2018年1月20日 星期六

傻夫婦東京親子之旅 DAY 5 【Tokyo DisneySea】


2017年 7月 18日 (星期二)

今日得一個行程,就是【Tokyo DisneySea】啦﹗因為前年已經去過【Tokyo Disneyland】,所以今次就去【Tokyo DisneySea】,其實我都會建議未去過的朋友可以考慮下,會同香港的 Disneyland 有大啲分別,不過就最好夏天去,因為真是會玩水玩到濕晒,如果冬天去,就要就住玩,唔係好易冷親啦﹗

今次揀住新宿,其中一個原因就是因為近去迪士尼的巴士站 (又近去箱根的火車站),巴士站已經由代代木搬返去新宿南口啦﹗我地住的酒店步行過去大約 5分鐘,馬路都唔洗過,真是好方便﹗

新宿新南口的巴士站,去機場的巴士都可以係度上車﹗

大約 1小時的車程,唔洗行,唔洗轉車﹗

上車前仲可以補給一下。

我一早就去 7-11 買定早餐比佢地上車食﹗

嘩﹗去到天氣好好,點知下午忽然落大雨,就係『淺草』落冰雹個日,唔知大家仲記唔記得,當日我都收到好多 blog 友的 message,真是好多謝大家的關心﹗

一入到去就當然要行下 shop,我通常都會影下相比朋友放毒先﹗

唔知點解,兩個女真是好唔同,一個咩都話唔要,我睇下得架啦﹗一個咩都問可唔可以買,好彩都係問下,我話唔買又唔會扭計﹗

小丸子每次就係用呢個樣嚟問我: 媽咪,可唔可買呀﹗你睇佢個樣...幾誠懇﹗其實本身我都係一個購物狂,但基於公平原則,大頭妹又咩都話唔要喎,佢話唔要啫,唔代表到阿妹有佢冇時,佢ok嘛﹗都無理由家姐一樣都無,阿妹買 10樣啫,所以我通常只會比小丸子揀一件,最後佢揀咗 Stella Lou公仔,真是識貨,當時香港仲未有﹗

不過迪士尼的精品真是好吸引,其實連大人都會失控﹗

爸爸排隊睇 show 的時候,我地就去洗手間,順便四圍行下。

去到日本迪士尼,好容易就同到卡通人物影相,如果香港都可以做到咁就好﹗
 

 

 

嘩﹗我見好多機動都要排 60-100分鐘﹗好得人驚﹗不過之後因為落大雨,可能好多買年票的日本人走咗,下午排隊就快咗好多﹗
 

睇完 show,食個 lunch先,係日本食野好少中伏,點知我地今次就中咗...大家認住呢間﹗

Stella Lou包...睇見個樣都唔想食...粉紫色的麵包皮...

薯條就唔會出事既﹗

芝士蛋糕都無大問題。

呢個包都係麻麻地﹗


食飽飽等睇 parade,當時唔知會玩到全身濕晒﹗



真是濕到...底底都濕埋,即時去買衫,買衫的中途落超大雨,我話早知一早買雨衣啦﹗

因為要等停雨,等完個身都乾啦﹗一出去見唔洗點排隊就上咗船﹗

呢個 game 又係會玩到全身濕晒...頭先買既衫,終於用得著啦﹗

玩晒濕身的 game,即刻去換衫﹗

玩返啲靜態的,呢個係小小世界海洋版﹗


玩到好肚餓,基本上檔檔 kiosk 都大排長龍,想買少少野食都難,行到去『阿拉丁』個邊有好香咖哩味,直接坐底食晚餐﹗比起中午個間,呢間就好唔錯,價錢唔貴又幾好味﹗

雞肉咖哩

牛肉咖哩


食飽飽,我去行 shop,佢地睇煙花,完美的一日完滿結束﹗

大家 LIKE 咗我地 Facebook Page 未呀?未就快啲 like 啦﹗

2018年1月18日 星期四

小丸子FASHION SHOW【Baby Doll 福袋開箱文】



哈哈!依家好少寫買衫文,仲有幾多人記得我以前「敗家萬歲」的 blog 😆😆!講真依家啲女大得快都真是買少咗,有錢都用咗係第二啲「怪獸」地方🙄🙄,不過一年一度的日本福袋仍然唔可以錯過!

今年買得遲 ,12月中先有時間睇,到我買時好多都斷貨,下年要早少少預備!最後只買到一個Baby Doll x Minnie Mouse 的福袋🎁,$750有5件,包括:1件雙面外套、1件one piece、1件長袖tee、1條短裙、同1條裙仔legging!買比小丸子,買了140碼,日本size好多時偏細,結果除了長少少,衫身都算是岩岩好!130碼冇貨,所以大頭妹無份!

有請小丸子出場!👏🏼👏🏼👏🏼




條裙仔後面都好靚!



條legging其實勁長,不過腰圍岩岩好!😂😂😂


我起初睇圖以為是風褸,原來都有少少厚度。


呢邊是抓毛料。


$750有5件衫,仲要其中一件係雙面外套,真是好抵呀!下年都一定要再買!💪🏼💪🏼💪🏼

2018年1月17日 星期三

媽咪生日飯【北京樓】@20180110



2018年 1月 10日 (星期三)

今日係媽咪舊曆生日,一家人開心食飯切蛋糕,大頭妹成日話想食北京樓,所以今次就揀咗北京樓,但大頭妹之所以想食北京樓,並唔係想食北京填鴨喎,佢只是想食北京填鴨個塊白色皮﹗呵呵呵﹗小朋友的口味真係難明﹗

 燻魚


清炒豆苗












蔥爆羊肉

沙鍋雲吞雞




上海粗炒

炒鱔糊


北京填鴨


拔絲香蕉


兩個傻人就係想食呢塊白色皮...


大家 like 咗我地 facebook page 未呀?未就快啲 like啦﹗


Related Posts Plugin for WordPress, Blogger...