2019年7月8日 星期一

壽司淳@20190625

2019年6月25日

今日約咗大學同學食lunch,去咗灣仔「淳壽司」,我都是第一次去,個人覺得午餐性價比極高,我點了8件壽司的set $280,有沙律、蒸蛋、8件壽司、烏東、雪糕/ 咖啡。平常係中環同一價錢,一定食唔到呢個質素!

沙律加入無花果,好清新。


蒸蛋好滑。


鮮帶子加蟹膏


池魚配海膽


油甘魚上面有少少柚子皮,味道好清香。


火灸右口魚,咬落去口感好特別,帶一點脂肪。


魚生上面有少少柚子胡椒。


吞拿魚


連卷物都好好味,入面是冬菇。


餐牌上無寫有烏東,食到最後已經好飽!師傅好好,仲會問夠唔夠飽,唔夠就整大碗啲烏東!


最後仲有我最愛既柚子雪糕!


朋友點了咖啡。


壽司淳    
網址: https://s.openrice.com/QrbS0Wrm700~u_4rQAQ
地址: 灣仔駱克道193號東超商業中心3樓
電話: 37088198

2019年7月5日 星期五

傻夫婦暑假京都大阪7天親子遊【御宿野乃難波天然溫泉酒店】



介紹下今次大阪入住的酒店【御宿野乃難波天然溫泉酒店】,book之前係agoda睇評分好高,有成9.1分,住過都覺得唔錯,值得推介。

首先,地點方便,近道頓堀(對面馬路就是)、心齋橋、難波都是8-10分鐘內步程。酒店有溫泉,我今次無揀去白濱/ 和歌山/ 有馬,無book 溫泉酒店,呢度有個細細地,都叫有得浸下,上次去完箱根之後,大頭小丸都愛上浸溫泉,比佢兩個去浸下。呢間酒店仲有一樣好特別的地方,就是有免費拉麵宵夜,我地今次住3晚,有2晚都去食咗拉麵。最重要是小朋友12歲以下,不加床免費入住,帶住2個小朋友,我一定睇清楚 child policy,以免入住時有咩問題。不過佢最近轉咗policy,係agoda訂小朋友都要比附加費,每位1000yen/晚,2個就2000yen,價錢差不多有好多其他選擇,帶小朋友去旅行的家長就要特別留意啦﹗

酒店係日本橋站,雖然唔係大站,不過轉車去難波都係一個站,唔轉車,由2號出口經地下街行去難波站都是8分鐘到,不過就記得帶住行理要行10號出口,最近酒店的是6號出口。

我地 book 的是 superior twins room,都可以開到2個夾,算是好寬敞,不過床就唔可以拍埋一齊。


有一張小沙發,夜晚可以坐係度食宵夜﹗


雪櫃比較細,不過樓下就有一間幾大的 7-11﹗


洗手間分開 2邊﹗


浴室都幾大,不過我地呢3日都無係度沖過涼﹗


廁所係另一邊﹗


浴室的用品都幾齊啦﹗






小朋友入住仲有 gift set,兒童牙刷﹑海綿﹑襪!


溫泉唔算大,我2晚都是大約11:00先去浸,都唔算太多人,夜晚返去食完宵夜,浸浸溫泉都唔錯。圖來自官網,因為唔可以拍照嘛﹗門後面仲有個風呂,比呢個細少少,另一邊仲有SAUNA。呢層仲有洗衣機,我地有一日出去游水,返嚟都有洗衫,洗衫係免費,要去大堂攞鎖匙,乾衣就好似 100YEN/ 20分鐘,我地200YEN 都夠乾一機衫﹗
至於21:00 - 23:00 的免費拉麵宵夜嘛﹗免費的當然無特別要求,所以覺得幾好味,最少第2晚大頭妹小丸子其實話想再食,不過阿旺就唔想浪費旅行時的quota!


嗱﹗有圖有真相,小丸子真係連湯都飲埋﹗


仲有免費泡菜﹗


另外都有免費的飲品: 咖啡﹑朱古力﹑茶﹑水都有﹗


我的綠茶﹑大頭小丸的朱古力,仲有爸爸的咖啡﹗


第一晚我地9:00多就到,岩岩係外面玩完未食晚餐,大約10分鐘,我地的號碼是 18號,到走時已經叫到 60幾號﹗


御宿野乃難波天然溫泉酒店
https://www.hotespa.net/hotels/nono_nanba/


2019年6月17日 星期一

饗和民@20190424



2019年4月24日(星期三)

應承咗2個女幾日話出街食飯,再去買文具,佢地用文具的速度十分驚人,一係唔見咗,再唔係就用爛咗,買完又唔見,再買再唔見!

問佢地想食咩,本來以為佢地都是話食元氣,點知大頭妹話怕有蟲,其實佢一向都食熟食,蟹柳卷、烏東、蒸水蛋,都唔知佢驚咩,不過小心駛得萬年船,佢話唔食咁可以試下其他,我本來想試下溫野菜,最後大頭揀饗和民!

由於我本來想打邊爐,所以點咗壽喜燒!



另外再點咗牛肉。


仲有拉麵!


炸蕃薯


炸雞軟骨


炸芝士





今次兩個都好乖食咗好多,下次可以再encore! 

饗和民

網上訂座享85折優惠兼賺里數    

網址: https://s.openrice.com/QrbS0w0K800

地址: 太古康山道1-2號康怡廣場北座地下G7-G8號舖

電話: 25606852


2019年6月14日 星期五

Dream Cruise 初體驗



2018年 1月5日(星期五)

呵呵呵,寫返成年前既 blog!上船的時候是 Dream Cruise 先首航個幾月,大頭姨姨有職員優惠,好似大約是$4000 一家4口一間海景露台房,3日2夜的海上假期,包足 5餐,都幾抵玩,同埋婆婆、大頭姨姨,姨丈,一行7人一齊上船。

其實之前係新加坡都上過 Cruise Victoria,郵輪的確好岩一家大細玩,係船上就已經有好多玩樂設施,玩攰咗可以隨時返房休息,上一次上船小丸子都未夠2歲!

第一次去啟德郵輪碼頭!




海景露台房的面積都算幾寬敞!有一張兩人床再加一張沙化床。


浴室都好闊落。




原來房間有雪櫃,總之買多少少飲品!


其實同一般酒店房間分別不大。




Request 唔到 connected room,不過都安排到隔離房。

因為放工先再去碼頭,其實上到船都少少夜,快快食個晚餐,再四圍行下行下有咩玩!


發現有個兒童天地,可以放低小朋友,我地大人就再四圍行下。


返到房小丸子甩咗第一隻門牙!


第二日起身再搵下有咩野岩小朋友玩,尋晚係兒童天地見到啲班,幫咗大頭小丸報咗pizza 同壽司班,要另外比錢,不過我記得都是百幾二百蚊到。




整完仲有餐食,都幾抵玩。

上到船都要行下禮品店同埋 Duty Free! 😂




哈哈,上船環島遊,唔洗買手信呱!


星期五晚上船,星期日早上落船,完全唔洗請假,又唔洗plan 行程,其實都幾岩玩,週末比自己放個假,都幾寫意!


Related Posts Plugin for WordPress, Blogger...