傻夫婦一家四口生活日誌: Home Sweet Home Project

顯示具有 Home Sweet Home Project 標籤的文章。顯示所有文章

2014年2月7日星期五

HOME SWEET HOME PROJECT - 新屋傢電一覧

HEHEH...不經不覺都入咗伙 1個月有多啦﹗其實都仲未執好間屋，大頭妹有一袋玩具，趕唔切拎去郵局 (又唔想就咁丟咗佢)﹗之前 ONLINE SHOP都仲有 5-6箱貨，又唔想租個倉，之前聖誕新年叫大頭姨姨幫手得閒係 PAGE POST下賣下貨﹗呀...比我講到出公海，今日我其實想講下我間新屋嘅傢電架﹗

其實自從自己搬出嚟住，我同阿旺都未試過裝修架﹗第一間屋係灣仔，買嘅時候就係貪唔洗特別裝修，當時都無餘錢去裝修，只是簡簡單單買了少少傢俬就搬咗入去住﹗之後租樓就當然無裝修啦﹗今次終於有得自己裝修，原來無想像中興奮，因為樣樣都係$$$﹗

因為 "覺得" 今次搬完，短期內都唔會再搬，所以就算有 BUDGET限制，用料上我地都有要求，當然唔可以太差﹗地磚用了意大利木紋地磚，人人見到都話靚呢﹗牆身就用咗立邦金裝抗甲醛淨味全效(竹炭配方)內牆乳膠漆...WAHAHAHHA...師傅問我地點解揀咗隻最貴嘅？﹗另外仲有好多電器﹗精選部份講下﹗

首先第一樣就是 NOVA 無葉掛牆風扇﹗(多謝 NOVA 嘅贊助﹗)

我放咗係大頭妹/ 小丸子/ 工人姐姐間房，其實之前都 1516咗好耐，因為暫時大頭妹同小丸子仲係同我同阿旺一間房，不過最後都係決定裝係小朋友/ 工人姐姐房，咁佢地夏天瞓晏覺嘅時候，就唔洗下下開冷氣，夏天嘅時候工人姐姐夜晚瞓覺又可以用﹗

其實佢可以坐枱，又可以掛起，不過當然掛起就慳啲位﹗
有小朋友用無扇葉風扇就當然安全啲啦﹗大人永遠唔明白點解小朋友咁鍾意玩風扇﹗另外嘅好處就係易清潔啦﹗

佢係日本樂天市場人氣熱賣產品，日本設計，具備 CE 及 RoHS 認證及符合香港電氣產品(安全)規例 IEC 60335-2-80:2004 及電磁場 (EMF) 安全測試。香港正式代理，正版正貨。已獲美國、歐洲、日本及韓國設計專利。耗電量比傳統風扇更低 (32W) 每小時僅用 0.032 度電 (以每度電 $1 計，只需 3.2 仙) 。
http://www.nova-greenliving.com/products/nova-bfc-13

嘩哈哈﹗睇下大頭妹同小丸子試用/ 玩﹗

另外就係煤氣三寶﹗
最後我地分開買，無買佢地啲套餐，阿旺話套餐啲款唔靚仔﹗

WOW...呢個抽油煙機真係 very good，個樣又靚仔，又好抽﹗最重要係易洗，我工人應該最開心﹗

另外就係煮食爐，呢個係唯一同套餐入面同款嘅﹗我鍾意佢有計時功能，配合埋我個高速煲煲湯真係 very good﹗唔怕工人姐姐唔記得熄火﹗

另外就係煤氣爐﹗我地揀咗薄身嘅，要成 $8xxx，呢款有多一個遙控開關，我地買個期岩岩 discount，仲平過無遙控個款﹗不過我地都覺得佢無舊式爐咁快熱，開水之後要好耐先有熱水，覺得有少少浪費食水﹗

就係呢個遙控啦﹗我地裝咗係浴缸個邊，咁以後沖沖下涼想較水溫就唔洗行出浴缸啦﹗

仲有浴室寶，其實我地好懶，咩都叫師傅幫我地買，另一個牌子好似平少少，仲有野送﹗我地求祈叫師傅幫我地買 Panasonic﹗入伙時剛剛冬天，真是非常好用，依家小朋友冬天沖涼都唔怕冷親佢地，而且我覺得用完個通風都好咗﹗

仲有呢把吊扇燈﹗有小朋友係屋企，夏天長期都要開冷氣，有時都幾肉赤，而且成日吹冷氣，其實都唔健康，所以除咗 Nova把吊扇，我地係客廳都裝咗把吊扇燈﹗我地揀咗好耐，呢把我覺得都少少貴，要 $3xxx，不過佢唔開嘅時候，扇葉可以收埋，外型就 "醒目"，所以我地最後都揀咗呢把﹗

我係灣仔 sunny lighting 買的，駱克道238-240號

上樓的

wahahah...想買好耐，最屋入伙終於買咗﹗

2013年12月31日星期二

Home Sweet Home Project (完工篇)

時光倒流去未入伙之前，師傅最後係冬至完工，我地趕得切係聖誕節前搬屋﹗

當時嘅我...都未知我嘅聖誕節會完完全全被執屋淹蓋﹗

明明已經叫師傅整咗好多櫃，不過 3房搬 2房，面積細咗 130呎，真係唔夠地方用﹗

對上一次搬，係 1房搬 3房，加上有 1個 "1個頂 3個" 嘅工人，

我上次完全無幫過手，放工返屋企阿旺同舊工人姐姐已經執好晒間屋﹗

今次足足執咗 4日，最後要丟好多玩具同雜物，先至 "勉強” 要做塞晒啲野入間屋，

我估我都要去 ikea買返 1-2個吊櫃﹗

哈哈，今次比過未有雜物嘅 version大家睇住先﹗

客廳裝咗一把吊扇燈，扇葉係透明嘅，加上唔用嘅時候會 "收埋"，所以都唔係太覺眼，之前我地師傅叫我地唔好裝吊扇燈，但佢見完呢盞都話靚﹗

明明覺得個廚房已經整咗好多櫃，點知廚房是重災區，我有好多碗碟都要 "壯烈犧牲"﹗

浴室裝咗浴室寶，呢幾日沖涼真是好感受到佢嘅好處﹗

以後已經有好多櫃，點知都放唔晒 2個囡嘅衫﹗

都以為自己個衣櫃好大，點知阿旺勁多衫，仲多衫過我﹗

2013年12月11日星期三

Home Sweet Home Project (11 Nov - 10 Dec 13)

嘩嘩嘩﹗本來想一個星期記錄一次，最後一個月先再寫進度。

因為中間主要都係鋪咗地磚，但鋪完又用膠蓋返，所以都無野影，就無特別寫﹗之後就係做廚櫃﹑浴室地櫃﹑衣櫃﹑組合櫃﹑細房床，岩岩都全部到齊，點知我地發現應該係溝通上嘅錯誤，我地想要方圓邊，師傅整咗圓邊，所以令到門同門之後好似好大條 "la" 咁﹗依家要改過啲櫃門，其實時間上就唔大影響，因為只是換門，不過就可能要洗多少少錢，所以都十五十六，其實只是 design上嘅問題，唔影響用，不過就係唔岩心水嘛﹗

其實之後檢討返，我地係唔應該唔同師傅出去睇下現成嘅 design，就係 what'sapp來來去去咁 confirm啲野，而且可以同傢俬鋪訂嘅都應該係傢俬鋪訂就算﹗又有得睇現貨，又平啲﹗

就是呢套廚櫃，阿旺要求師傅換過晒啲門﹗其實我都覺得可能依家有膠紙係面，影響咗外觀，叫師傅撕開一張睇下，其實都ok，不過阿旺話接受唔到個圓角，覺得好老土﹗

地櫃都係...睇相可能唔係好明顯，亦可能因為木色無咁礙眼﹗

浴室地櫃又是做錯咗，我地想要傳統個啲面盆，做完先發現，我地用 slide door，會唔夠位放面盆，點知佢地錯有錯著，佢地又做矮咗個櫃，所以可以放依家興個啲放上櫃面嘅湯碗面盆﹗

相對地...小朋友房嘅床已經比較滿意﹗

又係櫃門問題，個櫃門邊做咗圓角，但個櫃邊又做尖角，好似專登整嚟比大頭妹同小丸子撞頭咁...不過可以買現成 3M角邊遮返個角，問題都唔大嘅﹗

衣櫃...無咩野嘅﹗

浴室因為太細，改咗 slide door，如果唔係真係肥啲都入唔到洗手間...

又係櫃門問題囉...不過玻璃吊櫃我地都唔滿意，叫佢地再做﹗依家打算睇下廚房櫃門改成點，先決定廳嘅櫃門改唔改﹗師傅就叫我地用 2-3年先，錢又已經比咗，之後先再轉，其實我都覺得好唔環保，但又真係唔靚仔，真係好頭痛﹗(放係櫃上面嘅係浴室門)

唉...見到個分體機就明點解個窗要做咁高，其實都唔關師傅事﹗都想提提康山嘅朋友，如果你地裝修，個廳嘅分體用 1.5匹就ok架啦﹗

大門剛剛昨天才到，明天就有人裝門鎖啦﹗

依家 outstanding items仲有廚房浴室地櫃台面 (剛剛星期一先訂，要10日才到)，洗菜盆﹑面盆﹑廁所，燈 (星期四早上安裝)，大門門鎖 (星期四下午安裝)，好似都七七八八啦﹗呀﹗仲有煤氣公司，佢地話星期六嚟裝，之後唔見人，到星期二都未見人，都要 follow up﹗hehehe...好期待間屋快啲裝修好﹗希望聖誕節前有得搬啦﹗

大家 like咗我地嘅 facebook page未呀﹗請多多支持﹗

2013年11月14日星期四

Home Sweet Home Project (2-10 Nov 13)

可能之前成日聽人講話啲裝修師傅成日拖，唔知點解我覺得我個師傅做野都幾快﹗隔幾日上去，又有新野睇﹗

今個星期已經換晒窗，不過...出咗少少問題 (唔關師傅事...我地自己問題)﹗我以前一直都覺得我地屋苑嘅大窗好靚，點知因為我地要轉 "分體式冷氣機"，師傅問我地改個窗個高度好唔好，我話唔好改。之後由阿旺同師傅跟，唔知佢地點溝通？﹗最下面嘅 "梗窗"竟然改到同上面開到個窗一樣大﹗﹗﹗我嘅大窗 "唔見咗"，阿旺話師傅話就分體機個位做個窗，可能要高 2-3寸，但就 2邊都開到窗 (唔改就可能一邊開唔到/ 開唔大)，問佢好唔好，佢話ok...佢估唔到個分體機咁高...well...咁我地自己話咗ok...就無得好講啦﹗

又同師傅夾咗一次廚櫃﹑浴室櫃﹑訂做傢俬嘅設計﹗會訂做 3組傢俬，包括: 大廳組合櫃﹑睡房大衣櫃﹑同小朋友房組合床﹗

我地都買咗廚房 3寶啦﹗原來同煤氣公司買，佢地做分期會係煤氣費單直接做，連 credit card都唔洗，真係好方便﹗

星期初，走廊嘅假天花都未整好。