2015年4月29日 星期三

小丸子第2、3﹑4﹑5堂溜冰堂

眨下眼小丸子就已經上咗 5堂溜冰啦﹗已經上完第 1 ROUND 的 5堂啦﹗其實真是估唔到,原來小朋友學溜冰又真是幾快﹗咁又係我想當年小六去學溜冰,應該1-2堂就學識,之後係學後溜,唔同的步法,不過依家已經唔記得晒,唔係就唔洗帶小丸子去上堂啦﹗

上完第 4堂的時候,教練都有問下我地仲學唔學,其實上完 5堂,真是連 3歲的小朋友都可以自己溜到幾步,教練就 RECOMMENDED 我地上多 2 期,即是 10堂,小朋友就應該可以自己溜架啦﹗同埋都要練習下﹗教練建議我地上堂前半小時比小朋友練習,咁上堂的時候就已經 WARM UP咗,一上堂就 "醒目" 啲,習慣咗係冰面行﹗所以我地由第 6堂開始,就會早少少入去練,HEHEHEH...到時再講下有冇 IMPROVEMENT先﹗

睇下佢幾開心?﹗


第 3堂﹗原來已經可以自己溜一小段﹗


第 4堂...睇下小丸子幾百厭...拎起張櫈嚟行﹗

上第 5堂之前,係屋企發生意外,小丸子著完襪,係屋企跑,成個撻低咗 (對襪無防跣),之後上溜冰,佢非常小心,好似食咗幾啖豬油膏咁﹗唉...又要由頭嚟過,希望過多 2堂就無事啦﹗快啲回復正常啦﹗

大家 LIKE 咗我地 FACEBOOK PAGE 未呀?未就快啲 LIKE 啦﹗


2015年4月28日 星期二

BBQ + 打保齡@兒童節


2015年4月4日 (星期六)

兒童節約咗【國皇】同 【80後媽咪】一家 BBQ﹗HEHEHE...真是要多謝 MANDY 同 VINCENT 的安排,由 BOOK 地方到食物,都安排好晒﹗真是辛苦晒﹗

其實真是好開心寫 BLOG寫到識到好朋友,仲唔只自己識到朋友,連自己的小朋友都識到朋友﹗大頭妹同小丸子都好鍾意同 MANCENT﹑朗朗﹑魚仔﹑MARCUS 玩﹗自從今次 BBQ完仲更加鍾意,成日星期六﹑日一起身就問我係唔係約咗 MANCENT 同 魚魚,有時仲老屈我話我同佢地講約咗﹗我唯有同佢地講,你地女仔嚟架,唔可以咁無 "矜持" 架﹗雖然我估佢地都唔知我講咩﹗

講返個日BBQ﹗因為阿旺要拜山,我同大頭妹小丸子就先行出發﹗之前話復活節期間會落雨,好彩之後假期都無落雨,日日都可以出街玩﹗



小朋友先開餐啦﹗

小丸子自己食﹗

大頭妹...唔想食...佢淨係想玩﹗BTW...佢個白兔頭係話要紮比朗朗同 MANCENT 睇﹗依家啲女仔真係好識貪靚﹗

小丸子自己坐上韆鞦問有大人想推佢...佢都傻嘅...我同佢講,你等爸爸啦﹗

BBQ完就打保齡﹗

大頭妹同小丸子都好開心﹗佢地都係第一次打真的保齡﹗

小丸子...真是寧捨 "港女"﹗

大頭妹又成日擺埋啲唔知咩奇怪 POST...




過咗一個好開心的兒童節﹗


2015年4月27日 星期一

靚媽週記:又是新鞋子

好一陣了無寫靚媽週記,因為之前唔知係唔係用錯護膚品/ 壓力/ 賀爾蒙,出到成面暗瘡,都唔想影相,依家終於都好返好多,真是開心返晒﹗﹗﹗

最近襯 i.t. 減價,買 4件 7折,即刻去買之前睇中個對鞋,咁 4件先 7折嘛,所以又買咗 1件衫﹑1條褲,同多 1對鞋囉﹗我已經好有節制,但亦都已經後悔中,點解買咁少﹗一日都是大頭姨姨,不停同我講 "你 7月去日本先買啦﹗",但 7月是 3個月後喎﹗﹗﹗點等呀?﹗

 好啦﹗去相﹗﹗﹗

第一對是今年大熱銀色鞋﹗原價 $899,7折後 $630﹗同我平時買開 JELLY BEANS 的價位差不多﹗

真是好靚呢﹗我著鞋好粗,所以唔可以買太貴的,通常 1季就比我 KO,我真是要小心著呢對鞋先得,銀色一花...就唔靚架啦﹗貪靚丸一見到,就雙眼發光,話要試著﹗我同佢講,你唔洗試,你一定唔岩著﹗

之後呢對黑色,一樣 $899,7折後 $630,是我以前最愛的 3寸高跟鞋﹗著上腳真是好靚,其實仲靚過銀色個對,又幾舒服 (不過未著過出街,呢刻話佢舒服都是言之過早﹗),主要是我要買夠 4件,所以就買咗啦﹗

尖頭加3寸幼踭,真是"無得輸"﹗

之後到衫褲啦﹗

我就是買咗呢 SET﹗件衫好似 $429,7折後 $300,條褲就 $399,7折後 $280,我覺得都OK抵吖﹗我鍾意件衫是衛衣料,"襟" 著啲﹗

另外無買嘅就是呢件白色 TOP,都是衛衣料,不過因為呢件有分 SIZE,我試咗 DISPLAY 個件 S SIZE,我覺得有少少緊,而且佢長袖,我覺得夏天一定著唔到,所以就算鍾意呢件多啲都無買到,希望去到日本真是會見到佢啦﹗﹗﹗如果 DISPLAY 個件是 M SIZE,我就可能買埋佢架啦﹗其實...依家都仲是好後悔...嗚嗚嗚...

好啦﹗買完 4樣野,我破產啦﹗收工﹗


大家 LIKE咗我地個 FACEBOOK PAGE未呀?未就快啲 LIKE啦﹗



2015年4月24日 星期五

試飲白蘭氏® 當歸雞精

 

多謝 she.com 的邀請﹗今次試用的產品是白蘭氏® 當歸雞精 (產品由百蘭氏提供)﹗

其實講起雞精,會令我諗起我嫲嫲,以前嫲嫲好鍾意買雞精比我飲,話我成日面青青,另外次次考試嫲嫲都會整熱雞精比我飲﹗我上一次飲白蘭氏雞精已經是生完小丸子之後﹗當時好似未有當歸雞精,我記得我是飲 "原味" 的﹗原來依家已經出咗好多唔同的雞精,有當歸雞精﹑CS4蟲草雞精,仲有學進雞精﹗

起初收到白蘭氏® 當歸雞精,仲好怕會好勁當歸味,飲落都 OK 易入口 (我本身好怕當歸味),都是雞精味為主,但就有少少甘甘地。睇返成份,原來都唔只當歸,仲有好多其他藥材配合:雞精、當歸、熟地黃、黨參、山藥、茯苓、川芎、甘草。仲不含脂肪、膽固醇、人造色素及防腐劑,成份天然, 更易吸收。 


 原來白蘭氏® 當歸雞精,係同中醫合作硏製,配方是根據傳統八珍湯改良而成,專為女性調理身子。有補血活血﹑舒緩眩暈氣虛﹑令面色紅潤的功效但是經期,同懷孕期間就唔可以飲架﹗ 


白蘭氏® 當歸雞精1盒有6支 ($99),建議飲用方法是: 連續兩星期,每天早上及晚上各飲一樽。之後每星期飲用兩次,每次一樽,空腹飲用效果更佳。

又是師奶計數時間,即是一次過買 5盒,都唔洗 $500,飲到 1個月 (扣返經期唔飲得)。依家好似仲有買 4盒送【葡萄籽添加硒】,可以幫助肌膚抵抗紫外線侵害﹗之後就是 1盒 $99,飲到一個月 (一星期 2支,又是扣返經期唔飲得)﹗咁如果是夾到個人體質,就好過去睇中醫調理,我上年睇咗成萬蚊中醫,但唔飲中藥之後,一陣又打回原形﹗(我明...始終都要做運動配合﹗)


 
白蘭氏雞精好方便,一開就飲得,我自己鍾意凍飲,會易入口啲﹗老人家就一家話要加熱飲,以前嫲嫲都是加熱比我飲,不過應該都是加熱飲好啲嘅,中醫成日都叫人唔好飲凍野架啦﹗但如果加熱,千祈唔好直接將鷄精原樽直接放入微波爐呀﹗

如果想知更多產品資料,可以去白蘭氏網頁睇下: 

 呢期仲有14天好氣色挑戰】: https://apps.facebook.com/brandssp/

2015年4月23日 星期四

和式晚餐@20150327


3月中奶奶去日本旅行,買咗啲魚生同手信上我地屋屋,原本應該是我地上老爺奶奶家,不過因為我 2個寶貝,星期二﹑四﹑五,放學都有興趣班,走唔開,唯有要奶奶就我地啦﹗

配合返魚生同三文魚籽,我放工快快手去 AEON 買多幾款刺身﹑牛扒﹑仲有整壽司的材料,之後就返屋企預備晚餐啦﹗

我的拿手壽司卷﹗

阿旺牛扒

冷麵是最簡單的,買現成的冷麵汁,幾分鐘就食得。OH...寫 blog 先記得應承幫奶奶買,仲未買﹗個日是因為我生大粒痱滋食唔到飯,整個冷麵比自己食﹗

今次小丸子發達啦﹗佢勁鍾意食三文魚籽架﹗平時去元氣,一坐低就會問我可唔可以拎,佢今次一坐低真是打算成碟食﹗﹗﹗

蟹腳好好味﹗

以下都是我係 AEON 買的啦﹗

魚是奶奶係東京帶返嚟...真是新鮮啲﹗蝦是 AEON的,$10/隻,阿旺話都好味﹗


HAHAH..我自己砌一碗魚生飯比阿旺同阿旺的哥哥食﹗驚佢地男仕唔夠飽﹗

 大家 LIKE咗我地個 FACEBOOK PAGE未呀?未就快啲 LIKE啦﹗


2015年4月20日 星期一

Mango Tree@20150330

2015年 3月30日 (星期一)

呀﹗真是估唔到 3月去了 2次 MANGO TREE,第 1次是因為大頭姨姨玩 FACEBOOK GAME中獎,今次就是大學同學 AMY 生日,佢話想食泰國/ 韓國菜,最後佢揀咗 MANGO TREE﹗

今次人多啲可以試多幾樣,不過我生咗粒超級無敵大痱滋,其實都唔係好食到野﹗今次點了: 冬陰公﹑炸蝦餅﹑燒豬頸肉﹑串燒﹑菠蘿炒飯﹑蒜蓉生菜?﹗﹑芒果糯米飯﹑西米糕。

冬陰公...我隻蝦...係霉嘅...我生痱滋食蝦已經好高難度,點知係霉嘅...不過我相信係個別情況,我見我啲同學仔都食晒啲蝦。

炸蝦餅好好味,好味到 encore 咗一轉。

燒豬頸肉都好好味﹗

沙嗲串燒都好好味﹗

菠蘿炒飯一向都是泰國菜中我的最愛﹗

其實我食完都唔知係咩菜...因為朋友明明叫芥蘭,但呢碟點都唔似芥蘭﹗唔係生菜咩?﹗

芒果糯米飯...唔知點解...好似比上一次大碟﹗

西米糕好味,不過呢 4粒要 $78...有少少貴﹗

2015年4月19日 星期日

【大頭姨姨】杜拜遊記 20150220 Day 3

杜拜的第三天
食過早餐後就告別JW,向Atlantis The Palm棕櫚島亞特蘭蒂斯酒店進發!
Atlantis The Palm位於杜拜最大的人工棕櫚島上,呢個就係佢的全貌喇!左上角的那位[唔記得個名?!] 就係構思人工島呢個idea同有份出錢去打造的人!
P2200748 

搭咗大約5分鐘左右的無人駕駛[?!] 就到喇! 20150220_161648

酒店分為東西兩翼,連接住中間最頂頂個部份係超級總統套房—Royal Bridge Suite!有成924平方米!真係容納百多人開party都無問題!
P2211029

[Floor Plan來自酒店官網 https://www.atlantisthepalm.com/hotel-rooms/signature-suites/signature-suites-royal-bridge]
Royal Bridge Suite

香港有水底餐廳,極盡奢華的杜拜就連水底套房都有!酒店共有兩間水底套房—Poseidon and Neptune Underwater Suites,共有3層,每房面積165平方米!住入去名副其實就係係水底瞓覺,連沖涼時d魚呀鯊魚呀都係隔住塊玻璃的隔離陪住你!真係唔知你睇佢定佢睇你?!
求其係官網揀個6月平日的日子check下價格,水底套房一晚要USD5,445,約HKD42,xxx,Royal Bridge Suite再貴幾倍要USD17,697,約HKD138,xxx!真係住一晚都已經去到1x次日本[唔計掃貨]!
究竟呢d咁奢華的套房到底係比咩人住o既呢?!又或者到底有無人會住?!
[Floor Plan來自酒店官網 https://www.atlantisthepalm.com/hotel-rooms/signature-suites/signature-suites-underwater]
Underwater Suite

酒店內有21間餐廳、酒吧、酒廊,當中仲有米芝蓮餐廳,NOBU就係其中一間!
P2210939

無得食米芝蓮,繼續第n餐自助餐!
P2200788

今次呢間選擇都算ok!
P2200777 
熱盤區P2200778

熱盤區x2
P2200779

冷盤區
P2200782

甜品區
P2200780

杜拜食自助餐咁算係豐富o架喇!P2200775

仲有雪糕食
P2200774

食飽就去check in喇!酒店大堂的標誌!對咗佢3日都諗唔到到底佢表達緊d乜?!
P2200792

辦理完check in,飛奔返房放低d行李,都來不及望清楚間房又要出發去沙漠越野四驅車之旅!亦算係呢個旅程最好玩的節目吧!
因為行沙地同馬路唔同,所以入沙漠前司機大哥要先幫條呔放氣!
20150220_204408

我哋順道又可以參觀下當地的小店!嚟咗杜拜3日,終於見返d有阿拉伯feel的!十分地道的雜貨店!
P2200799 

 等齊車隊就出發喇!沙漠中神秘的鳥?!
20150220_205827

誰不知出發未夠5分鐘,就有意外事故!其中一架車卡住咗係小山坡上面!全部司機即刻衝晒落車研究對策!即刻明白點解要等齊車先出發!大家要守望相助!
20150220_210536

個頭拯救完一架車,轉個彎又見到另一架車有麻煩,雖然唔係我哋車隊的車,但大家都即刻衝落車幫手!話咁快就幫手換完呔!
平時電視有「六嚿腹肌拯救隊」,杜拜呢個沙漠有「唔知有無六嚿腹肌拯救隊」!
P2200801 

 玩完廿多分鐘的越野四驅車,就到達今晚開餐的地方喇!係沙漠食自助餐!其實即係食沙啦!
P2200811 

 有得玩畫手、吸水煙[?!],外面仲有得騎駱駝!
P2200803

飯後餘興節目—肚皮舞表演!
P2200842

雖然食咗成晚沙,但都算值得參與的節目!玩咗一日返酒店!
P2210849  

其實如果只係間房的內部,好似JW比較靚d!
P2210854 

 比較傳統的設計!
P2210850

P2210844

呢間房最特別的就係浸浴時可以望出去睇電視!浸耐d都唔怕悶啦!
P2210860   

還有引人犯罪的東西!
P2210866

Related Posts Plugin for WordPress, Blogger...