2012年2月29日 星期三

大頭妹睇YOU TUBE﹗

之前都有提及過,想幫大頭妹戒睇YOU TUBE﹗其實最初是因為之前上的PLAYGROUP,老師會播YOU TUBE的兒歌,所以我地又上YOU TUBE搵下老師播開的兒歌比大頭妹聽。

點 知,原來YOU TUBE上真的有很多很多兒歌,好快大頭妹就上了癮﹗而且久而久之,佢仲識自己上YOU TUBE,自己揀歌,佢睇的時候仲好專心, 佢可以自己一個睇1小時,中間可能有時LOAD得唔好會叫我幫一幫佢,其他時間我都唔洗理佢﹗出街食飯有得睇 YOU TUBE,又會乖乖地坐好﹗基於方便的心態,最初我地都由得佢睇﹗但如是這,佢一日可以花 2-3小時睇YOU TUBE聽ABC歌...我地又覺得好似不是太好﹗所以最近就要幫佢戒啦﹗

2012年2月27日 星期一

My Best Friend Wedding!

 
 

2012年2月24日 (星期五)

人到咗某一個年紀,原來真是會有認識了二三十年的朋友﹗細個的時候,成日聽長輩話 "這是我認識了20年的朋友",當時年紀小小的我仲諗..."嘩﹗由一出世識到依家?",哈哈哈﹗

今日我的最好朋友結婚啦﹗真是好開心﹗

我好乖...我今次飲茶咋﹗



翠園的食物質素不錯﹗



阿旺的,我沒有吃﹗








 
今次賣甩大頭妹,飲宴之後同阿旺拍拖去睇文化中心的燈飾﹗
 
馬騮仔阿旺﹗

龍b- 小丸子﹗

老虎女 - 大頭妹﹗


奇怪的YAHOO又吃掉我的相,UPLOAD的時候明明沒有問題,星期六都好地地,之後就不見了﹗唉﹗免費的...不要有太多埋怨啦﹗我接受...我接受...
 

2012年2月24日 星期五

第29週。。。有咁耐風流﹗

我上個星期六的血糖測試...肥咗﹗﹗﹗下星期二要再返瑪麗醫院見醫生,依家未知高幾多,要唔要食糖尿餐?﹗希望不用吧﹗﹗﹗

我個人好難戒口,所以我今次都算是 "有咁耐風流,就有咁耐xx" ﹗我陀小丸子,因為早期胃口唔好,就一直 "盡量" 想吃什麼就吃什麼﹗ (HEHEHE...都真的好盡下...一星期食一次麥當奴,仲要轉飲士多啤梨奶昔,成日飲檸檬茶﹑可樂,食朱古力﹗),基本上除了戒海鮮,其他都同平時沒有分別﹗

另 外,因為今次體重升得好理想,一直都無超標,反而令我鬆懈咗﹗﹗﹗上次陀大頭妹,好早期醫生已經叫我不要吃太多飯,甜的生果都不要吃 e.g. 提子/香蕉,平時多點做下運動,所以反而上次在超重的情況下,我的血糖測試都是合格的﹗﹗﹗我都記得上次都好似無食朱古力,之後有一次忍唔住,買咗好多返 屋企

今次証明...其實我平時的飲食習慣都可能不太健康 (都應該不是 "可能"),就算沒有懷孕,我都應該改善一下我的飲食習慣﹗OMG﹗我是糖造的,要少食甜﹑戒檸檬茶/可樂﹗﹗﹗真是慘無人道,不過為咗自己的健康﹑仲有阿旺同大頭妹的健康 (我食佢地又跟我食)﹗我都是要下定決心﹗﹗﹗

認識妊娠糖尿: http://www.ha.org.hk/pwh/special/o&gh1.html

2012年2月23日 星期四

又星期日的午餐 (附有圖餃子食譜)



又是星期日的午餐,不過今次是我自己煮﹗上次都講過,成日出街食都幾貴,尤其是太古區,4個人就算去FOOD COUNT食都要 $200 (現在的FOOD COURT一點都不便宜,尤其是大食代,仲要另外點餐飲,非常搵笨)﹗﹗﹗新年的時候跟阿旺的姑姐學包水餃,一直都未試過,今次要試一下啦

第 一次自己包水餃,買了豬絞肉﹗其實應該自己琢的,不過我覺得長遠我都唔會次次琢,不過先試一次豬絞肉,如果OK的,以後都可能會繼續整﹗結論是...阿旺 話不夠肉味?﹗不過這和豬絞肉有關嗎?﹗買另一個部位就會有豬味嗎?﹗真的不知道﹗係JUSCO買了日本的餃子皮,因為少去街市,都不知道有沒有現成的水 餃皮 (最後工人姐姐同我講有的﹗)。另外,仲炒了烏東 (都是第一次炒﹗今餐是白老鼠餐﹗)和烚菜心。仲有前一晚的雞湯﹗不過阿旺一直嚷著不夠吃呢?﹗

前一日先預備好餃子的料,食之前先包﹗


今次用大白菜,下次試下用黃芽白。


入盒。


JUSCO餃子皮 (皮好薄...不過我鍾意食厚皮)。



今次是我叫阿旺唔好影到我個樣的,因為一早起身,頭都未梳好﹗不過得無叫佢影到震晒囉﹗



包好啦﹗有24隻比5個人食,阿旺話我 "5餅2魚"﹗


食得﹗


都包得唔錯吖﹗(自己讚自己..HEHEHEHE)


另外再炒烏東 (我第一次炒烏東咋﹗)﹗炒了2包都唔夠食的﹗又比阿旺話我"5餅2魚﹗﹗
(佢一直什麼都話不夠...生了大食積麼?﹗)﹗


烚菜心。


結果是...我要包多10隻餃子,其實如果有菜的話,我應該要炒多一包烏東﹗阿旺繼續嘮嘮叨叨話我預備得太少﹗其實我以前PARTY預食物都幾乎可以次次清晒,不會浪費食物﹗但PARTY完了之後,阿旺總會話 "我覺得xxx唔夠食囉﹗",其實唔知係唔係佢自己唔夠飽呢?﹗

2012年2月22日 星期三

如何選擇幼稚園

今次的BLOG,我只是以一個 "怪獸家長" 的身份講下我自己怎樣選擇幼稚園,絕非專業,並無參考價值,敬請留意

最近同朋友出來食飯的話題都離不開小朋友,大家都有小朋友的,尤其是有差不多大的小朋友的,都一定會講下考幼稚園 (我發覺就算未有小朋友的,對這個話題都十分有興趣)。

自己第一次做父母,本身又不是從事教育工作,其實最初要幫大頭妹揀幼稚園都幾頭痛,哈哈哈,大頭妹幾個月大的時候,我已經叫阿旺去圖書館借幼稚園的參考書,其實教育處都有類似的網頁: http://www.chsc.hk/kindergarten。 我會留意幾方面 : 1. 幼稚園的歷史,個人認為通常歷史越長越好啦﹗幼稚園以前一直都是自負盈虧,差的都好難生存嘛﹗2. 師資,例如大學學位/ 外籍老師人數。3. 老師的年資,老師都做唔長的,幼稚園都不會太好吧﹗4. 地方的大小,家長都想自己的子女有多些地方走動啦﹗最後的結論是名校於以上幾方面的確是比較優勝﹗

另外就是應該揀非學卷/學卷幼稚園啦﹗ 其實朋友唔講我都唔知,原來非學卷/ 學卷幼稚園的分別,除了 $16000是政府/ 家長支付,學卷幼稚園因受政府規範,需要以母語為主要教學語言。怪不得我帶大頭妹去考非學卷幼稚園,老師是用英文的,而有學卷的幼稚園是用中文的﹗所以如 果你是著重小朋友的英文語文能力,可能學卷的就不太合適了。以我自己為例,我小時候就是讀九龍塘的幼稚園,英文老師是外籍人仕,已經有英文口語考試,我仲 記得其中的2條問題是: 1. WHERE DO YOU LIVE?2. HOW MANY BROTHER AND SISTER DO YOU HAVE?之後我返荃灣升小學,一直覺得英文好淺,去到小學3年級的時候,發現英文書竟然和我幼稚園高班的一樣 (等我一直以為自己好醒﹗)﹗

有從事教育工作的朋友同我講,現在選擇幼稚園真的要好小心,她有朋友教幼稚園的,一班 30人,得7個小朋友的父母都是香港人,其餘的不是"單非"就是"雙非"﹗ 超過一半是綜援家庭﹗其實無意去 "標籤" 單非/ 雙非/ 綜援家庭,我知道不是每一個單非/ 雙非/ 綜援家庭都有問題,不過他們會遇到的問題,應該會比普通家庭多﹗雙非的小朋友可能要同父母分開住,交由親戚照顧,他們的親戚又會否當他們是自己的親子女看 代教育?﹗綜援家庭的父母可能會比較為錢而煩惱,生活環境可能比較差,小朋友可能想人多些關心,而做出 "引人注意" 的行為。 我自己就有一個經驗,幾年前,我去中醫館飲藥露出一個 "好苦" 的表情,旁邊一個 3-4歲的小朋友即時衝口而出話 "抵死﹗" ,我即時嚇了一跳,之後幾日我都試下逗他玩,到我最後一日返去覆診的時候,他拉住我的手叫我唔好走﹗其實他的父母就是店主 (不是綜援,是"單非"),爸爸已經是一個70幾歲的伯伯,媽媽是一個中年有鄉音的女人﹗可能平時父母都太忙,根本就沒有時間陪他,我仲發現...就是他 的媽媽經常罵他 "抵死" ﹗小朋友的行為,的確很受家長的影響﹗

2月份應該已經是考幼稚園的尾聲,已經有學校OFFER的固然放下心頭大石,未有學校收的都唯有繼續等消息,聽聞有好多家長都會幫子女考好幾間幼稚園,有些考到幾間的,更加間間都交留位費,所以未有OFFER的,其實都不用失望,希望大家都會等到好消息


好耐無POST大頭妹的VIDEO﹗其實我每晚臨瞓之前都會同大頭妹玩大約一個至個半鐘﹗比大家睇下我地玩咩﹗

今次等大頭妹示範iphone有幾user friendly﹗佢已經識得自己開YOU TUBE睇,記得某幾個APPS的位置,例如: CLOCK﹑TALKING TOM﹑SING SING TOGETHER﹑日文APPS...



其實最近想幫佢戒睇YOU TUBE,佢睇得太多啦﹗佢可以自己一個睇一個鐘,所以攞返啲書出嚟陪佢睇,佢依家都識幾多生字架啦﹗

Related Posts Plugin for WordPress, Blogger...