2013年5月30日 星期四

小丸子學行



最 近小丸子開始學行,BB一開始識行,就好似去到另一個階段,HEHEH...搞到我唔係好想小丸子咁快識行﹗好掛住佢細B的時候,對於小丸子,我成日覺得 同佢影唔夠相,拍唔夠 VIDEO (相比大頭妹的時候)﹗希望自己真係可以抽多啲時間照顧 2個囡,雖然已經差唔多比晒自己的私人時間佢地,但做阿媽的永遠都覺得唔夠,尤其是我地 WORKING MOM

2013年5月29日 星期三

「美心家鄉風味粽」親子學堂及試食聚會



上 星期六帶咗大頭妹參加「美心家鄉風味粽」親子學堂及試食聚會,我一向都好鍾意傳統食品架,不過又真係未整過糉喎,今次有機會去美心總部跟大師傅學包糭,真 係好開心﹑好好玩﹗﹗﹗(不過我遲到,同大頭妹去到,一坐等就開始啦﹗即係...全部人等我一個...真係唔好意思啦﹗我係度同大家講聲對唔住﹗﹗﹗)
一早都知包糭唔易,但見師傅兩三下手勢就包好一隻糭﹗師傅話佢已經 "盡量" 慢鏡,不過我睇完都係毫無頭緒﹗大頭妹又唔比我離開佢視線範圍,我一行出去睇下師傅點包,佢就大大聲叫我 "媽咪,你唔好出去,你返埋位啦﹗你要幫手救安仔啲朋友 (TOY STORY)",我一擰轉頭,見佢攞住包糭圈繩,係枱放繩落地扮救人...。最後唯有返埋位,之後再捉住鄭師傅,逐個STEP教我一次﹗不過我成日覺我生完BB之後個人好似蠢咗...有咩理由包完第一隻,包第 2隻的時候,又唔記得晒吖﹗﹗﹗

師傅示範啦﹗


到我地開始包啦﹗已經預備好晒材料啦﹗

包到呢個位唔記得下一步,邊影下相,邊等師傅得閒教我下一個step﹗


我包糭...大頭妹就包自己...

我一邊包,佢又一邊同我爭繩...包到就出奇啦﹗

heheh...又真係比我包到喎,有師傅教路吖嘛﹗不過師傅真係幾嚴格,佢真係唔出手幫我,咁都好...我最後真係學識咗﹗後面個隻係第一隻包,包得幾肉酸﹗

hehehe...大頭妹掛住睇隻糭,唔肯望眼頭﹗仲不停話要食,未烚架喎...點食呀﹗

包完之後就開始試食,一次過試 5款糭呢﹗包括: 嘉興冬菇火腿鮮肉粽﹑客家土魷粽﹑秘製香滷牛筋粽﹑原隻鮑魚瑤柱粽﹑桂花豆沙粽﹗

嘉興冬菇火腿鮮肉粽,材料有五花腩肉﹑鹹蛋黃﹑冬菇﹑金華火腿。糯米用豉油浸過,所以顏色比較深﹗
客家土魷粽,材料有土魷﹑粟子﹑花生﹑腩肉。2款之中我比較喜歡呢一款,可能因為有土魷同花生,比較香口﹗

秘製香滷牛筋粽,我都是第一次食饀料是牛筋的糭,感覺好特別,又出奇地夾﹗可能因為牛筋好腍身,同 "肥豬肉" 的口感有少少似,不過佢唔係女人最怕的脂肪,反而是女人最愛的骨膠原﹗米用XO醬醃過,不過就唔係好食得出 XO醬味,但會食都少少辣辣地,都幾 "惹味"﹗

原隻鮑魚瑤柱粽,材料有原隻鮑魚同原粒北海道瑤柱,夠晒名貴,送禮就最岩啦﹗食就食唔到鮑魚味,不過就好香瑤柱味﹗

桂花豆沙粽,其實平時我就唔食 "甜糭",又唔愛桂花的,不過呢款唔太重桂花味,真係有少少桂花香,又唔會太甜﹗

尊貴薈萃禮盒,一盒有齊: 嘉興冬菇火腿鮮肉粽﹑客家土魷粽﹑﹑原隻鮑魚瑤柱粽﹑桂花豆沙粽﹗用嚟送禮夠晒大方啦﹗

2013年5月28日 星期二

大頭妹第一個運動會



上上星期六,一家人出席大頭妹幼稚園的運動會
,依家的幼稚園好厲害,連運動會都有﹗﹗﹗最近幾個星期都唔好天,當日零晨 4-5點仲好大雨,我仲以為一定去唔成,好彩之後又有陽光,不過就搞到好熱又濕﹗真是辛苦晒老師同小朋友啦﹗﹗﹗

今次又帶埋小丸子出席,其實成日都好矛盾,唔想丟低小丸子,但帶住佢其實好難可以ENJOY個活動,就好似運動會當日,全程只有爸爸陪大頭妹參加活動,我只有乖乖咁同小丸子坐係看台
﹗如果唔帶小丸子去,我就可以同大頭妹一齊玩,仲可以影多啲靚相﹗不過我知等小丸子大多少少,佢自己識行,就會好好多架啦﹗我比啲心機捱多一陣啦﹗﹗﹗

小丸子都要幫大頭妹打氣嘛﹗我發現佢不停搵大頭妹架,到大頭妹行返埋位的時候,佢好開心彈下彈下架﹗



又幾醒目喎﹗

當日都影唔到全家福﹗


原來大頭妹無咩運動細胞﹗


我之後有問返佢,佢話玩得好開心﹗﹗﹗


同男同學拖手仔啦﹗



大家LIKE咗我地個 FACEBOOK PAGE未呀?﹗

2013年5月25日 星期六

佳能EOS 700D 兒童攝影工作坊


上上星期五,我又一拖一帶大頭妹出席BLOGGER EVENT,今次是
CANON舉辦的 "佳能EOS 700D 兒童攝影工作坊",即是最近成日在電視見到拍攝 BB 成長片段的廣告呢?﹗當日 CANON 就請來著名親子攝影師 JENNY LEUNG,教我地一眾親子 BLOGGERS 拍攝小朋友的技巧同
竅門!﹗﹗同時即場試用 CANON EOS 700D幫小朋友影相﹗﹗﹗

老實講我覺得我無咩影相天份,睇我個 BLOG啲相就知啦﹗大機 (NIKON D90)/ 細機 (OLYMPUS PEN EP1)/ 手機 (IPHONE 4)都有齊,好多時用手機影嘅,啲人話最靚,都幾傷心
﹗﹗﹗不過上完今堂,我自己都覺得自己進步咗,真係好開心﹗
哈 哈,上完堂真是有少少衝動想 "換機",同我用開的D90比,佢真是輕身啲 (帶出街的機會會高啲,依家帶住 2個囡,真係好少帶大機),快門快過 D90好多 (咁 D90都出咗幾年...都好正常),像數高啲,啲相出嚟好似 SHARP啲 (我唔知係唔係關像數事,CORRECT ME IF I AM WRONG﹗)。ISO有成 12800,D90好似得 6400/ 3200,當 6400都多佢一倍﹗﹗﹗佢個MON 有 TOUCH SCREEN,仲可以 360度轉 (方便自拍)﹗﹗﹗不過都係個句,D90出咗幾年,直接比較其實唔公平的﹗﹗﹗

最最最重要是部 CANON EOS 700D好抵﹗淨機身都是 $6180,KIT LENS套裝都是 $7XXX- $9XXX (視乎配咩LENS)﹗﹗﹗不過我自己用開 NIKON,一轉牌子就連之前買落的鏡頭都用唔返 (雖然我得 2支LENS),真是要諗清諗楚﹗﹗﹗

先睇下活動流程啦﹗有理論有實習,小朋友仲有得玩,真是非常好呢﹗

JENNY由 2009年開始已經開班教親子攝影,而且自己都有一個 3歲的囝囝,對小朋友攝影,一定好有心得啦﹗﹗﹗


攝影的基本原素: ISO/ 光圈/ 快門/ 對焦,真是要好好記住﹗

當日得我一個帶大頭妹去,帶唔到小丸子,影下都一樣是肥B的 MARCUS,減低我到小丸子的思念﹗﹗﹗

平時又唔見你對妹妹咁友善?﹗

大頭妹...竟然去豬 MARCUS面....OMG...


開始實習啦﹗

JENNY教,每次影相的時候都要 "清楚" 知道自己想影咩﹗﹗﹗其實我好同意,因為我好多時都亂影一通,影完返屋企UPLOAD相的時候,先慢慢揀相,其實好多都唔要得﹗完全無主題﹗


BREAK TIME的時候,JENNY無意間都教咗我地點 "氹" 小朋友影相,大家可以睇下下面 2張﹗

第1張: 係我同MANCENT爸爸不停叫MANCENT同大頭妹望鏡頭,睇佢 2個的表情就知佢地想食朱古力多過影相啦﹗
MANCENT: 我食得熊仔餅未呀?﹗
大頭妹: 仲影,影咗好多張架啦喎...張張你都唔岩心水...


第2相: JENNY過嚟講咗一句,佢地即刻做咗啲表情交功課啦﹗
JENNY: 邊個相食朱古力的 "MARK" 大個口﹗
就係咁...我就影到呢幅咁趣怪的相啦﹗


呢幅就對錯焦,對咗落包朱古力奶度,JENNY教影小朋友,應該對焦落對眼﹗


BREAK完又到第2次實習啦﹗今次要小朋友跑﹗平時如果用電話/ 細機,小朋友一跑就會矇,因為快門唔就快﹗CANON EOS 700D的其中一個賣點就係快門夠快,所以特別適合影小朋友﹗


睇返啲相又真係喎,幅幅都好清﹗

啲相真係 SHARP啲﹗

小朋友玩得好開心﹗﹗﹗

HHEHHE...POK姐,佢太得意,所以忍唔住影咗佢﹗



我發覺大頭妹係 PLAY MODE的時候真係好..."乖",咁多個女仔,得佢一個同 2個男仔跑來跑去...唔怪得老師話佢上堂好 "倒蛋" 啦﹗﹗﹗


最後比返部機的資料大家自己睇下啦﹗﹗﹗未有
數碼單鏡反光相機的朋友,又考慮中的,我極力推介﹗﹗﹗當你買部好少少的DC,都要$3XXX啦﹗

Canon最近隆重推出全新EOS 700D數碼單鏡反光相機,讓入門數碼單鏡反光相機用家同時享有高質素短片及相片拍攝,其簡易操控、輕巧設計及擁有快速精確的自動對焦與高感光拍攝能力,任何情況下亦能輕易捕捉清晰細緻影像,特別適合家長盡情記錄幼兒成長路上每個珍貴時刻。
EOS 700D配備1,800萬像素APS-C尺寸Canon CMOS影像感應器及DIGIC 5數碼影像處理器,重現細緻影像,其ISO 10012800寬闊標準感光度範圍,增添拍攝靈活性。EOS 700D擁有同樣卓越的短片及相片拍攝表現,透過混合式CMOS自動對焦系統(Hybrid CMOS AF System),配合STM步進馬達(Stepping Motor)套裝鏡頭,大幅加快EOS Movie全高清短片拍攝及即時顯示模式時的對焦速度,提供流暢、寧靜的連續自動對焦效果,方便捕捉孩子活躍好動的一面;配合多點觸控式多角度3.0Clear View II LCD螢幕,透過輕觸式快門令操控更靈活直接,任何拍攝角度都輕鬆自如。


另外吸引我的是個 40MM F2.8餅鏡,加埋個餅鏡一齊用,真是好輕巧﹗依家到 6月30日,同時買 CANON EOS 700D ($6180),加
40MM F2.8餅鏡 ($1680),仲送 SELPHY CP810輕巧相片打印機 (價值:$980)﹗
Related Posts Plugin for WordPress, Blogger...