺話寧願休息一陣，比大頭妹同小丸子飲下奶奶先，唔坐的士，所以大家記得睇 SHUTTLE BUS SCHEDULE (其實我想坐的士)﹗去到淡水都已經 5:00﹗我同阿旺都未食 LUNCH﹗哈哈哈﹗可以 "掃街" 啦﹗

其實我地今次又住返北投，除了想浸溫泉，其次就是阿旺對淡水的美食念念不忘﹗佢喜歡淡水多過士林夜市，佢覺得士林太熱鬧﹗其實我比較喜歡士林，一次過可以食晒台灣的美食，又有街行﹗

一上捷運小丸子又瞓咗，可能飲完奶奶，周生急 CALL﹗