2014年12月31日 星期三

結婚 7週年 -迪士尼之旅

 

2014年 12月15日 (星期一)

HEHEHE...結婚週年 BLOG好似寫來寫去都寫唔完﹗今年結婚週年叫老公送咗份禮物比我,就是 『迪士尼』的年票啦﹗上年無續,因為前年買咗都只是入咗去 3-4次,雖然 3次都叫回本,不過唔乎合成本效益,今次係見小丸子就快 3歲,之後入場要比錢,襯佢未 3歲之前買返年票,多啲帶佢 2個入去玩下啦  (希望...真是得啦)﹗

入去行下 SHOP先﹗大頭妹好鍾意米奇手套﹗


嘩,第一次同 2個囡玩咁激的遊戲﹗佢地一啲都唔驚...仲話好玩﹗

小丸子玩得好開心,之後佢同我講,佢識揸車喎...

大頭妹就...唉...都係我唔好...我講野成日都好 discouraging...佢話佢唔識揸車...好驚喎...我真是要改善我的說話技巧﹗﹗﹗

玩咗 2個 game就排隊買 popcorn,坐低休息下﹗

小丸子又同雀仔玩,佢同雀仔講佢有 popcorn 食,叫佢地過去佢個邊...heheheh...真是好可愛...不過我唔比佢掉 popcorn 落地,大頭妹話我仲咩唔比妹妹餵雀仔...話雀仔無野食好慘...



今日公園唔多人,我地都算玩得多機動﹗

攞支搶 "漂漂" 我...我仲會買比你﹗﹗﹗

um...見你個樣咁誠懇就買啦﹗

hahahah...爸爸力得表現...其實係爸爸同時抱起佢 2個,再要自己dup低個頭先影到...

嘩...Frozen汽球呀﹗兩個囡一見到就好開心﹗


小丸子對男仔女仔比較執著,頭先有 Mickey...佢唔肯戴,依家有 Minnie,佢先要﹗不過好奇怪,佢地真是好少扭買野,成日話買比佢地,佢地反而話唔要...


差不多 6:00,望下食邊間餐廳,呢間 Royal Banquet Hall 好似都ok,唔太貴﹗

都係 around $100-130 一個餐﹗係樂園入面食,係咁上下啦﹗

食之前睇埋 3d 劇場,但小丸子驚...

hehehe...去醫肚啦﹗

阿旺的雜扒餐﹗

諗住氹下 2個囡,買芒果布丁比佢地食...點知佢地話唔好食...唔肯食...

我的牛扒餐...其實我覺得個雜扒餐抵啲,不過我又唔食雞扒...個西蘭花好好味﹗個汁都好味﹗

睇佢呢個樣...真是想打人...

連小丸子都係食一啖就唔食...好彩只係買咗一杯...其實我食過味道又無問題架喎...係硬咗少少。

chok旺

最後...買返啫哩比佢﹗

嘩...啫哩的魔力...完全唔同...

哈哈...我食返大頭妹杯芒果布丁...食食下先記得問下阿旺食唔食...比佢的時候...就係佢依家拎住的 "狀態",佢話我好有誠意﹗


食完飯再玩咗 2個 games﹗今日一共玩咗 5個 games呀﹗




玩到過咗夜間巡遊...一邊抱住大頭妹一邊跑...

睇到最後少少...嗚嗚嗚...


之後睇 "亮燈"。



落雪效果

睇埋煙花先走﹗




2014年12月29日 星期一

大頭妹第一堂芭蕾舞 (WeShare.hk x Ballet Art 芭蕾舞課程)


之前一直想比大頭妹學芭蕾舞,我覺得女孩小應該要學彈琴同跳舞,所以我細細個就比大頭妹去上音樂班,先學學理﹑拍子﹑唱下歌,對之後學學器同跳芭蕾舞都有幫助﹗上 K2 之後一直都想 rearrange 大頭妹的課外活動,依家星期二上音樂﹑星期五上畫畫﹑星期六上 PHONICS,之前11月尾收到幼稚園芭蕾舞班課程,原本想報,但又是星期二下午 (星期二間中仲有小蜜蜂),諗來諗去...最後決定將音樂班轉去星期四,但要 1月先可以轉,芭蕾舞又 12月開始...終於都照交 FORM...點知老師話 FULL咗...真是有少少失望﹗

就係我失望之際,忽然小豬媽問我有冇興趣一齊試堂,是 WeShare.hk x Ballet Art 芭蕾舞課程,當然有興趣啦﹗可以比大頭妹試清楚自己係唔係真是鍾意跳芭蕾舞,先再決定比唔比佢學。不竟錢同時間都有限,但又有太多興趣班想上,隨住小丸子都讀 PN,又已經 2歲半,真是要好好分配 "資源",希望盡量做到公平。

講咗大半日都未入正題,講返個日試堂先,我地總共試咗 2日﹗

第一次上芭蕾舞,大頭妹好開心,一著起芭蕾舞衣就話叫比爸爸睇﹗換好衫梳好結之後就入班房啦﹗老師叫我地係出面等一陣先入去,等佢地 warm up先,唔係掛住望媽咪,就唔專心架啦﹗(睇下大頭妹個樣幾開心?﹗)

另一邊的小丸子就好唔開心﹗家姐有得上,佢無得上,佢一直都話想學芭蕾舞架﹗最搞笑是大頭妹同佢講 "你無頭髮你無得上芭蕾舞架﹗",哈哈哈...因為我之前成日都 check住大頭妹的頭髮長度,同佢講等佢紮到結就帶佢去學芭蕾舞,佢都是最近先夠長紮馬尾﹗一見到大頭妹換好衫的樣,我就諗...女孩子果然是應該學跳舞﹗

入到去班房已經見到大頭妹好專心上堂,佢比我預期中更加鍾意上芭蕾舞﹗之前一直叫我比佢上,又成日係屋企同妹妹用腳尖行路比我睇﹗

一開始老師會做少少伸展動作熱身熱身﹗

聽老師講佢地會用少少 "口訣" 令小朋友更容易記得老師教的動作﹗


呢個好似係 "青蛙嘩嘩叫" ﹗



呢個係 "米奇﹑米妮﹑唐老鴨﹑高飛,踩單車去迪士尼",之後大頭妹返屋企都有跳比爸爸睇﹗



走的時候不停問我可唔可以帶套衫返屋企,話好想著比爸爸睇,好彩老師比我地帶套衫返屋企﹗返到屋企等到爸爸放工,即刻著套芭蕾舞衣比爸爸睇,仲話要表演比我地睇,我都真第一次見佢上完興趣班,返到屋企講得返學咗咩﹗

我仲幫大頭妹拍咗片﹗


講完個課堂,又講下學校本身的硬件﹗

崔藹璇芭蕾舞學校有 4個校舍 (藍田 ﹑火炭﹑九龍灣﹑將軍澳),我地今次去的是今年 5月開幕的將軍澳校舍 (所以裝修好新),學校雖然唔係係大商場,所以學費相對亦比較相宜,係將軍澳坑口明德商場 1樓 6號鋪,坑口地鐵站行過去大約是 10分鐘以內 (計埋帶住 2個小朋友),所以都 ok 的﹗最重要是...我地媽咪著緊的學費,12月31日前報名,將軍澳新校舍有個優惠,大約只是 $100堂 (以大頭妹小丸子的年紀計,唔同級數學費都有唔同),比小朋友學,我覺得好化算,所以我已經幫咗大頭妹同小丸子報名﹗hahahah...所以唔洗羨慕我地成日有啲免費試堂/ 試用﹗

有 5間更衣室

由於學生大部分都是女孩子,男仕止步呢﹗

更衣室內有洗手間,另外課室都有另一邊門入的,方便有時小朋友上堂忽然想去洗手間,就唔洗下下行出商場唔方便啦﹗

等大頭妹的時候四圍睇下﹗
學校都參加幾多商場表演,每年學校自己亦有一次大型表演比學員參加的﹗


原來上次樂富 DISNEY CHANNEL 的表演,就是來自崔藹璇芭蕾舞學校﹗

hehehe...新鮮熱辣﹗剛剛的星期日,小丸子的第一堂芭蕾舞﹗不過今次唔係試堂,我無得入去睇啦﹗唔知佢跳成點呢?﹗


落堂有禮物...因為是聖誕節...真是好彩,返第一堂就有禮物﹗


崔藹璇芭蕾舞學校: http://www.balletart.com.hk
地點: 將軍澳坑口明德商場 1樓 6號鋪


hehehe...大家 like 咗我個 page未呀?﹗未就快啲 like 啦﹗
Related Posts Plugin for WordPress, Blogger...