一家4口遊澳門 2012 - 水舞間篇

今次澳門之旅的主角當然是水舞間，好彩一早上網訂了票，我同阿旺去售票處拿票的時候只是11:30am，但當日的2場門票已經全部售罄﹗
攞 完飛之後，阿旺忽然問我，點解買A區唔買B區呢 (VIP區$1380/ A區$880/ B區$680/ C區 $480)？﹗我同佢講 "你入場睇完就明白架啦？﹗" 。其實好簡單，因為水舞間入面好多場景都是好大型的，坐A區可以睇晒成個場景，舞台效果最好，所有高空表演都可以睇得好清楚﹗坐B區呢，電單車表演的時 候，啲電單車會係兩邊飛過，觀眾當然好安全啦，不過膽小如我就算啦﹗A﹑B區的頭4行其實可以同表演者有多些 "互動"，我見好多小朋友都睇得好開心﹗但要有 "濕身" 的準備﹗上網買票的時間要留意啦﹗

個人認為電單車表演是最精彩的一PART， 之後同睇過的朋友講，大家都係咁覺得﹗其次就是高空跳水表演，真是少啲勇氣都做不到﹗坐我旁邊有個小男孩，我見佢一邊睇一邊好緊張，係咁問佢爸爸，個公主 會點呀？個男主角會唔會打羸個後母？﹗HEHEHE...真是好好笑﹗原來個SHOW都好岩小朋友睇﹗等大頭妹大個啲再同佢一齊去睇﹗

HEHEHE...未開始之前影咗全個埸一張 。

一開始就有個大型的舞台在水中升出來啦﹗

男主角出場啦﹗

女主角都出場啦﹗比後母困住咗﹗

之後是一連串精彩的高難度表演﹗
交代男主角如何對抗公主的後母，勇救公主﹗


就係呢啲高空的表演，如果坐A區就係正你前面做啦﹗


睇相無咁震撼，現場睇真是好精彩﹗
表演者係半空的吊架快速咁做出不同的高難度動作﹗

終於救到公主啦﹗
公主是芭蕾舞蹈員，當然有精彩的芭蕾舞睇啦﹗


不過之後公主又再比後母捉走﹗

全場的場景都會好神奇咁係水中出現同消失﹗
 
男主角又再出場﹗今次到電單車表演﹗
 
我第一次現場睇電單車飛車，睇到我好緊張。
細B係咁係肚入面踢我﹗

呢一幕是3架電單車同時由3個台向唔同方向飛過﹗
中間有一刻會同時係中間 "擦身而過" ﹗
HHEHE...我估當時我緊張過3位表演者﹗

結局當然是大團圓啦﹗

最後都有一連串的高空跳水﹗
 
相入面中間上方的一點紅色是一個人來的﹗
就是由這個位置表演跳水﹗

謝幕﹗

HEHE...睇完SHOW一出去就見到財神啦﹗LUCKY﹗

今次去完澳門，發現原來澳門真是好多野玩﹗下次再去一定要住一晚﹗慢慢感受一下澳門﹗HEHEH...如果大家睇完我個BLOG，都想買票的話可以到佢地的FACEBOOK PAGE: https://www.facebook.com/thehouseofdancingwater，又或者是佢地的
OFFICIAL WEBSITE: http://thehouseofdancingwater.com，話係我介紹的...HEHHEE...係唔會有DISCOUNT﹗

一家4口遊澳門 2012 - 吃喝篇

今次都算得上是第一次一家4口一齊出門﹗雖然只是去近近地的澳門，雖然好趕好趕即日來回，不過我地都好開心﹗只要一家人一齊，去邊都一樣開心﹗HEHEHE...而且仲有大頭姨姨﹗ 仲睇咗我期待以久的水舞間 ﹗

唔知點解大頭妹好似知道去旅行，全日都好開心咁不停笑﹗仲好鍾意坐船，去程的時候有窗口位，佢見到個海就不停叫 "水水" ﹗又好叻女無暈船浪﹗點解得我一個暈船浪？﹗一早坐10:00的船，新年好多人去澳門，我地要買頭等飛，大鄉里的我地唔知頭等是有免費飲品同杯麵，仲買埋早餐上船食﹗﹗﹗11:00多少少就到氹仔啦﹗

是日行程:
第1站: 坐新濠天地的免費旅遊巴去水舞間拿票。

第2站: 飲茶@喜迎樓﹗去澳門之前，上 "OPEN RICE澳門" 睇過﹗評分好高，而且評語仲話抵食，所以揀呢度﹗好彩一早訂了枱，我見我後面的WALK-IN客真是無得食﹗

第3站: 新馬路 & 大三巴，由於新年關係，等車坐車的時間比我地想像中長﹗仲要好辛苦先迫得上大三巴﹗好似行年宵咁多人﹗﹗﹗(P.S. 新濠天地有一架去新麗華的免費旅遊巴，行 5分鐘就去到新馬路啦﹗)
第4站: 水舞間，真係大開眼界，雖然價錢唔平但絕對值得去，我地影咗好多相，詳細等我留返下篇同大家講喇

第5站: DINNER@官也街，最後都食咗水蟹粥﹗


大頭妹一落船已經好HIGH﹗不停同人揮手﹗
 

坐車的時候仲有風車玩﹗
 

HEHEH...唔記得間SHOP叫咩名，專賣BATMAN同SUPERMAN的精品同衫，有件BATMAN衫好靚，不過要成$2400，阿旺唔捨得買﹗  

 
喜迎樓 : http://www.openrice.com/restaurant/sr2.htm?shopid=32273

環境優美﹗有大頭妹最鍾意的水水﹗

 
大頭妹一見我劃點心，又要劃埋一份﹗之後劃花咗自己件NICHOLAS & BEAR，不過我同我自己講新年去旅行要開開心心，無同大頭妹開年﹗

帶子腸粉，個皮好滑，粒帶子好大粒﹗大頭妹吃了一整條 (走帶子的)﹗

香煎和牛粒 $78﹗

燒味雙拼 $105 - 黑豚叉燒&燒肉
用黑豚整的叉燒，豬味特別濃﹗而且半肥瘦好腍身﹗我都有比2塊大頭妹食﹗
個燒肉好脆好脆﹗10個脆﹗

流沙奶皇包
 

真是好流沙﹗VERY GOOD﹗大頭妹自己吃了一個﹗

芋角，炸得好脆，好好味﹗

燒賣比起其他點心普通少少。

鳳爪好好味﹗

睇下大頭妹食得幾開心﹗﹗﹗
 

又開始古靈精怪啦﹗

做MONSTER FACE嚇媽媽，因為佢一做呢個樣，我就會拍心口話驚驚﹗不過真係唔知佢係邊度學，可能睇電視學？﹗

食飽飽就影返幅全家福先﹗

門口的大桃花﹗

去到新馬路 & 大三巴，大頭妹又好開心啦﹗﹗﹗

HEHEH...我地無行上去啦﹗到此一遊係下面影上去就算﹗

大頭妹&大頭姨姨﹗  
想去食牛雜...不過同我一樣初八先開工﹗

係 新濠天地消費滿 $200就有一張 "免費"的龍騰入場卷﹗飲茶的時候，剛剛飲了 $4XX可以有2張，我地去睇水舞間的時候，大頭姨姨﹑大頭妹就同工人姐姐一齊去睇龍騰。最後無帶大頭妹去童夢天地，因為有人數限制，要等1小時後先有得 入﹗希望下次有機會再去澳門的時候再玩過啦﹗

去到童夢天地，大頭妹好開心，圍住恐龍跑咗幾個圈﹗  
學業進步呀﹗傻妹...你識字咩？﹗  
送了大頭姨姨同工人姐姐去睇龍騰，我同阿旺就去睇水舞間啦﹗睇完之後再匯合大頭姨姨之後就出發食晚餐啦﹗其實...新濠天地有免費車去官也街個邊，但大頭姨姨竟然帶我地行過去囉﹗又不是很遠，我地一家大小都是行了30分鐘﹗﹗﹗

去沙度娜買木糠布丁。

 

官也街入口


去誠昌攞位，好彩只是要等 10分鐘﹗


我同大頭姨姨爭取時間去買手信﹗

去莫義記買大菜糕﹗
個榴槤雪糕真是好味到不得了﹗喜歡榴槤的朋友一定要試﹗

返到去誠昌，阿旺已經叫定水蟹粥啦﹗
好多人口話無以前咁好食，但因為我第一次食無比較，我覺得好好味呀﹗

雪糕要即日，我同阿旺行出店外食，我食咗2啖咋﹗
其實打算食1啖...不過...真是忍不住口呢﹗  
叫多一碟炒花甲，不過我覺得香港的好味啲﹗

食飽飽坐的士出碼頭，都是 $3X﹗
我地走啦﹗澳門BYE BYE﹗
 
傻旺同傻福﹗玩足一日都咁 "調皮"﹗

大頭妹好攰啦﹗不過仲係唔瞓﹗

我個傻旺話回程要食杯麵﹗  
大頭姨姨都唔 "執書"﹗

我唔洗食啦...我暈船浪ING﹗仲要比人偷影﹗
 
返到香港先食甜品﹗
我覺得個原味大菜糕最好味﹗
大頭妹好鍾意，下次我要自己整比大頭妹食﹗