2018年12月31日 星期一

中山2日1夜家族旅行@20171211【中山紫馬嶺公園﹑咀香園杏仁餅製作工廠】

2017年 12月 11日 (星期一)

行程的第二日,一起身就係酒店食自助早餐,依家去旅行,多數自由行,book酒店時通常好少會揀包早餐,今次跟旅行團,有包酒店的自助早餐,又令我覺得呢啲團真是好抵,而且好岩同小朋友、老人家去,有專人搞掂晒,唔洗自己粗心。其實我成日都唔明,呢啲團真是有得賺錢?﹗唔賺錢又無理由有人做吖?﹗

酒店早餐都好豐富。



臨走前係lobby 影下相,前一晚好懶都無落街行下,早上又是夠鐘集合先落lobby。


出發去第二日第一個景點,中山紫馬嶺公園。


導遊話有朵黑玫瑰喎...行晒都唔見嘅?﹗

寫返一年前的 BLOG,當時小丸子仲好短頭髮,仲好 BABY,小朋友真是大得好快﹗

呢個公園好大,如果真是要玩,一日都玩唔晒,但參加旅行團,當然就是1小時精華遊啦!


仲有動物園,一個鐘都唔知夠唔夠我行入去。

之後去食竹筒餐!

好壯觀﹗

味道都唔錯架﹗


最後一站去咀香園工場,有得試整杏仁餅。



都幾好玩,原來都好難整。




有得試食,好似特別好味。




哈哈哈﹗篇 BLOG 要趕係 2018年出,如果唔係就又拖多一年啦﹗
二日一夜的旅行團就此結束!多謝各位收看!

2018年12月29日 星期六

2018澳門聖誕親子3日遊【澳門金麗華酒店】



2018年 12月 24日 (星期一)

今個聖誕節好開心,我地一家4口,加埋大頭婆婆﹑姨姨﹑姨丈﹑嫲嫲一行8人去澳門來個 3日2夜旅行。因為之前轉工,唔知請唔請到假,去到 11月先 BOOK 酒店,氹仔個邊啲酒店好多都加晒價﹗之前9月睇威尼斯人都是 $1500/晚,11月時加到 $2300/晚。最後比我搵到【澳門金麗華酒店】,係澳門半島個邊,聖誕節個幾日都是 $13XX/晚,其實加多少少仲包自助早餐,點知比我諗多幾日,包早餐的忽然加咗二百幾蚊,所以最後無揀包早餐。

我覺得呢間酒店的性價比都唔錯,房間大﹑有個小 PLAYHOUSE,仲有個戶外小公園,戶外泳池是恆溫的,而且 18歲以下都係免費入住,仲免費加床,其實如果揀包早餐,仲包埋小朋友早餐,所以都算幾 KIDS FRIENDLY。酒店都有 FREE SHUTTLE,不過班次就疏啲,半小時一班,但旁邊就是澳門金沙酒店,所以都可以坐金沙的 FREE SHUTTLE,金沙仲有 FREE SHUTTLE 去埋巴黎人/ 威尼斯人。

不過CHECK IN時有少少問題,我 REQUEST 咗 KING BED,前枱話無 RECORD,我SHOW 埋個 EMAIL 比佢睇,佢竟然話可能係我同佢同事 MISCOMMUNICATION,誤會了 TWIN BED 同 DOUBLE BED,我話你同事 EMAIL 大大隻字寫 KING BED 喎...最終佢都比到 KING BED 我,點知入到房又好大陣煙味,而我明明 REQUEST 咗 NON SMOKING...問返我個層的確是 NON SMOKING,可能係上手静雞雞食煙,叫咗職員上房噴空清,之後就好好多。

房間都算幾大,加埋床都仲有好多位可以走動。






CONNECTED ROOM


浴室都空間十足﹗


清潔度都好滿意﹗


酒店有個小 PLAYHOUSE,房客每日可以免費玩 2小時,之後好似是 $80/小時。


我幾欣賞佢個戶外 AREA,仲有單車踩,有少少似我地上年暑假去日本個 PLAYVILLE。


我地住3日去咗 2 日都唔多人,有啲時間好似我地包場咁﹗




唔洗就鏡頭...就係無人...






澳門金麗華酒店: https://www.grandlapa.com/zh-tw/

2018年12月4日 星期二

Haagen Dazs雪糕火鍋@20181202



2018年 12月 2日 (星期日)

今日約咗大頭小丸的同學仔一齊去睇戲 The Nutcraker and the Four Realms,之後再去食雪糕火鍋,講起呢個同學仔,其實好好笑,唔知有冇係BLOG講過,呢個係佢 2年級的同班同學,有一次佢返嚟同我講,佢同學約佢去佢屋企SLEEPOVER,我心諗人地同學媽咪比咩?之後同大頭妹講,人地媽咪比就OK啦﹗結果佢地講講下,越講越認真,其實2個媽咪都可能係心諗人地比咩?結果...我地係大家其實未見過大家的情況下,我就比咗大頭小丸去同學屋企訓一晚,人地媽咪又未見過我,就幫我照顧我2個女一晚﹗真是超爆笑﹗

如是者佢地成功過一次,兩個就成日自己約出嚟玩,我地2個阿媽就只是配合佢地,佢地會自己揀去邊,去邊間餐廳...今次我地就是睇 THE NUTCRAKER 同食雪糕火鍋﹗

THE NUTCRAKER 比想像中好睇,都幾岩家長帶小朋友去睇,小朋友睇會覺得好刺激,家長睇...尤其是媽媽會有所領悟,不過唔劇透啦﹗大家自己入場睇﹗

睇完戲,去SUPER SANDWICHES 食個輕晚餐,原來 6:00 前都仲有 TEA SET﹗留返個肚一陣食雪糕火鍋。

標準SET 有 32球雪糕﹗


仲有少少生果同和果子。


大家都食得津津有味﹗




2018年11月30日 星期五

越華會@20181124



2018年11月24日(星期六)

考完試大人小朋友都要鬆一鬆,剛巧又是Sogo Thankful Week的最後一個weekend,一早訂了越華會,打算食完再行街街,點知訂咗8:00pm,最後要8:30pm 先有位,仲要最嬲係我地之後的booking都入晒去,竟然miss咗我地張枱,而我地全家一早到齊!我行去問的時候,仲叫話我是book 8:15pm!之後又話比間房我地,最後又比咗其他人,總之「人善被人欺」!是阿旺成日話人善人欺天不欺!

油鹽水蜆


沙拉骨


芝士蝦球伊麵


美國蠔煲


蒸勝瓜


蝦多士


椒鹽炸豆腐


蛋散

基於想開開心心食餐飯,又唔係咩五星酒店,最後都無投訴門口個阿姐!不過短期內都唔會再嚟啦!

Related Posts Plugin for WordPress, Blogger...