2015年5月28日 星期四

阿旺廚房@20150524



2015年5月24日 (星期日)

唔知點解,最近星期日,阿旺都爭住入廚,連續 2個星期都自薦入廚,今個星期其實我有份幫手,上星期先真是堅,煮埋啲我平時都唔會煮,佢話係街市阿姐見佢靚仔教佢煮架喎﹗

煎倉魚,上星期好成功,今個星期再煎,因為大頭妹好鍾意食﹗大頭妹無咩野好鍾意食,難得大頭妹鍾意,阿旺就當然 ENCORE啦﹗﹗﹗(其實大頭妹係鍾意食沙律醬咋﹗)

大蜆蒸水蛋,唔知點解自從唔係灣仔,就蒸唔返靚靚鏡面水蛋,我估係太大火,要再研究下先得﹗

清酒煮蜆,買咗 1斤半蜆,一半就咁清酒煮,一半蒸蛋﹗真係好甜好好味﹗

炒白菜芯﹗

今次買的就係呢啲蜆,老闆話叫 "蝴蝶蜆",個殼比較厚身 (即是重囉),所以平時買開一斤,今次要買斤半,不過又真係好甜好好味嘅﹗

大家 like咗我地個 facebook page未呀?未就快啲 like啦﹗


2015年5月27日 星期三

玩具“反”斗城戶外玩具試用


等咗成個星期,終於係假期的最後一日先無落雨,可以試下新車啦﹗﹗﹗不過...其實係屋企都成日玩架啦,所以我係屋企行都要好小心啲腳指,經常有 "交通意外"﹗今次試用的有 Avigo LED 發光滑板車,同埋 Avigo LED 發光滑板﹗滑板我無帶落公園,因為大頭妹同小丸子的程度,未可以玩滑板住﹗

其實屋企本身都已經有一部 scooter,都是係 Toys“R”Us買,是大頭妹 4歲的生日禮物﹗不過之後比小丸子搶咗,我就打算買部可以"較" 把手高度的﹗咁大個啲都可以繼續玩﹗哈哈﹗之後時間較得岩岩好,係大頭妹 5歲生日前,就收到Toys“R”Us送來有得較把手高度的 scooter啦﹗

依家一人一部唔洗爭啦﹗

Avigo LED 發光滑板車係 2輪款 scooter,比較考平衡力,適合大個 d 的小朋友玩﹗今次測驗之後,發現大頭妹其實都未 handle 到,不過都叫做 ok,可以慢慢再練習一下﹗

不過大頭妹一向係小心形...踩 scooter的速度仲慢過行...

大頭妹有幾慢?真是有片有真相﹗


滑板帶唔到落公園玩,不過小丸子有一個新玩法﹗佢話佢 swimming﹗

佢 "游" 得好快架﹗﹗﹗

玩具“反”斗城由即日至7 月6 日舉辦「戶外玩具熱選」推廣,有好多精彩優惠:
  • 一系列超值熱選(Red Hot Deals)產品以供選購
  • 多款滑板車以優惠價發售,購買任何單車送價值$149.90 頭盔一個(送完即止)
  • 戶外玩具用品種類繁多,包括波波池、小屋及玩樂組合、三輪車、電動車、滑板、溜冰鞋、帳篷及彈床
  • 水上運動產品一應俱全,包括沙灘及嬉水玩具、習泳用品、水槍系列
  • 球類運動產品包羅萬有,全線STATS 產品僅於玩具“反”斗城推出85 折優惠
  • 精選嬰幼兒產品亦有優惠,購買任何Vtech 產品滿$250 送$50 Vtech 現金劵
  • 多款產品特設會員價讓星卡會員專享
  • 玩具“反”斗城推出全新網上購物網頁,有更多產品選擇及優惠,惠顧$2,500 即可享用免費送貨服務
想知更多優惠詳情,可以去 Toys“R”Us 的網站睇睇呀﹗



2015年5月26日 星期二

一拖二挑戰海洋公園


2015年 5月 16日 (星期六)

今日約咗國皇一家去海洋公園,點知咁岩阿旺又要返工,得返我一拖二,不過因為大家時間好難夾,所以都唔等阿旺了﹗多啲小朋友,玩得開心啲嘛﹗大頭妹同小丸子都好鍾意 Mancent,依家仲開始爭男仔,真是 "無眼睇"﹗

大頭妹星期六一早去返 PHONICS,11:00放學,我帶埋小丸子去北角接佢,就坐巴士去海洋公園啦﹗去到海洋公會,國皇一家已經係兒童王國玩梗啦﹗

今次第一站去睇海獅,之後就去睇樹熊啦﹗不過真個隻瞓咗,同工作人員隻毛公仔樹熊玩咗一陣﹗

之後就去食 LUNCH啦﹗我地一家成日都唔食正餐,所以同會食正餐的朋友出街真是好,2個囡起碼有正餐食,如果得我帶佢地 2個,我會去食薯條﹗海洋公園有樣野好過迪士尼,就是餐廳好易搵位,唔知係唔係因為佢近香港仔/ 銅鑼灣,餐廳真係唔多人﹗

一個冬瓜粒湯飯,加一杯細 HAGGEN DAZS, $128,樂園價錢,差不多啦 (我會金卡就有 85折)﹗都幾好味﹗而且份量幾大,我地 3個 SHARE 都食唔晒,大頭妹食咗 1碗仔,小丸子食咗碗半,我就包底,但仲有淨﹗

另外叫咗叉燒包 $38比大頭妹,佢自己食咗 2個,都OK啦...另一個...無人食...

食完再食雪糕﹗小丸子食咗 MANDY姨姨個杯,之後食咗幾啖就比咗我,大頭妹又係...食咗一半...又比咗我,最近 2個囡都係咁,去 MC DONALD係咁,去阿波羅係咁,我就快變肥婆了﹗


之後去睇【天上王者】﹗我地第一次睇咋﹗原來幾好睇,講有個人去森林斬樹,破壞大自然,令到雀仔無地方住,睇到大頭妹眼濕濕,話點解佢要咁做﹗小朋友真係好可愛﹗

原來之後仲有得同鸚鵡影相,小丸子好驚,但仲依起牙笑﹗

好搞笑...之後開始 "縮",我見發現佢驚﹗問佢影唔影,又話影﹗

大頭妹話有咩好驚呀﹗雀仔之嘛﹗


見家姐影,佢又話影啦﹗


阿囡呀...人地影全家幅...你又行埋去做咩呢?﹗HEHHEHE...一日未入門...都唔可以咁心急架喎﹗

之後去兒童王國玩,玩咗一陣就開始落雨了,最後 3:00幾就走﹗點知的士好多人,排咗一陣都係坐巴士,再轉 720...要 6:30先返到太古...真係身個人散晒﹗

大家 like咗我地個 facebook page未呀?未就快啲 like啦﹗



2015年5月25日 星期一

大頭妹生曰晚飯

 2015年 5月8日 (星期五)

大頭妹生日正日,阿旺好似唔記得咗,約咗朋友 "拍野",佢朋友被邀請做電視台訪問,叫埋阿旺一齊拍,約上老爺家拍,所以本來順便返去同老爺奶奶食飯慶祝大頭妹生日,加提早慶祝母親節,點知老爺臨時有事返咗大陸,大廚走咗,我地就出街食,又好好彩老爺趕得切回來晚飯,忽然又齊人啦﹗真是開心﹗

最近淘大開咗好多新餐廳,今次我地去 "客家好棧",母親節有啲套餐加咗少少價,不過唔想諗,都是叫套餐啦﹗呢個 6人套餐好似都是 $8xx,仲唔洗加一同茶錢,仲有啤酒 x1,同汽水 x3﹗










燒鵝係另點的,好似around $200半隻,好好味﹗

東海堂的生日蛋糕係大頭妹自己揀的,本身返學開 party個個都係買呢個,不過母親節時,東海堂唔提供 "寫字" 服務,阿旺其實已經訂咗,不過我要佢去退返錢﹗hahhah...做我老公真係唔容易,少啲 EQ 都唔得。

大頭妹生日快樂﹗祝你健健康康﹑開開心心﹑聽教聽話,學業進步,小一入到第一志願...HAHHA...呢個是媽媽的願望﹗


講真...呢個蛋糕好味過美心個個好多,不過唔寫得字的生日蛋糕...真係唔係生日蛋糕...最少係我的角度係咁﹗

大家 like咗我地個 facebook page未呀?未就快啲 like啦﹗



2015年5月22日 星期五

大頭妹第一堂鋼琴班

 2015年 5月12 日 (星期二)

其實由大頭妹 N班的時候,阿旺就已經提我,小朋友學 2個興趣班就好了﹗

之後我 "盡量" 都有配合,但大下大下,報下報下,依家大頭妹一星期上 5個興趣班 (偷笑),葉氏兒童音樂班﹑JOLLY KINGDOM﹑小童群益會畫畫﹑芭蕾舞,最新有鋼琴。哈哈,都未上足 7日,其實本來鋼琴是等 6月上完葉氏之後報,不過心急媽,最後都是等不到,大頭妹一到 5歲就報名了﹗

其實之後都會回復返 3-4樣,但 K3應該真是要加公文數了,最近個小一講座,另外又同幾個小一的媽咪傾開,小一數學考試 35分鐘要做 60條數 (TOTAL 8 PAGES),唔係個別名校,係間間都係咁﹗﹗﹗

HEHEH...又講咗唔知去邊﹗講返大頭妹學琴﹗

報名之前帶大頭妹參觀過附近 3間琴行,第 1間去 "青苗",學費最平,初級只是 $140/ 30分鐘,我地未有琴,所以要租琴室,青苗都好平,佢有一個學生 PACKAGE,只是 $100/月,逢星期一至星期四 4:00前可以用。不過地方好似舊舊地,而且門面細,如果工人姐姐帶埋小丸子去,等大頭妹上堂時有困難,坐的地方都無,但初級只上 30分鐘,到時返屋企又唔係,等又唔係﹗

之後去 "柏斯",比青苗行少一條馬路,門面又大,有好多鋼琴 DISPLAY,大頭妹小丸子都好鍾意,之後睇埋課室都OK,學費就是 3間之中最貴的,$150/ 30分鐘,租琴房都是有學生 PACKAGE,不過就是 $250/ 5小時,每次最少用半小時,即是 $25/ 30分鐘,另外佢有個特別地方是佢可以比家長一齊入去睇小朋友上堂 (另加 $30/堂),呢點我好 BUY,因為可以知道小朋友的進度,練習時可以跟得好少少,我細個都學到 2-3級之間,依家簡單嘅都跟得到﹗

最後一間是正正屋企樓下的一間,好處當然是方便啦﹗不過其實睇完柏斯,大頭妹都揀好咗,所以就無再去睇啦﹗

之前讀葉氏,其實都是想大頭妹打好基礎,之後學琴。不過媽媽我又懶,大頭妹睇 5線譜麻麻地 (因為葉氏有考試,所以好清楚進度,上次 5線譜個 PART 好低分﹗),我之前有試過同佢溫,不過我又唔係太識教,大人自己數 5線譜就好易,唔明點解小朋友數來數去都唔識,我唔想為佢的興趣班勞氣,亦都怕影響大頭妹的學習興趣,見佢合格升到班就算 (不過剛剛 UPPER 3個期真是考得好差...)﹗

結果,到今日上第一堂就出事啦 (依家先講到正題...我真是太長氣...)﹗老師有問下小朋友學音樂的 BACKGROUND,知道大頭妹未學過琴,不過上過葉氏,有學過拍子﹑5線譜。我有同老師講,大頭妹 5線譜比較弱,所以老師話佢第一堂就先教 C - G,即是右手 5隻手指的手指位先。結果發現大頭妹真是完全唔識睇 5線譜,其實我估佢唔係唔識睇,佢係無信心,例如老師問好簡單的問題,F 之後是什麼?﹗F之後當然是 G啦﹗大頭妹都唔答﹗

老師問問下大頭妹越答越細聲,終於我忍唔全企起身問 "吓﹗點解你唔識呀?"。大頭妹就開始好似想喊想喊咁﹗老師就轉移先講 "拍子"。拍子又真係無問題,1﹑2﹑3﹑4拍都拍到認到﹗之後再跳返去教 5線譜,同學手指位。最後老師出埋功課比大頭妹做就落堂啦﹗

事後我都有同老師講,唔知係我比太大壓力佢,定佢比太大壓力自己,佢一做唔識就會喊,平時做功課都係咁。之後返到屋企即刻溫 5線譜啦﹗睇過老師點教,我就照返老師的方法,結果唔洗 5分鐘就學識 C- G啦﹗但大頭妹已經話唔想學琴﹗﹗﹗其實我都估到﹗﹗﹗之後我同阿旺不停同佢傾,原來佢想老師教慢少少﹗應承咗佢會同老師講,佢就繼續開開心心練琴啦﹗

第 2堂之前的第一次正式練習 (HEHEH...平時係屋企只是用一個 $199 的電子琴練琴),已經可以自己彈到 MARY HAD A LITTLE LAMB (第一堂教的),佢話要彈比 "王姐姐" (其實是王老師) 聽﹗我部電話壞壞地,錄唔到,下次要錄返先得﹗

大家 like咗我地個 facebook page未呀?未就快啲 like啦﹗

2015年5月20日 星期三

小朋友洗手好幫手: 滴露泡沫殺菌潔手液【泡泡動物園】套裝


早前收到 PR姐姐送來新出的滴露泡沫殺菌潔手液【泡泡動物園套裝】,入面有新出的露泡沫殺菌潔手液 - 蜜糖味,同 5隻動物造型的玻璃貼,好 KAWAI 呢﹗原來是用來貼係鏡架/ 浴室的牆身,提醒小朋友去完洗手間要洗手﹗

其實自小培養小朋友洗手習慣真是好重要,佢地2歲人仔就要自己返幼稚園,老師以一敵十,有時真是好難樣樣根到足,尤其是大頭妹之前又有食手指的習慣,小丸子又鍾意周圍摸,真是睇少眼都唔得!

大頭妹指定要用滴露,因為佢幼稚園都是用滴露,佢話老師話用滴露先亁淨,我估老師教佢地洗手一定要用潔手液,不過大頭妹理解為一定要用滴露,所以我地本身都是用梗前一排推出的 DETTOL X HELLO KITTY 潔手液﹗

好得意!每一種動物都有自己的故事!

可以貼係鏡架提小朋友洗手!


小朋友唔自動自覺洗手係問題,但太鍾意洗手時玩水都一樣令媽咪好頭痛!好似我家小丸子,每次洗手都會「好好把握」玩水時間!小丸子鍾意貓貓,我同佢做個貓貓動物造型!

大頭妹鍾意狗仔,我同佢做個狗仔動物造型!


 今次推出的泡沫殺菌潔手液就好適合小朋友用,洗手前唔洗先整濕對手,直接按出泡泡,搓手 10-15秒,就可以直接洗手。唔洗怕小朋友唔識自己起泡泡,又或者過水過得唔乾淨﹗

新出的蜜糖清香味,蘊含加倍滋潤成分,比普通潔手液更滋潤,而且泡泡豐盈幼細,特別適合小朋友用呢﹗最重要是殺滅 99.9%病菌﹗

依家上滴露的 FACEBOOK 專頁,仲有【滴露泡泡動物園故事創作大賽】,會送出 250盒滴露泡沫殺菌潔手液【泡泡動物園】禮盒架﹗如果大家都想得到的話,就要快啲上滴露的 FACEBOOK 專頁睇下啦﹗

Related Posts Plugin for WordPress, Blogger...