2012年8月31日 星期五

BBBB GATHERING!

今日是阿旺生日,無特別的PLANNING,都是一家人出去食餐飯﹗
呀﹗各位隱形BLOG友,可唔可以幫我同阿旺講聲生日快樂呀?
佢聽日就要去印尼 (公司EVENT),一去就去 12日啦﹗
好在可以慶祝埋生日先出發...原先新舊曆生日都要係印尼過﹗


講完阿旺生日,標題話明 BBBB GATHERING,當然有4個B啦﹗
唉吔﹗唔記得幫 4個BB影大合影﹗

4個B出場啦﹗

小丸子


小銀


小小銀


大頭妹



一影相就整古做怪。


次次去小銀屋企都一定 "掃街" ,佢屋企樓下有好多好野食又平﹗

呢度 $20﹗樣樣有少少﹗好味﹗

呢個差少少,有少少硬。


即炸的雞翼,等咗我 8分鐘﹗


燒賣,呢樣是次次必食的﹗好好味﹗呢度 $23﹗


次次見小銀兩姊妹,我都有呢個疑問,點解人地咁多頭髮?﹗我兩個囡就無?﹗


難得有空閒時間,影下全家福﹗小丸子好合作...不過大頭妹唔合作﹗

扮吹波?﹗佢邊度識吹?﹗


小丸子又中招﹗﹗﹗
最近大頭妹成日打小丸子,我都唔知點教佢,次次同佢講唔可以打妹妹,佢就答我知道。
之後又打,好算小丸子大隻,而且大頭妹其實都是斯文底,次次小丸子都當佢 "抓痕"。



睇下...小丸子真是面不改容架﹗


因為小銀家的工人姐姐放假,而且我地都人數眾多,今次叫外賣食﹗

叫了 $700壽司,加刺身﹗


其實仲有PIZZA同RIBS,PIZZA BOX 星期五六日,大PIZZA買一送一,結果等了2個鐘﹗
送到嚟...我都已經唔想食啦﹗

仲有小銀媽用光波爐整的心太軟﹗好好味呢﹗


生日蛋糕...今日又是好多人生日,有好多位 8月之星,阿旺都是其中一個﹗



2個囡都瞓晒﹗得我地兩個影住先﹗



過咗一個好開心的晚上﹗返到屋企快12:00了﹗

大家LIKE咗我地個PAGE未呀?

2012年8月30日 星期四

P&G x Mannings萬寧星級改造2012



大家有冇留意到最近萬寧用了柯震東做佢地首位P&G 安心品質 盡在萬寧》代言人﹗我收到PR姐姐的通知,P&G x萬寧舉行首屆星級代言人選舉,大家都可以參加﹗獎品好豐富,最最最重要是勝出者更有機會安排與柯震東會面,同柯震東一同成為P&G x萬寧代言人 (我話有機會咋﹗唔一定架﹗)。

遊戲分3個階段,第1個階段,大家可以報名參加
星級代言人選舉,參加者只需於http://bit.ly/pgxman10按 “立即報名”,填妥表格並上載最能展示個性的個人照片就可以 (頭50位參加者仲可以獲得H&M$50現金券)。自己唔參加但覺得身邊有朋友適合,都可以推薦朋友,於http://bit.ly/pgxman10 按 “我要提名”,仲可獲P&G x萬寧購物優惠卷。如果自己唔參加,又無朋推薦,都仲可以投選星級條件,揀選3項你認為萬人迷必備的條件,都一樣可獲P&Gx萬寧購物優惠卷。投票的次數不限,投多幾次就攞多幾次購物優惠卷。第1個階段到9月6日就完,想參加的就要快啦﹗我已經投咗票,仲攞咗OLAY購物COUPON﹗

2階段 (9月10日- 23日),星級評判團會按網民投選的三項星級條件為一眾參賽者評分,並選出10強進入比賽。星級形象指導會為候選人進行全面打造,並為候選人進行面試!

第3階段 (9月24日- 10月12日),候選人將被安排進行拍攝工作,完成作品將會被上載到活動網站,並由網民及星級評判團選出勝出者。除4名得獎者可獲超過$20,000獎品及每名候選人可獲$1,500獎品及作品備份外,網上投票人士亦可獲H&M$50現金券。
講 完一輪,PR姐姐點解要通知我呢個師奶仔有呢個活動呢?﹗HEHEHE...唔通...佢覺得我適合參加?﹗我個心得阿旺一個,放唔落柯震東架喎 ﹗﹗﹗HEEHEHEH...我諗多咗啦﹗其實因為P&G x MANNINGS萬寧仲開了FACEBOOK粉絲專頁: http://www.facebook.com/PGXMAN ,為客人提供P&G與萬寧的最新消息,包括獨家購物優惠、商品推介、活動資訊及個人護理貼士,PR姐姐都想我將呢個NEWS通知下啲媽媽BLOGGERS﹗(呀﹗其實...我又想問...睇我個BLOG的人,又係唔係真係媽媽BLOGGERS多呢?﹗大家可唔可以舉一舉手?)
P&G x MANNINGS萬寧FACEBOOK專頁連結: http://www.facebook.com/PGXMAN
活動網址: http://bit.ly/pgxman10

2012年8月29日 星期三

新工人


自從舊工人姐姐走咗之後,我做了一個多月的全職媽媽,其實幾開心,之前有工人,有時真是會過份依賴,對個囡疏忽咗﹗有時仲會覺得是工人的問題,其實又點會是工人的問題呢?人家收你$3740,你想她幫你湊到個囡 "識飛"?﹗邊有咁著數?﹗

新 工人姐姐一波幾折下,終於 7月尾上班 (DELAY了3次呢﹗)﹗佢係印尼做過2年,新加坡做過2年,沒有來過香港。沒有之前的工人醒目,英文亦馬馬虎虎,做野仲好慢 (可能是香港的節奏太快﹗),不過暫時都算勤力,明顯地間屋比之前乾淨,湊小丸子都OK,大頭妹都肯跟佢,而且佢係香港未有朋友,又未有電話,起碼沒有不 停講電話的問題﹗煮食都算OK,其實我都算好彩,請2個工人煮食都算可以。但暫時日頭都有阿旺的舊同事幫手,所以都睇唔出佢的真功夫,希望之後無人幫手都 搞得掂啦﹗

因為佢做得比較慢,依家好多湊囡方面的事,我地都自己做返跟返晒﹗我反而覺得幾好﹗唔洗下下問工人幫大頭妹刷咗牙未,洗咗面 未,有冇搽CREAM﹗不過阿旺就慘少少,成日做完仲要比我鬧,佢晚晚都幫大頭妹刷牙﹑洗面﹑著返片片先上床,先幾日我地食完晚飯去JUSCO,見都 9:00幾,就幫大頭妹著返條片先落街啦,橫掂之後瞓覺都要著,點知阿旺...竟然可以唔記得瞓覺要著片,掉轉幫佢除片先上床﹗

相信大家 都估到,故事的發展是....大頭妹係床瀕尿﹗﹗﹗我真係嬲到 "癲"﹗﹗﹗日日做的事都可以做錯﹗我趕阿旺出房,我唔想鬧人,佢仲抱埋大頭妹走,搞到大頭妹以為我趕佢走,喊得好悽涼﹗之後我過隔離房接返大頭妹,仲要 阿旺換返張床單,其實可以叫工人姐姐換,不過當時都夜晚 12:00,而且我覺得是阿旺的問題,佢要自己搞返掂 (好嚴厲的老婆)。唉...無啦啦嚇到大頭妹喊,搞到我成晚發惡夢﹗﹗﹗

HEHHEHE...講講下個新工人都可以講咗阿旺...阿旺分明就是我的 "MARIO" 啦﹗


大家LIKE咗我地個PAGE未呀?

2012年8月28日 星期二

出水大頭妹

過相的時候發現上次游水的blog未出﹗(大頭姨姨好辛苦幫我影相的,一定要出返﹗)
比阿旺見到,佢話我又出賣佢的 "肥肚"﹗
唓﹗如果佢自己無肥肚,又點會比我出賣到﹗

話說我地住的屋苑沒有會所,
最近的游泳池要行大約10-15分鐘先到,其實都ok唔算遠,
不過因為是室內泳池,次次去大頭妹遊一陣就會咀唇發紫﹗
所以次次返媽咪屋企,如果天氣ok的話,都會同大頭妹去游水的﹗


落水啦﹗


幾開心﹗



點解呢個位會有水淋落嚟呢?﹗


佢就是傳說中的 "水上漂" ﹗


大頭妹同我一樣好鍾意游水﹗

同常玩到太陽伯伯落山就要走﹗



屋企有會所真是好,一游完水返上樓就可以沖返個熱水浴﹗

大家LIKE咗我地個PAGE未呀?

2012年8月27日 星期一

產後返工敗家誌

真是好耐好耐都沒有出敗家誌﹗

今次生完小丸子,好快修身,仲快過上次生大頭妹的時候﹗好快可以買新返工衫啦

星期五偷雞著短褲返工
TOP: EARTH MUSIC & ECOLOGY
BOTTOM: LILY BROWN

出席BLOGGER EVENT又著新衫﹗
TOP: EARTH MUSIC AND ECOLOGY
BOTTOM: MOUSSY


仍然是EARTH MUSIC & ECOLOGY,因為平靚正,呢3件TOP,每件都是 $400以下,又返得工﹗
TOP: EARTH MUSIC & ECOLOGY



返工無得著牛仔褲,襯西褲一樣OK﹗
BOTTOM: UNIQLO


呢件白色TOP長長地身,又遮晒手臂,著得特別瘦﹗襯西褲都好好睇﹗


日日都著同一對高跟鞋...下一個目標一定是鞋啦﹗

反而買了2對新波鞋比阿旺﹗

NIKE跑鞋﹗希望佢會KEEP住跑步減肥啦﹗

仲有一對ADIDAS﹗可以星期五返工著﹗



其實因為佢之前幾對波鞋都著到快爛啦﹗9月又要出TRIP去印尼,出BUSINESS TRIP要好好睇睇嘛﹗一陣去到爛咗,又唔知去邊度買﹗


大家LIKE咗我地個PAGE未呀?

2012年8月23日 星期四

小丸子 4個月啦﹗


小丸子 4個月啦﹗BB的時間真的好珍貴﹗
其實如果有得選擇,我希望遲一年先有小丸子,可以同BB時期的大頭妹玩多一點﹗
然後再有BB,我真是好鍾意小BB

之前沒有在BLOG提及過 (又可能有...不過我忘記了),

其實小丸子是我同阿旺 "計畫中的意外"
懷孕當然不能選擇時間,就當我同阿旺在大頭妹 1歲之後,大家計劃一下應該幾時要多一個的時候...
我地都覺得是 "時候"...點知...就即月 "中" 咗 "小丸子" 啦﹗
所以有小丸子比我地預期早了來臨,是我地 "計畫中的意外" (因為上次 "大頭妹" 努力了半年﹗)。

講到離題了...講返小丸子。

今個月要返健康院打針,我同阿旺都沒有時間,最後由奶奶同工人姐姐帶小丸子去健康院﹗
我事先寫好醫生會問的問題,例如: 小丸子一日食幾多餐奶,幾點瞓覺,大便的時況...
其實我都估到小丸子會超重...只是我估不到...佢超出晒 97%成長線...OMG
醫生話無可能叫BB做運動減肥,所以只可以 "節食"

唉﹗之前小丸子 "細粒" 的時候,我都有問醫生,BB是不是不知飽,
當時醫生又叫我 "FEED ON DEMAND",佢想食就比佢食﹗
現在忽然要 "節食",真是有少少難度,
我地現在比 4OZ佢,佢食完 4OZ,我地一拎開個奶樽,佢一定即喊﹗
有時再比 3OZ佢都食得晒 (即是食 7OZ)﹗
所以好多時都會比 6OZ佢,但有時都仲會喊﹗
我埋身再餵,佢可以照食20分鐘﹗﹗﹗
醫生叫我地一餐比 5OZ佢食就夠了﹗仲要戒夜奶﹗

講起夜奶...上次 3月的成長誌話小丸子戒了夜奶...誰不知一講完,佢就食返啦

今次打2針,奶奶話佢喊得好大聲,仲好長氣﹗
我成日見人地的BB都只是喊2聲,我 2個囡都好怕打針﹗
返到屋企到夜晚都沒有發燒,不過瞓之前都比了退燒藥佢食 (針口都會痛)。
再下一次返健康院就 6個月啦﹗


大頭妹 23磅,小丸子 17磅,相差 5磅,簡直是我同我阿妹的 "翻版"﹗

Related Posts Plugin for WordPress, Blogger...