2012年5月31日 星期四

SOGO THANKFUL WEEK

病 足一星期有多,好多BLOG要追,都唔知由邊度追起﹗小丸子一個月返健康院打針啦﹗黃疸終於合格啦﹗SOGO THANKFUL WEEK的敗家誌啦﹗全部都未講﹗講啲易講的先﹗EHEHE...每年的5月尾都是SOGO THANKFUL WEEK,都是我入化妝品同護膚品的時候﹗今次都是勞煩我的 "香港代購" (我阿妹)幫我買﹗真是唔該晒﹗

每次都必買的 SHU UEMURA洗面油﹗老實講...不是特別優惠,亦不是真的限量。不過是正價再送TESTER﹗但一向有用開,有野送當然好過冇野送啦﹗而且唔洗排隊...好化算﹗必買的仲有SOFINA,其實次次排隊排最耐的就是SOFINA﹗我阿妹話佢次次都要排成個鐘﹗ESTEE LAUDER次次都第一日就賣晒,排都唔洗排,今次都冇我份﹗


$600/SET


我影相佢又要我影佢...自戀狂?﹗

呢啲就是送的TESTER,都大大支架﹗比晒妹妹同媽咪﹗
P5262700

呢SET是 "是日限定" ,所以特別抵﹗
終於都出返UV MILK,先一排冇咗﹗我用UV CREAM用得好唔慣﹗
我由F.1已經開始用佢地的UV MILK架啦﹗

之前陀B停用了,依家買返岩岩好﹗

好似是買夠$1380/ $1680的EXTRA GIFT,SOFINA是買SET都再送GIFT,好大方的﹗

最後都是忍唔住買咗 LUNASOL的眼影SET﹗EARTH TONE...又是EARTH TONE...我成個化妝箱都是﹗

大大個盒...

得4樣野...呀...我拎走咗個化妝袋...

2012年5月28日 星期一

BOSSINI HAPPY BUDDIES TEE

又好耐無出BLOG,因為我病足一星期,成個星期都未退過燒,暈啦﹗我懷疑我是感冒加乳線塞,兩樣加埋,所以一直唔退燒﹗今日都仲有燒﹗出住一個多圖少字的BLOG先﹗

上次BOSSINI除了送我地一家FAMILY TEE之外,另外仲送了一件HAPPY BUDDIES TEE比大頭妹﹗收到的時候好驚喜,BOSSINI出了 "珠片" TEE,夠晒 "浮誇",岩晒我﹗

打完之後比YAHOO食咗個BLOG...有時間再加字...

爸爸襯的 "板仔" LOOK﹗


成日都古靈精怪﹗

可可愛愛咪幾好﹗
百厭大頭﹗

媽媽襯LEGGINGS當裙仔著﹗
斯文得嚟又少少型﹗

2012年5月24日 星期四



今個星期本身已經忙到不得了,星期一要同小丸子去醫院CHECK黃,星期四要帶小丸子去健康乙院打針,我自己之後仲要上瑪麗抽血,預備下星期二做產後檢查﹗星期五又要再帶小丸子返醫院CHECK黃,點知我仲病鬼咗

我個人一年都唔病一次,打得底我的細菌一定是惡菌,我星期一開始病,起初都是微燒 37.X度,我以為又是乳腺塞咗啦﹗今次小丸子已經塞過2次,一次左一次右,今次右邊都好似有粒石仔,上兩次都是我的陪月員(阿旺)幫我搞掂﹗佢仲要好自豪咁話自己苦練多年的 "XX龍爪手" 終於有用武之地﹗其實真係要好狠先通得返,自己永遠出手唔夠狠﹗之後燒到40度,又發冷,又全身痛,我就知應該係感冒啦﹗比我拖到星期三,阿旺放工先去睇﹗我自己行唔郁呀

為 免我傳染大頭妹,仲帶咗大頭妹去奶奶屋企小住一日,今次是第3次同大頭妹分開呢﹗成晚都好似聽到大頭妹把聲...我一定是太掛住佢啦﹗第2朝問奶奶,佢 "完全" 無搵過我地囉﹗﹗﹗都唔知應該讚佢"叻女"好,定話佢"衰女包"好﹗HEHEHE...不過可能佢似我,我細個出名叫 "四海為家" ,成日去唔同的親戚屋企瞓,但夜晚又唔會喊住返屋企﹗

經過今次...我深深明白...全職媽咪真是無得病﹗今次病一病,夜晚餵夜奶的時候 簡直想死﹗仲要如果大頭妹係屋企佢一定要跟住我﹗依家佢又有 "新招",就是妹妹一喊,佢就跑去我度,叫我抱佢﹗依家的細路真是好醒...仲以為大頭妹咁細,應該唔識呷醋...原來錯晒﹗﹗﹗

囡呀囡...媽咪好掛住你﹗
頂帽是PLAYGROUP的勞作﹗
HEHEHE...一返到屋企就叫我地睇﹗係咁話HAT﹗

2012年5月22日 星期二

BOSSINI FAMILY TEE



HEHEHE...我一向都好鍾意 "家庭裝"﹗
不過香港好少見,
除非自己設計,然後自己出去印,
所以我通常都會上網係外國買,但價錢都會幾貴﹗

最近BOSSINI都出了FAMILY TEE,
PR問我有冇興趣試著,
我當然一口就應承啦

HEHEHE...著住FAMILY TEE影返幅全家福先﹗唉吔...少咗小丸子﹗
如果有埋BB SIZE就好啦﹗

由於件T-SHIRT太大件,我幫大頭妹襯返條LEGGINGS當裙仔著﹗


我終於都坐完月啦﹗可以出街啦﹗
HEHEH...不過其實現代人坐月...點會無出過街吖?﹗
只是同小丸子去醫院CHECK黃,都已經唔知去了多少次啦﹗
今次帶埋大頭妹同小丸子落樓下飲茶﹗

2012年5月19日 星期六

近況



第一次用iPad 寫blog ,
因為最近都好少時間可以坐係電腦前,
同一時間要照顧一個兩歳又未懂事的大頭妹,
同初生的小丸子都幾吃力。

最難的地方是要照顧到小丸子,
又唔好令大頭妹覺得我冷落佢⋯
最初大頭妺都好唔習慣,
成日會叫我放低妹妹係床仔。
後來直頭放棄我啦!改要工人姐姐!

其實我地都好努力,
依家都是阿旺同大頭妹瞓,
我就同小丸子瞓,又有時同晒兩個囡瞓!
都試過4個一齊瞓!

日頭我都已經唔瞓,
盡量陪大頭妹玩,
希望佢快點適應有妹妹的生活啦!

工人姐姐六月頭就走,
新工人要六月中至尾先到…
都好!
比我自己試下自湊兩個,
再做埋家務,
咁安排新工人姐姐工作的時候都有個概念。

依家去街要自己揀鞋,女仔真是貪靚啲﹗


2歲生日,問佢幾多歲,做個2的手勢。

仲識答TWO﹗

著咗對公主鞋就跳舞﹗


百厭妹﹗

2012年5月16日 星期三

母親節晚餐@FEAST (EAST HOTEL)

20120513 (70)

雖 然大頭妹只是2歲,不過今年的母親節已經是我第3個的母親節啦﹗今年仲有小丸子同我一齊慶祝,真是好開心﹗不過亦都好辛苦﹗原來三年抱兩,不是想像中 "過癮"﹗自小丸子返屋企之後,大頭妹就變得好頑皮﹗仲要是在我面前才會,不知道的人可能以為我思覺失調﹗﹗﹗唉...有機會再講下﹗不過幾日無出 BLOG...大家都估到我有幾忙...

今年母親節,到屋企附近EAST HOTEL的FOOD BY FEAST食BUFFET (因為媽媽鍾意食BUFFET),其實是SEMI-BUFFET,只是頭盤同甜品是自助型式,主菜是4款選1款的﹗不過對於我地食得不多的,反而幾好,有 個正正經經的主菜食﹗美中不足是沒有湯,其實要預備一個中/ 一個西湯都不是太難嘛﹗其次是雪糕其細﹗﹗﹗好似有一點 "小家"﹗﹗﹗

頭盤: 主要都是生蠔﹑COLD CUT同SALAD﹗生蠔的質素不錯 (阿旺跟媽媽都說不錯...我和妹妹都不吃蠔的﹗)

我不吃生蠔,好在都有PARMA HAM & MELON同煙三文魚﹗
個ROASTED RED PEPPER好好味﹗南瓜就差少少﹗

阿旺吃埋我的一份,好似吃了20隻?﹗



聽到有人話個蛋批好味﹗我又試下,都真是幾好味﹗

我無食甜品,其實是因為不夠時間,母親節限食2小時...我地又遲了少少...

妹妹是甜品怪,未上主菜已經去拎甜品啦﹗
妹妹話甜品的質素不錯﹗其中以下面的一件最好味﹗

主菜: 我﹑妹妹﹑媽媽都點了牛﹗
牛扒好大塊,都幾好味﹗不過媽媽的一塊太咸﹗

阿旺竟然點了鴨﹗他說味道不錯﹗不是好好﹑又不是差﹗

想讚讚這兒的服務質素﹗
用餐的時間,服務員逐一去問食客覺得食物質素如何﹗
當媽媽反映了她的牛太咸,服務員主動為她換了一碟魚﹗
媽媽話碟魚好好味喎﹗


每位媽媽都有花收﹗
阿旺話這個安排好好﹗﹗﹗
HEHEHE...因為佢今年都沒有買花給我呢﹗

最後的餐飲,我和妹妹都點了熱檸檬茶﹗
大大壺水...只有一個淡淡的茶包...奇怪奇怪﹗
20120513 (52)

HEHEH...有2個 "義工" 幫手湊B﹗
我同阿旺先有一餐安樂茶飯食﹗

阿旺點了咖啡,佢話都好香濃﹗

最後當然唔少得全家福啦﹗

仲有大合照﹗

整 體來講,食物質素同環境都不錯,服務非常好﹗我地應該會再去的﹗好似我留了第一輪的WAIT LIST,服務員都有聯絡我 (我每次打電話去都有回覆﹗),我忘了REQUST BABY CHAIR,佢地話如果有人走,會安排比我,都有做到 (點知大頭妹要扮大人...唔肯坐...又要再換返張櫈)﹗另外價錢都算合理,平時星期一至四是$330,星期五至日是$350 (唔記得邊張CREDIT CARD有85折),不過母親節當日就$388,同埋無信用卡的DISCOUNT﹗但就有花同SHU UEMURA的禮品包﹗阿旺話當多了的錢是酒店代為安排母親節禮品,都非常合理﹗

http://www.openrice.com/restaurant/sr2.htm?shopid=42063
Related Posts Plugin for WordPress, Blogger...