2015年10月30日 星期五

大頭妹升小大作戰-第二回


第二次面試的學校是媽媽我客觀計算上好喜歡的,學校地方大﹑有游泳池(我細細個就好希望自己學校有游泳池)﹑有自己中學﹑80%以上升英中﹑同屋企的距離不算遠,大約半小時車程以內。不過都是4間學校之中,學貴最貴,但其實前後又唔係相差太多。

今次大頭妹又再次話唔想去面試,因為岩岩轉完幼稚園,佢覺得自己已經升咗上小學,佢問點解仲要見學校?!話自己讀返自己學校就可以啦!如果你幼稚園間小學是必收,我地就當然可以收工啦﹗

我同佢講,因為我地之前一早申請咗,學校寄咗信比佢,如果唔去就無禮貌。佢成日恨收信,一見到封信就話去啦!


今日同一個時段都有2個舊同學一齊見,所以面試之後,就約埋一齊食lunch,比大頭妹同同學聚下舊!

去食鼎泰豐!

淆肉,感覺上好多jelly,唔多肉!

小籠包就無得輸啦!

紅油炒手都好味!

紅燒牛肉麵點比小朋友食,大頭妹上次去完台灣食過都會食!

估唔到呢度的春卷好好味!

11月中就知結果啦!

大家LIKE咗我地個 FACEBOOK PAGE 未呀?未就快啲 LIKE 啦﹗

2015年10月29日 星期四

大頭妹小丸子【Mathconcept進度】



2個上 Mathconcept 都上咗一個月有多,最近都收到老師電話講返 2個的進度啦﹗

先講下小丸子啦﹗佢今次叻叻呀﹗我很少收電話老師是讚佢架﹗嗱嗱嗱...媽咪這樣說真是不太好 (笑)﹗老師話小丸子比剛剛開始的時候專心,最初只可以坐大約 30分鐘,之後就會開始周身郁﹗最近都頂到落堂前 5分鐘 (呵呵...進步了啦)﹗另外是聽 instruction 進步了,之前不是太聽講,老師有老師講,佢有佢自己做,最近就會聽完老師講再做。頭幾堂都是油顏色多,現在開始寫下數字啦﹗

到大頭妹啦﹗其實之前都是我教大頭妹的,所以有時方法可能不是太有效率,現在老師要再慢慢調整一下﹗例如之前我都是教大頭妹 "show hand" 拎晒啲手指出來數加減數,現在老師會教大頭妹用 "number before/ after" 的方法去做,咁多過 10的加減數,都會容易啲計到 (唔洗借埋腳趾...哈哈哈)。另外,老師都有建議我地係屋企做多啲 "口頭練習",例如數下 5-10-15-20,2-4-6-8-10之類,都會有幫助 (考小一唔比筆試,好多時都要開答問題,所以口頭練習都重要,呢點我完全同意啦)﹗下個月開始會教時鐘,學睇時間﹗

我其實都幾 "意外",我估唔到小丸子會識做這類型的功課﹗
好似這一頁是要圈出圖中的數量﹗
雖然只是 0 同 1,不過佢真是做岩晒﹗

眼仔碌碌...幾精靈﹗

這個圈 1-5 以內的數,小丸子都自己識做﹗

有填顏色的功課﹗

上了一個多月,現在寫字比之前進步了﹗已經可以比較控制到支筆﹗

大頭妹就開始學 +/- 混合,唔係一條算式 +/- 混合﹗
是一頁10條數入面,有加又有減,
等小朋友學自己睇算式﹗

依家進位/ 借位都難唔到大頭妹啦﹗
我唔要求佢學到乘數/ 份數,K3 學識基本雙位加減,已經好足夠了﹗


Mathconcept Learning Centre:
地址: 太古康怡廣場辦公大樓(康怡學林)5 樓 506 室
電話: 2535-6161
Facebook:https://www.facebook.com/MathConceptEducation


2015年10月27日 星期二

大頭妹升小大作戰-第一回

呀﹗其實掙扎咗一陣寫唔寫大頭妹考小一好?﹗畢竟都比較 "敏感"﹗ 最後都是決定寫,記低大頭妹成長的一點一滴,考小一相信都是人生之中重要的一部份(最少呢刻咁覺得,到佢大個/老咗,可能覺得一啲都唔重要/完全唔記得),但就唔會出學校名啦﹗我知...如果你都知...就我知你知算啦﹗(blogspot 又無 private 功能,又唔想開多個 private blog,我自己真是 manage 唔到太多 blog)

好啦﹗入正題﹗其實我最後都是幫大頭妹報咗 4間小學,1間直資 3間私小。好多人同我講,依家呢個年頭,報得 4間,好難考到﹗我都知我都明,不過到底報幾多間先岩?﹗無人知﹗

其實要一個5歲多的小朋友明白什麼是考小學,真是唔容易,我地之前都有帶大頭妹參觀小學的開放日,比佢大約知道就快要升小學,小學大約是點樣。

不過到面試的時候,大頭妹話唔想升小學,想一直讀幼稚園,唔想同同學分開!好彩第一間面試的學校,差不多半班同學都去考,所以就可以同佢講,大家都會一齊考,考到就可以再做同學啦!

  爸爸同大頭妹心理導中!

我地第一間面試的小學,是東區有名的直資小學,有自己中學一條龍,到升中時唔洗煩。因為直資,學費相對比私小平。仲要好近屋企,只是數個地鐵站,再行一小段路﹗

前後聽過3次講座,3次都覺得好impressive! 學校主張愉快學習,學生都好精靈活潑,岩岩今年中學部仲出咗2名DSE狀元,証明愉快學習,都有成績!

今年好似有3600幾人見,有1000人入2nd in,大約1/4機會,之後再揀400人 3rd in,即1/10機會,最後得120個位,唉...唔洗計,即是無咩機會。


大頭妹見完之後話滿意自己表現,我話獎佢食杯雪糕!

出blog之時,都出咗結果,大頭妹入唔到2nd in啦!其實都是意料中事,不過話無失望就假! 點知同一日下午,我地就收到幼稚園 K3插班面試結果,新幼稚園收咗大頭妹﹗嘩﹗我個日的心情,真是好似坐過山車咁﹗

大家LIKE咗我地個 FACEBOOK PAGE 未呀?未就快啲 LIKE 啦﹗

2015年10月26日 星期一

大頭妹閱讀進度(5y5m)

大頭妹讀書,從來都唔洗我太勞氣﹗ hehehe...雖然暫時只是幼稚園,我咁講好似言之過早﹗總之佢就唔係特別叻,但學校教咗嘅,佢都會記得﹗

終於買了 ORT 返屋企慢慢睇﹗之前想買好耐,又覺得圖書館都有得借,不過我邊有恆心個個星期同佢地去圖書館,所以都是買啦﹗之前係圖書館借咗 Level 5 同 6 比較過,大頭妹可以自己睇 Level 5,Level 6 要我陪睇,所以我買咗 Level 5,之後應該會買埋 Level 6﹗哈哈﹗其實係唔係應該買未識睇嘅呢?﹗不過我成日覺得有妹妹跟無所謂啦﹗衫就執唔到,書就一定執到啦﹗今次小丸子就真是 "執書" 啦﹗

ort 仲有個 apps,我都買咗,比佢當 audio book 咁聽,不過有時內容唔完全一樣﹗

我買的書是 stage 5,但係 apps 入面就 stage 6,可能唔同版啦﹗


同一個故事,有時書會多咗一兩句﹗

大頭妹最近勁鍾意 Inside out,所以我見到都會買﹗仲有一本是 Bing Bong 的番外篇﹗

step into reading 的 level 3 都 ok,字多但唔深﹗

另外個本 Disney read-along CD storybook,真是比較多字,要睇晒一本都要有少少耐性,暫時大頭妹就可以自己坐係度聽/ 睇晒一本,小丸子通常播到一半都無就走咗去﹗

Jolly Kingdom終於上到 Level 3啦﹗
由 K1下學期開始上,我地一星期一堂,要 3年半,應該上小學前就上完﹗
其實有冇用?﹗我可以話一定有用,不過一定要多練習﹗
我無同大頭妹溫 phonics,自己都唔係好識,好在大頭妹之前一直都是國際班,所以都有一定的底子,現在的幼稚園都有教 phonics,都可以溫習一下﹗


開始同大頭妹默下書﹗之前係 Cambridge 個 website download 咗 starter 的生字,依家一星期同大頭妹默一次,等佢有默書的 "概念"﹗


大家LIKE咗我地個 FACEBOOK PAGE 未呀?未就快啲 LIKE 啦﹗

2015年10月23日 星期五

大頭妹學琴 6個月進度 (5y5m)

9月的時候,突然有一日,大頭妹叫我唔洗再陪佢上堂啦﹗佢話自己上,我就同佢講好啦,比佢自己上,不過暫時都會 keep 住一個月陪佢上一次,跟下佢的進度﹗老實講,我成 20年前學,亦唔係學咗好耐,我自己都跟唔到佢進度幾耐架啦﹗佢依家自己話自己上都是好嘅﹗

點知上完第 1堂,老師出嚟話 "原來佢好多野講,今日上堂好多野問,又好搞笑...",再之後上堂,老師又話 "佢唔知做咩郁身郁勢,手位又擺得唔靚..." 。唉﹗唔通我真是咁大 "威力"?﹗我成日比人話我比太大壓力個女,但我一唔入去一齊上堂就作反喎﹗咁點計先?﹗

加埋因為中間轉校,我又心神恍惚,少咗練琴,成績即刻由 A,去到 A-,再去到 B+﹗嗱﹗係唔係要嚴啲呢?﹗我覺得係囉﹗

比我特訓返一個星期,其實都是一星期練 3日琴,又上返 A啦﹗

老實講,學琴真是要勤力練架﹗邊有咁多天才吖﹗最少我個囡一定唔係囉﹗





大家LIKE咗我地個 FACEBOOK PAGE 未呀?未就快啲 LIKE 啦﹗

2015年10月22日 星期四

20151016@大頭姨姨生日飯 「北京樓」

2015年 10月16日 (星期五)

呀﹗又好幾日無出 blog﹗

2個轉校之後,我真是忙咗好多﹗因為依家 2個都下午班,放學返到屋企都已經 5:15,如果合作食完 tea 沖涼,沖完都已經 6:00幾,我就差不多返到屋企﹗跟住就開始做功課,如果以 working mom 來講,返上午班時間真是好用好多,我估對 full time mom 都是一樣,不過我地 working mom,早上真是教唔到功課,依家好多時,放工返去陪大頭妹做一陣功課就食飯,如果功課多個日,食完飯都仲要做﹗少咗時間溫習/ 玩/ 講故事/ 做練習﹗

講返大頭姨姨餐生日飯,我地都鍾意食北京填鴨,耐唔耐就想食,所以今次就揀咗北京樓﹗今次無叫套餐啦﹗其實恆生信用卡做梗一個 promotion 都幾抵﹗不過又好多野唔係真係鍾意食,完全只是因為抵食,所以都係散叫,唔係貴好多﹗

鎮江淆肉,切片上,好似少咗咬口,不過都幾香﹗

生煎包,不過不失,夠熱不過好似唔夠脆﹗

小籠包...睇個皮...都知一般...不過我又衰,我凍晒先食...就真是非常一般...

上海粗炒,北京樓的上海粗炒唔錯﹗

當然唔少得北京填鴨啦﹗

大頭妹同小丸子就最鍾意..."包",包完比我食...


我好鍾意食拔絲香蕉,每次都要點架﹗

最後當然唔少得生日蛋糕啦﹗

大家LIKE咗我地個 FACEBOOK PAGE 未呀?未就快啲 LIKE 啦﹗

2015年10月20日 星期二

20150928@川龍飲茶/城門水塘行山一日遊 (下)


繼續我們的川龍飲茶/城門水塘行山一日遊﹗

對於我來講,我今日其實只是想去川龍飲啖茶食個飽,但對小朋友來講,他們有用不完的能量,當然要再放下電,所以我們飲完茶又再坐小巴,返荃灣的小巴站,再轉坐 82號小巴上城門水塘行山和看猴子啦﹗

哈哈...睇我個笑容就知我 "鍾意" 行山啦﹗

唉﹗咁小朋友...又真是玩得好開心﹗


呢度風景都唔錯﹗


嘩﹗行行下聽到後面叫,原來有馬騮搶咗 Mandy 手上袋垃圾,隻馬騮飲 Mancent 同 Marcus 飲完的蘋果汁﹗




我地本來想行去主壩,但原來我地行錯方向,如果落小巴向前行,即 bbq 方向,應該半小時就到水壩,我地上咗山個邊,應該係行唔到,尤其係帶住 4個小朋友﹗

行行下見到牛群添呀﹗

叫小丸子同牛影相...佢掛住飲橙汁﹗

都有 6-7隻牛一齊食草﹗










最後行到 4:00,去小食亭買雪條食,食完就坐車返屋企啦﹗

大家LIKE咗我地個 FACEBOOK PAGE 未呀?未就快啲 LIKE 啦﹗



Related Posts Plugin for WordPress, Blogger...