2013年3月28日 星期四

我的大頭甜心

最近真是累到極點,還好在公司沒有睡著
每晚做 ONLINE SHOP的事忙到 2:00才睡,
最近和小丸子一起睡 (之前有一段時間,小丸子跟工人姐姐睡呢﹗),
我 2:00瞓落床,佢 3:00就起床,時間較得剛剛好﹗
之後 6:00 佢又扭飲奶,7:30 我就要起身返工啦﹗
還好明天開始有 4天復活節假期,可以差一差電﹗

講返我個大頭甜心,前一個星期日食壽司大成功,可惜上個星期日失敗咗﹗
我唔知道原來屋企仲有蟹柳,整晒 2條都是吞拿魚,
可能因為得一款口味,佢只是吃了一條﹗
又是食芝士就最快,不吃蘋果了...日本蘋果來的喔...只是吃了一少塊﹗

已經盡量整得美觀一點,又出動 "公主碟" 啦﹗可惜都是失敗﹗

一開始的時候都好地地,不過我依家忽然記得,我一邊整的時候佢有偷食 1-2件﹗

佢一邊食的時候我又一邊加...heheheh...又多返一粒﹗


咁佢可能食咗一條半壽司啦﹗不過我下次都係整返一條蟹柳加一條吞拿魚,又或者試下魚肉腸﹗

大家有沒有 LIKE我地的 FACEBOOK PAGE架?﹗
有 LIKE的,看了下面的一幅相,可能已經知道是什麼事﹗

話說有一日,佢係度撕我用來分貨的 POST-IT,一張張貼在書枱上﹗我見到就詐喊啦﹗
點知大頭妹見到我喊,知道是因為自己做的事,令媽媽喊...
佢就喊住同我講: 媽咪對唔住,你唔好喊啦!
哈哈哈,搞到我係 FACEBOOK 比大頭姨姨鬧﹗


大頭妹性格似我,好掘強,好細個已經會 "強忍" 淚水﹗


不過終於都是忍不住,但就只是一滴﹗


所以我成日話我叫 "寵壞" 佢,
"寵壞" 的意思是可以是媽媽的懷抱盡情笑﹑盡情喊,
不用 "’抑壓” 自己﹗
自己講到自己喊...我真是一個大喊包,
不過其實我都曷因為得到阿旺的愛開始,
先做到一個唔抑壓自己,盡情笑盡情喊的人﹗
大頭妹,ILOVE YOU﹗

小丸子,媽媽都好惜你架...可惜...你暫時仍然是家中的小霸王...

2013年3月27日 星期三

COCO ICHIBANYA

上星期五去試吉之島新開的 COCO ICHIBANYA,其實都唔新啦,佢係之前 "麻布茶房" 個位,再上星期有一次想去試,但要帶小丸子去睇醫生,睇完醫生去到 9:40PM,原來已經過咗 LAST ORDER﹗ 火頭山﹑大戶屋﹑COCO ICHIBANYA...原來都是收 10:00PM,LAST ORDER 都是 9:30PM﹗之後轉去食板長,依家 9:30PM後有 50% OFF (部份款式),所以上個星期五,一早已經講定出去食,想試下 COCO ICHIBANYA﹗

講返 COCO ICHIBANYA,其實香港已經有好多間分店,不過今次係我地第一次食,我同阿旺都覺得好好味喎﹗但食完 2個第 2日都喉嚨痛

小丸子呢個為食妹...自己食飯﹗


比佢自己食到 2粒飯﹗


最近成日都想自己食,成日搶匙/ 碗/ 叉,佢可能覺得自己攞到就有得食﹗

呢個大頭妹呢...唔食飯...玩 LOTION...

不停話要搽 LOTION﹗又去迫埋去同妹妹坐,明明之前同爸爸坐得好地地﹗
我的吉列豬扒咖哩飯,我要普通辣,比我平時用的中辛咖哩磚辣﹗

阿旺的吉列豬扒咖哩蛋包飯,只可以配普通辣﹗


工人姐姐的炸雞件咖哩飯,我幫佢點了辣度 3﹗應該都幾辣﹗


依家啲人...出街食餐飯都要不停 WHATSAPP/ CANDY CRUSH﹗


見我影佢扮無事發生過...

可以加 $20轉套餐,4選2,有湯/ 沙律/ 甜品/ 飲品揀﹗

阿旺的咖啡﹗
我的雪糕﹗

小丸子最近學識惜人,成日週圍惜人﹗

2013年3月26日 星期二

小丸子第5堂 PLAYGROUP

上星期六終於可以自己帶小丸子上playgroup,我足足病咗 3個星期﹗上一堂直頭是工人姐姐同小丸子去上堂咋﹗明明就係想同小丸子有多啲獨處的時間,所以先咁早上playgroup的﹗不過我好驚訝﹗今次我同阿旺一齊帶小丸子去上堂,我以為大頭妹一定會扭計啦﹗我同佢講爸爸媽媽同妹妹去上堂,返嚟同你去公園,佢竟然無扭計,走的時候仲同我地 bye bye﹗

上 咗 2堂 (我意思係我),感覺上 CPDA的內容比 SUNNY GARDEN豐富,唱歌玩玩具的時間少啲,每堂都有美勞時候,又有SNACK TIME,而且次次都OVERRUN,感覺上抵啲﹗唯一就係老師唔係 NATIVE ENGLISH SPEAKER,我估呢個亦係 SUNNY GARDEN的優勢。

今堂小丸子升咗上 12-15M班,其實未夠 12M架,不過老師話升得就升囉,其實內容好似都差唔多﹗係美勞的一PART明顯高LEVEL咗﹗升班之後時間好咗,上完堂我地仲去咗食華星,勁開心﹗

坐地鐵去灣仔﹗爸爸又打機,我要影低佢的罪證﹗


今日著條紅色裙,又戴晒髮夾,有冇女仔咗呢?﹗


小丸子好鍾意上堂,我 2次同佢上,佢都好開心﹗

玩玩具時間﹗


2姊妹真係好唔同,真係唔知同小丸子細啲開始上PLAYGROUP有冇關係,佢比較主動,CLEAN UP TIME都肯自己出去放返好啲玩具﹗

之後唱歌仔﹗


聽老師講解﹗

今日的THEME係訓練咀仔,玩吹羽毛﹗真係唔好睇小BB,原來佢地明老師講咩架,睇下小丸子DO到個咀幾長﹗


好似真係明喎,不過當然唔夠力吹啦﹗


之後再吹BUBBLES,不過今次小丸子想食多啲啦﹗

小丸子: 唔係有野食咩?﹗做咩放咁遠?﹗

小丸子: 都唔係有得食嘅?﹗我唔玩啦﹗


小丸子: 我今日學識 "吹水"﹗


小丸子: 噢...媽媽話女仔講野要斯文啲﹗

之後運動時間﹗
第一個round的時候都爬唔過架﹗第2個round就成功可以自己爬啦﹗


豬腳仔一隻﹗

之後又學行樓梯﹗


小丸子無似無咩興趣,行都未識行...要人行樓梯﹗

馬戲團獅子表演跳火圈﹗


小丸子: 我猜﹗


得咗﹗

小丸子: 爸爸,你仲唔讚我?﹗(佢當時真係等阿旺讚佢,因為我已經拍晒手,佢收咗貨,所以望住爸爸)

之後 snack time,我最鍾意呢個時間﹗有得睇為食貓等食個樣﹗

小丸子: 嘩...流晒口水啦﹗我仲要等幾耐架﹗


小丸子: 比我食住一粒先啦﹗唔係好覺嘅?﹗

小丸子: 唉...爸爸都無解嘅﹗

小丸子: 嘩﹗終於都有得食啦﹗

小丸子: 正呀﹗

小丸子: 快啲食晒有得添架﹗

小丸子: yummy﹗

食完第一round飲少少水先﹗

再食第 2 round...你估你去食buffet呀?﹗


之後係勞作時間﹗

今次係整復活蛋﹗

佢個樣幾認真?﹗

最近的唱歌時間﹗


爸爸飛到人走晒光嘅?﹗

唔知點解明明已經夠鐘,都玩多一個game﹗

放波波﹗


Related Posts Plugin for WordPress, Blogger...