2016年7月29日 星期五

大頭妹升小預備系列【FX Creations Space Walker 系列書包】




眨下眼大頭妹 9月就升小學,仲好記得上年呢個時間,就開始煩升小一,要報私小,又要預備 9月份的自行收生,咁就一年啦﹗上小學當然有好多事要好好預備,當中一定唔少得一個好的護脊書包,多謝 【FX Creations】 送比大頭妹升小一的禮物: Space Walker 系列書包﹗

咁岩我之前參加咗 【FX Creations Space Walker 系列書包】的 focus group,當時是自己報名,【FX Creations】邀請會員參加,為新推出的書包比意見,所以我可以話有份睇住個書包出世,亦感受到 【FX Creations】對產品的用心,我地當時提出好多建議,最後都見到『成品』接納咗我地媽媽的建議作出改良﹗

係 focus group,聽職員介紹的時候已經覺得好特別,【FX Creations Space Walker 系列書包】 用上 『AGS專利減壓肩帶系統』,採用 I 型支架設計承托支撐,把 AGS 減壓肩帶系統設置於書包的正中,令背包保持筆挺之餘亦能夠把重量轉移至人體的核心受力點同時,結合伸縮性特強的專利 『Ultrabounce 回彈力鬆緊帶』,因應不同重量而作不同的延展,採用與反地心吸力的相似原理,借助人體行走時每一步的彈力產生回彈力承托負重,形成減重的感覺。原理就好似『擔挑』,揹上身一邊行,肩背帶橡筋位會一邊彈,卸咗部分的力,做到「隨行隨彈,彈走重壓」!減壓同時護脊!




大頭妹揹上身都見到書包係好貼背,因為『Tri-breathe 背墊承托系統』由肩帶及脊椎兩側氣墊組成,加厚的脊椎兩側氣墊能緊貼背部,緩減重量對身體造成衝擊,保持脊椎筆挺,改善姿勢造成的側彎問題。另外,高度透氣的網紋物料製,百分百透氣、舒爽, 更防水、防汗、防污耐磨,即使每日使用亦不會容易耗損。

睇落好似好大個,其實我覺得是 standard size,不過大頭妹太細粒,望落就好大,所以我其實都真是好擔心,唔知佢上小一揹書包會唔會好辛苦,好彩校巴上落的位置都好近﹗

我放了大頭妹 1/3的書入去,大頭妹話都應付到,唔會太辛苦。

其實我呢個緊張媽咪,一早係大頭妹 N班的時候就已經買咗個 『日本書包』比大頭妹 (我都真是夠誇張﹗),可惜之後好多媽咪同我講,香港根本就用唔到日本書包,因為香港的教科書大過日本的教科書好多,而且好多『功能』上唔配合,唔適合香港的小學生用﹗

【FX Creations Space Walker 系列書包】完全針對香港小學生而設計﹗

書包分成 3大格﹗
最大放書個格,入面都仲有 3格,可以好整齊咁放好手冊﹑通告﹑功課﹑課本﹗


最大格的前面仲有一個『透明格』,可以放時間表,方便執書包用﹗另外,都有一條 『橡筋』,可以固定書本的位置,唔會浪下浪下,都有助減輕壓力。

中間第 2格可以放飯盒﹑餐具﹑外套之類,所以入面都有啲細細格,方便分類。

前面細個格可以放筆袋﹑文具。

旁邊有網袋可以放水樽/ 雨傘之類﹗呢個位我地 focus group 時就有提議過,應該用透氣的網袋,水樽漏水都唔怕﹗另外仲有拉鏈位都改良咗﹗


【FX Creations】
Website: http://www.fxcreations.com.hk
Facebook: http://www.facebook.com/hk.fxcreations/


大家 LIKE 咗我地個 FACEBOOK PAGE未呀?﹗未就快啲 LIKE 啦﹗

2016年7月28日 星期四

傻夫婦九州親子之旅 DAY 4 【晚餐: 大東園】



2016年 7月 13日 (星期三)

【大東園】是今次行程的重點晚餐之一,原本是安排在第 2晚,因為如果好食,可以再 ENCORE,但因為要去睇熊本熊,所以要改係第 4晚食,之前一日叫酒店的職員打去幫我地訂枱,去到又唔算 FULL (上網睇話要排隊)。另外,都想提下帶小朋友的家庭,日本唔係全部餐廳禁煙,所以訂枱時最好加多句 NON SMOKING,睇下有冇機會安排到,餐廳今次就安排了一張 "自成一角" 的位置比我地,都唔錯,又唔怕大頭小丸嘈到人﹗

"自成一角" 的位置﹗

原來想點『宴席料理』,但店員用非常有限的英文,加大量日文表示,宴席料理的份量好少,另外有 2-3人的拼盤,份量會大啲。最後乖乖聽話點了一個主要有牛,另有少少內臟的拼盤,打算睇完覺得邊樣好味就再點﹗最後我用日文同店員講要『水』,佢一聽到我講日文就好開心,不過我的日文,就只是夠我叫杯水﹗哈哈哈﹗佢開心得太早了﹗

一上枱真是心心眼,日本人就是有本事做到上枱個碟同 MENU SHOW 出嚟既是一樣﹗拼盤有: 牛肋骨﹑肉眼﹑牛舌﹑牛腸﹑牛肚﹗食完燒牛腸之後,阿旺愛上咗,原本我叫佢食『牛腸鍋』,佢話唔食,結果食完燒牛腸話聽日最後一晚去食牛腸鍋,佢話牛腸是『福岡男人的浪漫』﹗
 


牛舌好味,小丸子都有食。

食完個拼盤覺得肉眼好味,額外點了唔記得平定貴的一款,都是 1200-1800 YEN 之間。

食好少少,點了一塊和牛排,都是 2800 YEN,算是餐牌中『中價』,平的 1600 YEN 都有,貴的都是 3600 YEN。

和牛就是唔同啲﹗

2個小朋友食得好開心﹗

小丸子仲食到等唔切,話要生食牛肉﹗天呀﹗到底我是不是生了一個『野人』?﹗之前一晚已經生吞了一碗生雞蛋﹗(有片有真相)


牛牛的 MENU。
 

大東園後面就即櫛田神社,唔知係唔係因為第2日就是『博多祗園山笠祭』追山,所以夜晚 10:00幾神社都仲開門,不過因為我地唔參拜,所以都無謂夜嘛嘛 "運吉"。


呢個小朋友講大話唔眨眼,明明是酒店的,佢話係佢整嚟送比我架喎﹗

飯後甜品,重點是有個男人結婚 8年,都仲肯幫我切生果,仲切到一粒粒比我食﹗

以前去日本,每次食燒肉放題,都有個問號,如果我用同一個價錢,出去散叫,會唔會更加正呢?﹗今次終於有答案啦﹗係會既﹗而且食飽飽都仲平過放題﹗今餐食咗大約 1萬 yen 多少少,絕對物超所價﹗推介﹗

【焼肉・冷麵大東園】

 

https://www.facebook.com/hakata.daitoen/
http://tabelog.com/tw/fukuoka/A4001/A400101/40001664/


大家 LIKE 咗我地個 FACEBOOK PAGE 未呀?﹗未就快啲 LIKE啦﹗

2016年7月27日 星期三

中秋節【鋒味月曲奇】



開始收到月餅就代表中秋節就快到,謝謝 she.com 送我【鋒味月曲奇】﹗

我今次收到的是今年【鋒味曲奇】新推出的 『茶味月曲奇』,一開就滲出濃濃的茶味,原來外面是茶味曲奇,入面就是粒粒蛋黃蓮蓉,口感都是脆脆的。

鋒味月曲奇以革新﹑反傳統方式,將月餅同曲奇混合, 每盒 9件,售價 HK$268。


蛋黃味都幾香﹗




銷售點:
中環旗艦店:  中環結志街 39-49 號地下
太古城 pop up: 香港太古城道 18 號 太古城中心 1 樓 GH1 
 觀塘 apm pop up: 觀塘觀塘道 418號 UC-SP12

2016年7月26日 星期二

傻夫婦九州親子之旅 DAY 2 【晚餐: 華味鳥 】




2016年 7月 11日 (星期一)

華味鳥】是今次福岡之旅一早計畫要去的餐廳﹗因為我最喜歡有故事的餐廳,原來創辦人當年到過香港,分別學了西式和中式的煲雞湯方法,回到日本開店大受歡迎,哈哈,我一定要試下到底這款西中合壁的雞湯,在日本如何發揚光大﹗【華味鳥】係福岡都有好多間分店,今次我地去的天神分店,就是我地住的酒店附近,非常方便。

去完熊本返到博多,原本打算在博多吃完晚飯,再快行博多一個圈才回酒店,不過去到博多站的【華味鳥】,沒有預約已經沒有位,我話基於香港人『唔執書』的心態,我話反而一定要食到,店員又好好主動話幫我地打去附近的一間問下有冇位,我就叫佢直接幫我訂天神的分店,而且訂 8:30PM,等我返到天神可以自己 SHOPPING 一陣﹗店員仲好好話比唔到位我地,比咗張 2000 YEN 的 COUPON 我地﹗

我地覺得九州食野好似比東京平,我睇旅遊書時覺得【華味鳥】算是中價,其實最基本的雞煲只是 2900 YEN/ 位,但入到店內都幾高級,天神店是全部私人房間,而且全程是有服務員 SERVE﹗今次阿旺點了一個今期推介,會有啲前菜同甜品,都是 4XXX YEN,我就點了一個最基本的雞煲。用埋 2000 YEN COUPON,最後埋單都是 5XXX YEN﹗真是抵到無朋友﹗
 

其實前菜就普普通通,我覺得可以單點基本的雞煲,另外再加明太子﹑雞剌身,煮物類的前菜,可試可不試,不過賣相好精緻﹗

阿旺自上次去大阪【闘雞次郎】食過生雞之後,一直念念不忘,香港一定無得食嘛,今次終於可以再食,佢話好好味,我始終唔敢試﹗



呢款比較特別是明太子 "啫喱"﹗

阿旺最愛吃明太子,平時係香港都經常買來送飯,今次福岡之旅,當然日日食啦﹗


我...真係唔敢試﹗

先上清雞湯﹗

店員會先裝起一小杯比客人試下 "原汁原味"﹗

阿旺話依家係香港已經食唔到呢個 QUALITY的雞。

全程店員都會 SERVE,再講下點食 (先後次序)。

登登...真是超好味﹗我當時覺得係我係日本食過最好味的一餐之一,不過之後好快比另一間超越咗﹗

大頭妹都食咗好多雞肉丸﹗

小丸子就更加啦﹗即刻做個好味樣﹗佢真是食到好味先會做好味樣架﹗

最後仲有湯煮飯,完全是精神華的所在,我依家真是一邊寫,一邊吞口水﹗


阿旺的甜品﹗

華味鳥 http://www.hanamidori.net/


大家 LIKE 咗我地個 FACEBOOK PAGE未呀?﹗未就快啲 LIKE 啦﹗
Related Posts Plugin for WordPress, Blogger...