2013年11月29日 星期五

大頭妹@Jolly Kingdom - Jolly Phoncis

上個月跟朋友去 Jolly Kingdom聽講座,原來佢地 playgroup同 phonics class都有講座,仲係由佢地學術總監 Dr. Jeff Cheng負責,個講座嘅內容好豐富,個人認為就算只是考慮報名,去聽下都有得著﹗

先講 playgroup,首先 Dr. Jeff會逐個家長問下小朋友嘅發展,上 playgroup嘅目的/ 目標,最後再講下課程內容﹑教學模式同理念﹗Dr. Jeff講到小朋友嘅發展,我相信家長一定最緊張﹗語言﹑大肌肉﹑小肌肉﹑智力﹑情感社交 (sharing & waiting),例如 Dr. Jeff講到 1歲﹑歲半﹑2歲小朋友嘅語言能力,1歲大約可以講到 2個有意思嘅詞語,通常都會是 "爸爸﹑媽媽",歲半就可以講到 15-20個有意思嘅詞語,2歲就開始講句子。發展早半年叫快,遲半年叫慢,但都是正常,如果遲 1年,即 2歲先講 2個詞語,就可能要問下醫生。

之後再講下佢地嘅教學,佢地著重 3個心﹗開心﹑信心﹑鬥心﹗ Dr. Jeff話開心係學習第一個重要原素,返學唔開心,仲會唔會想返?學都唔想返,又學唔學到野?呢點我都好同意﹗有咗開心之後就要建立信心,小朋友透過字卡同埋圖,由淺入深去學習英文,由單字、詞組、再到短句,一步步咁學上去,再加上多鼓勵,令佢地建立起 "自信"﹗成功建立信心之後,就要陪養 "鬥心" 啦﹗未聽講座之前,我成日好驚 Jolly Kingdom係好 "谷" 小朋友,一聽到佢地著重開心,我就放心晒﹗

聽完 playgroup,我再聽埋 phonics,當中有 K3的家長,Dr. Jeff問想小朋友學到咩嘅時候,見其他大少少嘅媽咪答嘅答案,就會明白,佢話想小朋友寸字容易啲,發音好啲,默書輕鬆啲﹗大頭妹仲細,我真係未去到呢個階段﹗我只是因為上次同大頭妹做學習分析嘅時候,分析出大頭妹係 "聽覺學習形",所以我就決定比佢上 phonics﹗

Jolly Phonics係比 3-12歲嘅小朋友,有 3個 level,每個 level仲會分 stage,level 1係 44個基本音,level 2係雙音, level 3係 special cases, 原來成個course係要 3年半 (一星期一堂),最快 1年 9個月 (一星期兩堂)。Dr. Jeff 要我地明白學 phonics唔係一朝一夕﹗

寫 blog 嘅時候,大頭妹已經上咗 3堂﹗第一堂係試堂做 "評估",大頭妹之前未學過,都一定係 level 1 stage 1開始架啦﹗

Jolly Phonics要自己上,所以其實上堂係點我都唔係好清楚﹗
不過佢地有 "手冊",手冊會清楚寫明每堂學咗咩﹗

清楚知道每堂學咗咩,方便我地家長同小朋友溫習﹗

老師都會寫返上堂嘅評語﹗

另外仲有 1本課本,同 1本練習﹗


大頭妹學校 K1未要做 "寫字" 功課,
正考慮...想買本練習簿比佢,
HEHEHE...依家上 Phonics可以做埋啦﹗

呢本係 exercise book,我見入面仲有 listening嘅練習﹗

大頭妹都寫得幾靚喎﹗


Jolly Kingdom: http://jollykingdom.com/chi

2013年11月28日 星期四

大頭妹騎飛天豬剪髮@Private I Garden kids Salon


「這篇文章是與 Private i合作」

多謝 shemom.com嘅邀請,
上星期一我帶了大頭妹到Private i Garden kids Salon剪髮,
地點是銅鑼灣利園 2期 2/F,
即是利園買高級童裝個層呀﹗



Private i Garden Kids Salon是專為小朋友而設,
主題是 "飛天豬" ,由設計同坐椅都充滿童真,
去剪髮好似去咗遊樂場咁﹗

Private i Garden kids Salon嘅縮寫就是 P. I. G. 囉﹗
 總共有 6隻豬豬,隻隻都唔同顏色,仲有唔同名架﹗

 
我因為返工,先由大頭姨姨帶大頭妹去,
佢話大頭妹去到就好開心,自己揀咗隻黃色豬坐﹗
(唉?平時佢話自己鍾意粉紅色同紫色架?﹗)




HEHEH...大頭妹係度陰陰咀笑...  


有卡通睇,小朋友一定坐定定啦﹗
仲要同佢講,剪完就好似公主咁靚架啦 (睇公主卡通)﹗
咁就一定唔會周身郁架啦﹗


我都知有啲媽咪唔鍾意比小朋友睇卡通,
佢地都有好多故事書比小朋友睇,
唔一定要睇卡通嘅,大家可以放心﹗


開始剪啦﹗


哈哈哈﹗我一早已經同大頭姨姨講,
我想要剪 "小丸子" 頭﹗仲要 BOB嘅﹗


剪 BOB就最睇到師傅手勢﹗
平時好多 salon 髮型師都唔肯剪,怕小朋友郁來郁去剪得唔齊嘛﹗


大頭妹唔多頭髮,我通常 2-3個月先同佢出去剪一次,
平時一個月就自己同佢修一次前陰囉﹗


後面就要 "斜落"﹗


我到嘅時候都差唔多完成,我四圍睇野八掛一下﹗


呵呵呵﹗大頭妹見到我嘅時候問我靚唔靚?
依家啲細路真是好老積﹗
我叫佢 "豬" 自己面比我影幅相,
佢擺個咁 "少女" 嘅 POST比我﹗
HEHEHEHE...我話平時你豬妹妹面好狼架?﹗


睇佢呢個笑容就知佢好滿意﹗


剪完髮仲有曲奇餅食﹗真係開心啦﹗


 HEHEH...我要求嘅 "斜落"﹗
髮型師話因為本身前面頭髮短少少,所以效果仲差少少,
不過我覺得已經好靚啦﹗即刻型女晒﹗


HEHEHE...睇佢個樣幾 "神氣"﹗真係剪個靚髮,個人都自信啲﹗


等嘅時候我八八掛掛周圍影下﹗

嗱﹗真是有好多書架﹗


Private i Garden kids Salon入面竟然有美甲貼,
即時 draw到媽媽我嘅 attention啦﹗

原來佢地仲有小朋友修甲服務﹗

呢款美甲貼原來同市面嘅唔同,佢雖然都係貼,
但就唔係 "膠紙",而係指甲油料,
所以一樣要用洗甲水落,但就可以避免擲貼紙傷甲﹗
最重要係不含甲醛,小朋友都可以放心用﹗


一包有大約 $120-160,有12對,而且好大張 (貼腳指公都得),
仲可以剪出嚟貼,所以好 "襟"用﹗
我問咗小朋友 3歲以上都用得,
小朋友指甲細,買一包已經可以母女齊齊貼﹗

我好鍾意呢款豹紋呢﹗


呢set野係唔係好得意呢?佢叫做「第一次全記錄成長日誌」﹗
原來係用嚟放小朋友的 "乳齒"﹑頭髮﹑指甲架﹗
是店嘅 best seller之一,價錢只是 $120,
岩晒送比岩岩有bb出世嘅朋友﹗
 我自己都想買返 2盒儲大頭妹同小丸子嘅乳齒呀﹗

 

Private i Garden kids salon是髮型屋洗頭水同髮型用品就一定唔少得啦﹗

呢個叫 wet comb,係比濕髮嘅時候用,唔會拉傷頭髮﹗

仲有好多來自外國嘅 organic洗頭水﹑護髮素,
全部都可以比小朋友/ bb用嘅﹗

My. Organics


Hair Solution



呢款我都係第一次見,原來係頭髮 "顏色筆",
聽講之前 Halloween,都有小朋友嚟做 colour架﹗
用之前要用少少 hair spray,一洗就甩,所以好受歡迎﹗


如果都係怕傷頭髮/ chemicals,
都仲有假髮片﹗


長長短短都有﹗


另外仲有嬰兒護膚品﹗一樣是 organic﹗



heheh...剪完髮仲有禮物收﹗


heheh...媽咪都有份﹗可以試下 nail sticker﹗



仲有 Hair Solution嘅洗頭水同護髮素﹗


入咗 "P.I.G Club" 仲有顏色薄送返比小朋友﹗
小朋友可以自己幫飛天豬設計新形象﹗
油完顏色交返去 Private i Garden kids Salon,
仲有機會贏到獎品架﹗


都話佢鍾意粉紅同紫架啦﹗




產品試用: 百靈ThermoScan耳溫計


多謝 She.com 邀請試用 "百靈ThermoScan耳溫計 ( 型號:IRT 4520)"﹗

其實我地本身都係用百靈牌耳溫計,不過我地用嘅係 IRT 4020,兩者嘅最大分別,就係我地今次試用個款係有 8組記憶,可以返查返對上 8次嘅記錄,我地本身個款就只有 1組記憶。有 8個記憶嘅最大好處,當然就是比我地呢啲 working mom,check返工人姐姐全日幫 bb 探熱嘅記錄啦﹗上次買嘅時候無為意,買完先知兩款嘅分別,如果唔係就一早買有 8組記憶個款啦﹗所以今次有得試用真是好開心呀﹗

當初點解會買百靈牌?其實之前大頭妹 baby shower都有收到 "夾腋下"嘅溫度計,不過 BB又點會乖乖地同你夾實支溫度計呢?次次探熱都好似打仗咁﹗之後去診所,護士話用耳探溫度計會準確啲,尤其是 bb/ 小朋友,差零點幾度就已經好緊要,要睇下要唔要食 "高燒藥",準確是非常重要,我即時望下護士用咩,St Paul's都用百靈牌,我地樓下診所何醫生又是用百靈牌,我跟買就一定唔會有錯啦﹗

上百靈牌嘅網頁睇返,原來佢係美國是最多醫生選用品牌[1],美國銷量第一[2]的百靈ThermoScan耳溫計每天被全球各地醫護人員使用達150萬次[3],更是超過85%德國消費者的選擇[4]。它透過獨特的預熱測溫頭專利技術,讓您能準確地量度體溫,是您值得信賴的耳溫計。百靈ThermoScan耳溫計更是最多醫生選用品牌[5]!

1 根據Gfk Custom Research France 於2009年在英國、法國和德國進行的兒科醫生調查;及根據於美國進行的兒科醫生調查及耳温計數據
2 Nielsen於2012年10月27日獲得的美國第52週的耳温計零售銷量調查中,百靈ThermoScan耳温獲得的銷量數據
3 資料由KAZ提供
4 GfK於2011年4月至2012年3月期間對耳溫計零售銷量調查中, 百靈 ThermoScan 耳溫計槍獲得的銷售數據
5 根據Gfk Custom Research France 於2009年在英國、法國和德國進行的兒科醫生調查;及根據於美國進行的兒科醫生調查及耳温計數據


以下是 BB發燒要注意的事項 :
1. 要 37.8度以上先好比BB食藥水,因為BB太細個係唔應該食咁多藥水架﹗
2. 最好買一支準確嘅探熱針 (探耳仔嘅),咁先可以清楚知道BB有冇退燒,有冇燒得熱咗﹗第3. 每小時都要同BB探熱﹗護士話食完退燒藥之後,第1﹑2個鐘應該會退返少少,第3個鐘 再燒返少少係正常,總之到第4個鐘有燒就要繼續食﹗
4. 有發燒都可以洗白白,不過就要用比平時涼少少嘅水嚟沖﹗
 
 上: 百靈ThermoScan耳溫計 IRT 4020,下: 百靈ThermoScan耳溫計 IRT4520

 無 memory button
 

有 memory button
 

百靈牌ThermoScan耳溫計優點:
  • 專利技術探測耳膜及周邊組織發出的熱量,反映真正體溫。
  • 精準測溫技術,確保讀數準確。
  • 獨有預溫探咀,令測溫更準確。
  • 獨特的位置偵測系統,以顯示燈及提示聲確定測量位置正確。
  • 輕柔探咀,適合初生嬰兒及一家大人小朋友使用。
  • 保用兩年
  • 配合耳套使用, 確保測溫準確性及衛生

型號:IRT 4520耳溫計 (附送21個耳套)
零售價:HK$599.00
銷售點:萬寧、屈氏臣、豐擇、百老匯、各大藥房及藥行有售

其實佢仲有一個優點,佢地都無 mention...就係好 "襟" 用﹗我地自己舊個部由大頭妹幾個月大開始用到依家大約 3年,其間歷盡比大頭妹同小丸子嘅 "暴力對代",到依家都仲未壞﹗

  依家好快,對準耳仔放心,幾秒就ok,就算連小丸子咁無耐性嘅 bb,都用得好開心﹗heheh..佢成日自己攞嚟用架﹗


百靈ThermoScan耳溫計產品諮詢及售後服務中心:
客户熱線: 2686 3319







Related Posts Plugin for WordPress, Blogger...