2014年9月30日 星期二

靚媽週記: 教你化明亮大眼裝 Lancôme Grandiose Mascara


我好認同 "世界無醜的女人,只有懶的女人" 這句說話,所以我自大學時期開始已經好貪靚﹗只可惜後來,做咗媽媽,真是將自己的時間比晒 2個囡,依家每日化妝出門返工,我只有 15分鐘,所以揀化妝品的時候,一定要揀好用﹑易用﹑有效果的﹗今次多謝 she.com x Lancôme 邀請我試用新出的 Lancôme Grandiose Mascara﹗

其實 Lancôme 的睫毛液一向都出名濃黑,而且非常防水﹗今次新推出的 Lancôme Grandiose Mascara,一開售就係短時間內賣出過百支﹗真是非常厲害﹗今次我有得優先試用真是好開心﹗等得就同大家試下佢有幾好用啦﹗

哈哈﹗先送上一個素顏照,真是連自己都覺得有一點點嚇人﹗(最近工作壓力大,皮膚不太好,已經在看皮膚專科醫生呢﹗)

懶人化妝第一部,用 2隻深淺顏色不同的粉底,我本身熟於大面,要用深色 1-2度的粉底收返個 "V面"﹗

搽遮瑕膏,其實我唔太 "講究",不竟只有 15分鐘,我會用唇膏狀的遮瑕膏,直接點落要遮的地方: 暗瘡﹑斑﹑黑眼圈,再用手指輕輕印開﹗(下圖係未印開的)

好啦﹗考下大家眼力,下圖同上圖有咩唔同呢?﹗除咗畫咗眉之外?﹗

無錯啦﹗我貼咗雙眼皮膠紙﹗其實只要 3秒﹗不過效果就好明顯啦﹗(同戴隱形眼鏡差不多時間﹗)


成對眼即時唔同晒﹗

好啦﹗開始今日要講的 "明亮大眼" 裝啦﹗一對明亮的大眼一定唔少得又長又濃密的睫毛,其實平時我有時唔化眼裝,我都會塗少少睫毛液,望落會精神好多﹗


我通常用啡色眼影,簡單易襯,少失手﹗

登登﹗主角出場啦﹗今次Lancôme Grandiose Mascara 的設計外形真是好精美,個蓋頂位是透明,印上 Lancôme 標誌的花花,份外高貴﹗

先比大家睇下呢支Lancôme Grandiose Mascara的真身啦﹗佢是首支Swan-Neck鵝頸形睫毛刷柄的睫毛液﹗係唔係好特別呢?﹗連廣告都用上 "黑天鵝" 來做主題,非常吸引﹗

咁特別的設計當然有佢的用處﹗佢可以輕易配合眼眶曲線,唔會容易整花塊面﹗每根睫毛都可以均勻咁塗上睫毛液,塑造出羽扇形散開效果

佢25度斜角的曲柄,配合整體面部輪廓,連下眼睫毛﹑眼頭,平時比較難塗的部位,都可以輕鬆完成﹗用法上同平常的睫毛液其實無好大分別,好處是容易操控﹗

佢話24小時持久,我就未試用過 24小時,不過由返工到返屋企都保持廣角羽扇效果,而且唔會有 "熊貓眼" 老實講,用睫毛液同眼線筆,我都好怕會用到化開晒,有熊貓眼﹗你知啦﹗我地女人去到咁上下年紀,如果成日要印返個熊貓眼走,好易出眼紋架嘛﹗

大愛佢極濃艷的黑色﹗出嚟個效果好明顯﹗尤其是下眼睫毛位都照顧得好好,真是非常貼心的設計﹗


我覺得無論增長同濃密的效果都好好,我用完之後,已經比幾個人問我係唔係 "植咗假眼睫毛"﹗唯一的唔好處是落妝比較花時間,要卸 2次先完全乾淨,不過亦即是佢好防水防油,針無 2頭利,做人唔可以太貪心嘅﹗

*產品由 Lancôme 提供 (價格: $295)。


如果你有興趣知道更多資料: 請到:

2014年9月29日 星期一

產品試用: 位元堂小兒清熱散




多謝 she.com 的邀請,今次大頭妹同小丸子可以試用『位元堂小兒清熱散』啦﹗

自大頭妹小丸子 bb 期開始,我就比開奶茶佢地飲,一星期 1 - 2次當是保健,到依家都有飲﹗當時大頭婆婆好好奇,點解我會比開奶茶/ 猴棗散/保嬰丹,這類中藥保健產品比 bb 食,佢自己唔信中國人的一套﹗哈哈...可能因為我之前係保健產品公司做,有時都會同中醫傾下,耳濡目染下都相信中國人中草藥保健養生的一套﹗

小朋友總是鍾意香口食物,我自己係一個零食怪,2個囡跟住我,我基本上都由得佢地食,唔想佢地食的時候,有時唯有偷偷食,又或者等佢地瞓咗先食﹗我知有啲家庭好嚴格,完全禁止零食,不過我就覺得其實無話幾多歲可以開始食零食,返幼稚園之後,佢地學校開 party,就自自然然有得食﹗最近我買殼物早餐比大頭妹同小丸子食,佢地唔鍾意加奶一齊食,就咁食我都覺得好熱氣,所以真是要 "定期" 清清熱﹗

今次轉飲位元堂小兒清熱散,建議食用方法是教用小量溫水混和服用,我就加入奶比佢地一齊飲﹗不過就會沖細樽啲奶,例如: 大頭妹平時飲開 6oz,我就沖 4oz,小丸子飲開 8oz,我就沖 6 oz,等佢肯定飲得晒﹗當然如果要最佳服用效果,都是跟返建議食用方法是教用小量溫水混和服用啦﹗

1盒有 10支﹗

位元堂小兒清熱散含牛黃、水牛角有助清熱解毒,太子參益氣健脾,薏苡仁、茯苓、廣藿香祛濕健脾﹑調理腸胃,配合其他中藥材菊花﹑甘草,無添加劑,針對小兒熱氣! 位元堂香港製造,當然是信心的保證啦﹗


可能比較唔受得潮,我見有防潮珠 (要小心放好,唔好比小朋友食咗呀﹗),同埋寫明開咗之後要放雪櫃﹗


產品由位元堂提供。

銷售點:位元堂門市﹑屈臣氏及特約藥房
查詢電話:2727 8911




2014年9月25日 星期四

今天是快樂的星期五

 嘩...啲 blog好慢,因為最近 blogger 個 apps 成日都 upload 唔到相,一個 blog 幾張相,要 upload 幾日,所以拖慢晒我的進度,講返上上星期五﹗

最近好少同 2個囡出去玩﹗我成日覺得小朋友要多啲出街玩先開心,可惜最近阿旺忙到暈,唔好話 2個人拍拖,真是同佢同枱食飯都難﹗我真是好唔鍾意咁嘅生活﹗無奈阿旺覺得無問題﹗係都要搞到自己無事忙﹗

為咗遷就阿旺的放學時間,今次好大手筆,去太古城的冒險樂園玩,平時多數去AEON的夢之島,玩 2-3局,即是 $20都唔洗,今次去玩波波池,大約要 $50/ 位,2個即是要 $100﹗可以由 5:30pm玩到 10:30pm,玩足全晚﹗玩到 8:45pm去冰場旁邊的餐廳搵定位就差唔多時間啦﹗爸爸要 9:00pm先放學﹗

有大波波池玩又真係開心嘅﹗

不過 $100/次,真是唔會成日去玩呢﹗

呢個 AREA有發射器,唔知點解小丸子會 "扮死",佢行行下有個小朋友發炮,佢竟然瞓底扮死...笑到我肚痛﹗可惜我影唔到﹗


岩岩有生日會,所以有好多小朋友﹗



今日發現大頭妹好大膽,好有正義感,不怕強權﹗有幾個大少少的小朋友蝦一個小朋友 (其實係其中一個小朋友的妹妹),佢竟然走過去幫人出頭﹗同其他小朋友講,你地唔可以咁架﹗

我只係係旁邊睇,希望佢自己可以處理,結果其他小朋友無理佢走咗﹗

之後個班小朋友又唔比小丸子同佢地一齊玩,大頭妹又同人地講佢係佢妹妹,可唔可以同佢一齊玩﹗

預 8:45PM走,玩到 8:15PM開始同佢講,差唔多要走,之後佢 5分鐘又 5分鐘,終於係第 3個 5分鐘時要佢一定要走啦﹗

去 DELI & WINE食 DINNER,不過其實佢地好早收,我未夠 9:00pm入去,入面個 AREA已經 CLOSED,搞到我勁驚等唔到阿旺放學﹗



大家 like 咗我地個 facebook page未呀?﹗未就快啲 like啦﹗




2014年9月24日 星期三

Shoe Box Art Jamming Mini Event



多謝 SHOE BOX 的邀請,我地上上星期六出席了 SHOE BOX 的 ART JAMMING MINI EVENT﹗地點就是 SHOE BOX 海港城的分店﹗原來今日個 ART JAMMING EVENT,其中一個環節是之前 SHOE BOX 『小鞋設計師創意設計比賽』的獎禮﹗請了 DJ "朱薰" 作嘉賓﹗佢囝困好可愛呢﹗

去到有 REFRESHMENT,小朋友就最開心啦﹗睇下小丸子幾好笑容﹗

小丸子: 媽咪...影完未?﹗我可以埋位食未呀?﹗

著名 DJ朱薰...我當時諗...其實佢真係好似呔媽﹗

點解小丸子咁嘅樣?﹗因為無得飲檸檬茶囉﹗

REFRESHMENT之後就是 ART JAMMING的時間啦﹗

睇下小丸子幾心急?﹗

大頭妹就油得好仔細﹗

好彩有靚靚姐姐幫手,小丸子都油得似模似樣﹗呵呵呵...我見佢油得鬼唔馬綠...我閃咗去大頭妹的另一邊...扮唔識小丸子...靚靚姐姐見佢一個 2歲小朋友孤伶伶自己畫,就去幫下佢囉﹗

好好彩...到最後...呢杯水都無倒潟...

大頭妹自己油都油得唔錯,當然...DESIGN的人是我﹗

最後影大合照﹗﹗﹗右下角的 2幅就是大頭妹和小丸子的作品﹗

大會送出一對 BIBI鞋比大頭妹同小丸子﹗HEHEHE...佢地就好啦﹗又有新鞋著﹗

BIBI 是來自巴西,佢的鞋墊好特別,是有激活機能,刺激小朋友腳底,好似我地行石春路的原理,不過當然唔會痛啦﹗



外形仲好靚架﹗呢對係小丸子的﹗HAHAH...係小丸子自己揀﹗有 3個色,佢話要粉紅色﹗小丸子學校可以著自己鞋﹗又多一對靚靚返學鞋啦﹗我之前仲買咗 2對比佢添﹗

呢對係大頭妹的﹗又係佢自己揀,我本來揀粉紅色比佢,佢自己話要紫色﹗


前面睇落好似好普通﹗後面有晒閃石好靚靚架﹗

Related Posts Plugin for WordPress, Blogger...